НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

“Кейәүгә йәштән сығырға кәрәк”
Махсус бит / Проблема // 16-01-2015, 11:51


“Кейәүгә йәштән сығырға кәрәк” Бынан теүәл 20 йыл элек матбуғатта иң тәүге мәҡәләм сыҡты. Ауылыбыҙға килен булып төшкән 16 йәшлек кенә енгәйебеҙ Рәйхана Шәйәхмә­тованың беҙгә, мәктәп балаларына, бейеү түңәрәге асыуы тураһында ине ул. Бер осорҙа буй еткергән егермеләгән ма­лай-ҡыҙҙы көйҙө тойоп, “әҙәмсә” бейергә өйрәткән еңгәй менән һаман да дуҫлығыбыҙ дауам итә. Ейәнсура яҡтарына, тыуған ауылыма ҡайтҡан һайын уның йылы сәйен эсмәйенсә, серләшмәйенсә китмәйем. Ул миңә һәр саҡ тормошта өлгө булып тора.
Шаян һүҙле, алсаҡ күңелле еңгәй менән эшсән, йомарт, изгелекле Флорис ағай шул тиклем пар килгәндәр, ундайҙар хаҡында, һуйған да ҡаплаған, тиҙәр. Ҡотло донъялары, изгелекле балалары, ҡунаҡсыллыҡтары, ярҙамсыл булыуҙары менән һәр кемгә үрнәк булырлыҡ матур ғаилә улар. Тик яҡындан аралашҡан кешеләр генә уларҙың тормоштоң ниндәй шарттарында һәм ниндәй юлдары менән ошондай өлгөлө матурлыҡҡа килеп еткәнен аңлай алалыр....

ТОРБА ҒЫНА ҠАЛДЫ ҺЕРӘЙЕП…
Экономика / Проблема // 16-01-2015, 09:26


ТОРБА  ҒЫНА ҠАЛДЫ ҺЕРӘЙЕП…12 көнгә һуҙылған байрам көндәре үтеп, рәхәтләнеп ял итеп, эш урындарыбыҙға килеп еттек. Эш башлар алдынан Матбуғат йорто тәҙрәһенән тышҡа ҡарап ултырып алырға күнегелгән. Унда әллә ни матур пейзаж булмаһа ла, барыһы ла яҡын, ҡәҙерле. Һәр хәлдә, йылдар буйына Өфөләге 1-се йылылыҡ цехының (КЦ 1) 90 метрлыҡ торбаһына ҡарап ултырам. Тик был юлы торбанан талғын ғына сыҡҡан төтөнгә ҡарап уйланырға ваҡыт булманы – цех эргәһендәге УЗЭМИК заводының бер бинаһы ҡотто алды. Бом­баға тотҡандармы ни – емерелеп төшөргә оҡшап тора, тәҙрәләре өңрәйгән, станалар аҡтарылған. Ҡотһоҙ инде, дөрөҫөн әйткәндә.
...

Ауырлыҡтар артында ЕҢЕЛЛЕК ята
Махсус бит / Проблема // 9-01-2015, 14:52


Тормошто сикһеҙ һынауҙарҙан торған һикәлтәле юлға оҡшатам. Әҙәм балаһының ныҡлығы шатлыҡ-ҡайғы менән дә, байлыҡ-йотлоҡ менән дә ҡапшала. Бөттө, барыһы ла бөттө, тип күңел төшөргәндә, дөм ҡараңғылыҡта ҡапыл ут гөлтләп ҡабынғандай, көтмәгәндә яңы офоҡтар асыла. Ауыр­лыҡтан һуң иҫ киткес еңеллек килә. Түбәндә һүрәтләнгән осраҡтар тап шуны раҫлай. Яҙмыш ауырлығына зарлан­ғанда был бары сираттағы һынау икәнлеген онотмағыҙ.
Бала – ғаилә тотҡаһы, тиһәләр ҙә...
БДУ-ның икенсе курсында уҡып йөрөүсе Камил “первашка” Әнисәне тәү күреүҙән оҡшата. Шаталаҡ, сая, күҙҙәренән нур сәселеп торған ҡыҙ тәүҙә хистәренә яуап бирмәй. Егет бер ҙә төшөп ҡалғандарҙан түгел, һүҙен һүҙ итә – ҡыҙҙың йөрәгенә асҡыс ярата....

“Һигеҙ ожмах асҡысы” китабының авторы менән бер яҡлы әңгәмә
Әҙәбиәт / Проблема // 9-01-2015, 11:43


Сулпан һеңлем!
Һинең “Һигеҙ ожмах асҡысы” исемле шиғри йыйынтығыңды уҡып сыҡтым да, үҙенсәлекле бер әңгәмә ҡороп алырға булдым. Бәғзе берәү уны, бәлки, рецензия тип нарыҡлар, ҡайһылары асыҡ хатҡа ла оҡшатыр. Ләкин минең өсөн исеме түгел, есеме мөһим. Яҡташым һәм ырыуҙашым булараҡ, һинең менән ошолай аралашыуҙы ҡулайыраҡ та күрҙем. Был китабыңды бүләк иткә­нең өсөн, һүҙемде рәхмәт белдереүҙән башламаҡсымын. Күптән бындай рухи ҡәнәғәтләнеү тойғоһо кисергәнем юҡ ине. Әммә йыйынтығыңдың һуңғы битен япҡас, күңелде ҡәнәғәтһеҙлек хисе биләп алды, “бөтөп тә ҡуйҙымы ни?” тигән үкенесле уйҙар йөрәкте өйкәне....

Әкиәт һәм йыр донъяһы
Башҡортостан / Проблема // 12-12-2014, 14:40


Әкиәт һәм йыр донъяһыӘкиәт һәм йыр донъяһыЙәшәлгән ғүмер бейеклегенән үткәндәргә, бөгөнгөгә ҡарап, шундайыраҡ һығымтаға ки­ләһең: әҙәм балаһының донъяны танып белеү һәләте көслө һәм сикһеҙ. Бушҡа ғына, билдәһеҙлек кешене нығыраҡ ылыҡтыра, тимәйҙәрҙер. Бала ла бит, бер бешкәнсе, утҡа ынтыла. Шуға күрә лә ошо сифатыбыҙ беҙҙе төрлө ҡитғаларға һәм тарафтарға тарта. Әллә күпме аҡса түгеп, ваҡытыбыҙҙы сарыф итеп, ғүмеребеҙҙе ҡурҡыныс аҫтына ҡуйып, самолеттарҙа йыһаныбыҙҙың бер сигенән икенсеһенә табан осабыҙ, поездарҙа елдерәбеҙ, алыҫтарға сәйәхәт ҡылабыҙ. Сит илдәрҙә сәскә ата барған туризмға, кешене хеҙмәтләндереү кимәленә, иге лә, сиге лә булмаған төрлө тауарҙары менән ылыҡтырған ят баҙар­ҙар­ға һоҡланабыҙ. Ҡыйынлыҡ менән булһа ла сит телдәрҙе өйрәнеп, үҙебеҙ барған ерҙә йәшәгән кешеләр телендә һупалаштырған булабыҙ....

Кешенең исеме уның яҙмышына йоғонто яһай аламы?
Махсус бит / Проблема // 12-12-2014, 14:20


Кешенең исеме уның яҙмышына йоғонто яһай аламы?Кешенең исеме уның яҙмышына йоғонто яһай, тигән фекерҙе күп тапҡыр ишетергә тура килһә лә, нисектер быны етди ҡабул итмәй торғайным. Бер таныш апайҙың һөйләгәндәренән һуң шулай ҙа уйланырға мәжбүр булдым.
Ғаиләләрендә кинйә малай тыуғас, улар исем һайлап йөҙәмәгән. Әсә үҙенең күңелендә йөрөткән исемде ҡуштыра – Илсур. Башҡортса ла матур яңғырай, рус теленә тәржемә иткәндә лә боҙолмай. Илсур шуҡ, шаян булып үҫмәһә лә, бәләкәйҙән башы бәләнән сыҡмай. Ул ҡолау-бәрелеүҙәренең, ҡазаланыуҙарының иҫәбе-һаны булмай. Йомортҡа ҡарарға менгән еренән кәртә башынан ҡолап төшөп, ҡулын да һындыра, солан башынан йығылып, аяғын имгәтә. Эҫе һыуға ла бешеп, апаруҡ дауаханала ятып сыға. Үҫә төшкәс, мотоцикл ме­нән аварияға осрай… Ата-әсә­һенә аҙаҡ уны армиянан да барып алып ҡайтырға тура килә – ниндәйҙер күнекмәләр ваҡытында аяғын һындыра, уныһы яңылыш уңалып йонсота…...

Өҙөлгән ҡыл…
Махсус бит / Проблема // 12-12-2014, 04:46



«Дауаланып алайым да, һеҙҙе мотлаҡ Алматыға ҡунаҡҡа саҡырам. Бында һеҙгә оҡшаясаҡ, жа­ным! Килерһегеҙ бит?» – һо­­рауы­на мин ыңғай яуап бирҙем. Ә икенсе көндө ул шылтыратманы. Шом­ланып, бер туҡтауһыҙ номерын йыйҙым. Кис ят тауыш яуапланы: «Мин уның кейәүе. Ул бөгөн үл­де…» Бер ни ҙә аңламай, иҫемде юғал­тып йығылдым… Мөхәб­бәт­тән үлмәйҙәр, тиҙәр. Ә мин саҡ те­ре ҡалдым, шаңҡыуҙан арынырға бер йыл ваҡыт талап ителде.
Беҙгә күпселектә ғәҙеллек эҙләгән, ярҙамға мохтаж кешеләр мөрәжәғәт итә. Үҙҙәренең оҙон йә ҡыҫҡа тормош юлында ғәжәп күренештәргә осрағандар ҙа күргәндәре менән бүлешергә ашыға. Ә һуңғы ваҡытта мөхәббәт ҡиссаларын йыш ишетергә тура килә. Ҡыҙыҡ та, ҡыҙғаныс та инде: уларҙың барыһы ла көҙгө кис кеүек һағышлы, үкенесле, әйтерһең дә, бәхетле мөхәббәт тарихтары тик әкиәт­тәр­ҙә генә тороп ҡалған (ә бәлки, һөйөп-һөйөлгәндәр бәхеттәренә күҙ тейҙереүҙән ҡурҡып, үҙҙәренең яҙмышын йәшерә, ҡурсалайҙыр)....

“Яратам, йоҙроҡтарым менән яратам
Махсус бит / Проблема // 5-12-2014, 13:22


“Яратам, йоҙроҡтарым менән яратамБеҙҙең ил киңлектәрендә шундай бер әйтем таралған: “Туҡмай икән, тимәк, яра­та!” (“Бьет – значит любит!”) Нин­дәй ҙә ахмаҡ әй­тем. Беҙҙең халыҡ сығармағанына һөйөнәм шулай ҙа. Моғайын, һуғышырға яратҡан әҙәм ауыҙынан таралғандыр. Күбеһенсә, ҡатын-ҡыҙҙар ҡабатлай, имеш. Ирҙәренән туҡмалғандары шулай алданалырмы? Бын­да мөхәббәттең ни ҡыҫылышы? Яратҡан кешеһенә ҡул күтәрергә, кем әйтмешләй, псих ҡына йөрьәт итер. Ысынлап та, йоҙроғон эшкә еккән ир ниндәй маҡсат ҡуя? Уның көслө зат икәнен “ҡорбаны” былай ҙа белмәйме ни? Психологтар әйтеүенсә, ир үҙенең өҫтөнлөгөн күрһәтергә тырыша, ҡатын буйһонмай башлаһа, нимә эшләрмен, тип ҡурҡа. Әһә, барыһы ла ҡурҡыуҙан инде улайһа? Ҡурҡаҡ ирҙәр генә ҡатынын туҡмай, тип ауыҙ тултырып әйтә алабыҙмы?
Бынан бер нисә аҙна элек Беренсе каналда Андрей Малаховтың “Һөйләһендәр әйҙә” (“Пусть говорят”) тапшырыуында Рәсәй киноһы “йондоҙ”о Марат Бәшәровтың ҡатынын әҙәм ҡарағыһыҙ итеп туҡмауы хаҡында ике көн рәттән күрһәттеләр....

Эскелеккә ҡаршы ниндәй закон проекты һөҙөмтәлерәк эшләр ине?
Махсус бит / Проблема // 21-11-2014, 13:10


Эскелеккә ҡаршы  ниндәй закон проекты һөҙөмтәлерәк  эшләр ине?РФ Дәүләт Думаһы депутаттары иҫерткес эсемлектәрҙе магазин кәштәләренән алыу тураһында закон проекты әҙерләй. Был тәҡдим халыҡ араһында бер аҙ шау-шыу тыуҙырырға ла өлгөрҙө. Бәғзеләр уны хуплаһа, кемдәрҙер тәнҡит утын яуҙыра. Гәзит уҡыусы дуҫтарыбыҙ ниндәй ҡарашта? Был закон эскелекте туҡтатырға ярҙам итерме?
... – Кемдәрҙелер туҡтата, ләкин эскегә һабыш­ҡандар теләһә ниндәй шыйыҡсаларҙы һатып алып эсә башлаясаҡ. Көмөшкә ҡы­уыу­сыларға, шикле иҫерткес эсемлектәр һатыусы алыпһатарҙарға ҡатыраҡ закон кәрәк. Ауылдарҙа шуның менән генә кәсеп итеп, хатта бизнес яһап ятыусылар күп. 100 мең һум тирәһе штраф һалһаң, ул саҡта ла туҡтамаһа, иркенән мәхрүм итһәң, һөҙөмтә һәйбәт булыр ине....

Мөхәббәтме әллә иҫәпме?
Махсус бит / Проблема // 21-11-2014, 11:57


Мөхәббәтме  әллә иҫәпме?Гөлнара әйләнә-тирәһендәге бөтә нәмәгә тыныс ҡарай. Бошмаҫ та түгел ул, артыҡ бер ҡатлылығы ла юҡ. Шулай ҙа уның менән нимә генә булмаһын, ниндәй генә хәлгә тарымаһын, әлеге заманға ҡарата әйтелгән “Быныһы ла үтер” тигән һүҙ тормош девизы кеүек. Әле ошо танышымдың сираттағы ғашиҡ булып йөрөгән сағы. Үҙе әйтмешләй, “икенсе яртыһы” менән “кәнфит-букет” осоро.
Һи-и, уның нимәһе ғәжәп, кеше кемделер оҡшатып таныша, дуҫлашып йөрөй икән, һәр кемдә була бындай осор, тиерһегеҙ. Шулай ҙа ул, тик был юлы Гөлнараның миңә таныш түгел яғы күренде – һағая, шикләнә белә икән ул! Тағы аңлашылмаймы? Гөлнараның үҙенә – 37, “йәре”нә 23 йәш булғанда һағайтыла икән....


  • “Балалар менән эшләүе оҡшай”
  • Башҡорт википедияһы йәштәрҙе көтә!
  • Ҡарғыш алма, алғыш ал!
  • Көнбағышлы пакет
  • Ҡурайсы, актер, йырсы, етәксе
  • Гимндар төрлө була…
  • Ураҙа айы мөбәрәк булһын!
  • Йондоҙнамә (21-27 май)
  • Ремонт эшләүселәргә кәңәштәр
  • Балсы ҡулынан бал тамыр



  • Радио Юлдаш FM