НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Айырылмағыҙ, айырылмағыҙ...
Махсус бит / Проблема // 4-06-2017, 10:00


Айырылмағыҙ, айырылмағыҙ...
Илебеҙҙә никахтар тарҡалыу мәсьә­ләһе киҫкен торғаны һәммәбеҙгә мәғлүм. Бәхеткә күрә, ошо хаҡта уйланыусылар, башҡаларға файҙалы кәңәш биреүселәр ҙә күп. Тормош тигән нәмә шундай ҡатмарлы, шунлыҡтандыр, бер кемгә лә дөрөҫ юлды аныҡ ҡына күрһәтеп булмай. Һәр ғаилә ағзаһы һәр аныҡ осраҡта килеп тыуған мәсьәләне үҙенсә сисә......

“Янғантау шифаханаһында башҡортса һөйләшеүҙе тыйҙылар…”
Махсус бит / Проблема // 24-05-2017, 12:42


“Янғантау шифаханаһында башҡортса һөйләшеүҙе тыйҙылар…”“Бәйләнештә” социаль селтәрендә ошондай хәбәр таралды

“Һаумыһығыҙ! Был хатты һеҙгә Салауат районы “Янғантау” шифаханаһының эшселәре яҙа. Бөгөн, 15. 05. 2017, иртәнге оперативкала шифахана директоры санаторий территорияһында башҡорт һәм татар телдәрендә һөйләшергә тыйған. Беҙгә был мәғлүмәтте оперативкала еткерҙеләр. Беҙҙең уйлауыбыҙса, был – кешенең конституцион хоҡуҡтарын боҙоу. Шифаханала эшләүселәрҙең 80 проценттан ашыуы башҡорт һәм татар милләтенән. Беҙҙең телебеҙ кемгә ҡамасаулай икән?..”
Ошондай йөкмәткеле хәбәр ҡуйылды “Бәйләнештә” социаль селтәренә. Ул йәшен тиҙлегендә байтаҡ төркөмгә күсереп алынды һәм фекер алышыуҙар, бәхәстәр башланыуға сәбәп булды....

Һәр нәмәгә яуап бирәһең…
Махсус бит / Проблема // 23-05-2017, 09:30


Һәр нәмәгә яуап бирәһең…
Бала саҡтағы бер ваҡиға хәтирә булып күңелдә йәшәй.
…Атайым күрше ауылға мейес сығарыр­ға барҙы, мине лә эйәртте. Беҙ барған йорт хужалары йылы ҡаршы алды, сәй ҙә эсерҙеләр. Атай эш менән булыш­ҡанда тирә-яҡты күҙәтәм. Йорт яҡты, матур. Миңә таныш булмаған яңы әйбер­ҙәр ҡараштырам. Хужаларҙың ике еткән улы бар. Шул тиклем матурҙар. Ерән сәслеләр, оҙон шаҡмаҡлы күлдәк, киң балаҡлы салбар кейгәндәр, ҡайыштары сын­йырлы. Ҡарап торһаң, кинонан килеп сыҡҡандармы ни!
Был ауыл совхоз ауылы булғанға бик бай ине. Иген мул, халыҡ та колхоз кешеһе һымаҡ түгел, күпкә етеш йәшәйҙәр....

Һаҡсыл ҡыланырға ваҡыт миңә
Махсус бит / Проблема // 13-05-2017, 11:25


Һаҡсыл ҡыланырға ваҡыт миңәйәки ут менән шаярмайым
Йортобоҙ янында бер нисә ҡайын үҫә. Йәйгеһен эй матур инде. Ҡояш ҡыҙҙырғанда күләгәлә рәхәтләнеп ял итергә була. Ҡышҡы һыуыҡта ағас­тар өҫтөнә бәҫ ҡунһа, үҙемде әкиәт доньяһындағылай хис итәм. Яҙын ағас­тар бөрөләнеп, япраҡ яра башлаһа, күңел йырламаҫ еренән йырлар. Көҙөн алтынға мансылып ултыралар. Япраҡтары ергә ҡойолоп, баҡсамдағы сәскәләремде ҡышҡы һыуыҡтарҙан һаҡлай, яҙға серетмәгә әйләнеп, тупраҡҡа шәп минерал булып тора....

Үрсегән осоронда уларға теймәйек
Махсус бит / Проблема // 28-04-2017, 08:30


Үрсегән осоронда уларға теймәйек
Яҙ етеү менән бар тереклек йоҡоһонан уяна. Был ваҡыт – ҡайһы бер ҡоштарҙың, йәнлектәрҙең, балыҡтың үрсегән осоро. Балыҡ ташҡын ваҡытында ыуылдырыҡ сәсә. Шуға ла май айында беҙҙең йылға-күлдәрҙә балыҡ аулау тыйыла, тик ҡармаҡ менән генә тоторға мөмкин. Был сикләүҙәр нимә өсөн кәрәк һуң?
Үрсеү мәлендә барса йәнлек, шул иҫәптән балыҡ та тирә-яҡтағы факторҙарға бик һиҙгер. Моторлы кәмәлә йөрөп, балыҡ тотоу уларҙың тынлығын боҙа. Һыуҙа йәшәүселәр сит­кә китеп, икенсе урын һайлай, йәшенә.
Балыҡтар үрсеүсән йән эйәләре. Бер инә балыҡ ҡына меңдән алып 300 меңгә тиклем ыуылдырыҡ сәсеүгә һә­ләтле. Мәҫәлән, бәрҙе – ур­таса 10 мең, ҡорман балығы 100 мең ыуылдырыҡ сығара. Уларҙың һаны балыҡтың йәшенә лә бәйле. Ыуыл­дырыҡтың күп өлөшө юҡҡа сыға, личинкаға әүерелгәндәренең һәм бәләкәй балыҡ булып хасил булғандарының күптәре үлә, ни бары 0,1 проценты ғына үҫеп етә. Бәрҙе үҙенең артынан ун тоҡом ғына ҡалдыра ала тигән һүҙ. Ике-өс йылдан һуң был унау үҙҙәре 100 тоҡом ҡалдыра. Һыла балығы менән дә шундай уҡ хәл. Ул 100 тоҡомға ғүмер бирә. Ыуылдырыҡ сәскәндә ошондай ун балыҡты тотһағыҙ, һеҙ киләсәктә 1000 һыла балығын юҡҡа сығараһығыҙ. Башҡа балыҡтар менән дә шундай арифметика. Балыҡ тотоуҙа айырым ҡағиҙәләр ҙә бар. 32 сантиметрҙан ҡыҫҡа суртанды, 40 сантиметрҙан ҡыҫҡа һыла балығын, 25 сантиметрҙан ҡыҫҡа ҡорбан балығын һыуға кире ебәрергә кәрәк. Билдәле ҙурлыҡта булғандары һәйбәт тоҡом ҡалдыра. Балыҡтар популяцияһында ла ҡан яңыртыу бара. Ыуылдырыҡ сәскәндә бер үк балыҡтар ҡатнашһа, уларҙың төрө юҡҡа сығыуы ла бар.

Илдус НУРМӨХӘМӘТОВ,
«Шүлгәнташ» тәбиғәт дәүләт ҡурсаулығы һәм «Башҡортостан» милли паркының ғилми хеҙмәткәре....

Иртә никах: иртә өлгөрөүме әллә мәжбүрилекме?
Махсус бит / Проблема // 23-04-2017, 12:50


Иртә никах: иртә өлгөрөүме әллә мәжбүрилекме?Иртә йәштән ҡоролған никахтар элек тә булған, хәҙер ҙә 18 йәше тулмайынса ғаилә ҡорорға ашыҡҡандар, «иртә өлгөргән» йәштәр бар. Берәүҙәрен ҡыҙҙың ауырға ҡалыуы сәстәрен сәскә бәйләргә этәрһә, икенселәренең – мөхәббәт тойғоларынан күктең етенсе ҡатында гиҙгәндәренең һөйгәндәре менән тиҙерәк бергә булғыһы килә, ҡайһы берҙәрен, ата-әсә күҙәтеүенән ысҡынып, тиҙерәк үҙ аллы булырға ынтылыу теләге кейәүгә сығыуға этәрә. Билдәле, балалыҡтан сығып етмәгән егет менән ҡыҙ психологик, әхлаҡи, матди яҡтан да ғаилә ҡарарға әҙер түгел. Улар бала табып, айырыла ҡалһа, бар ауырлыҡ ата-әсәләре иңенә төшә....

Һыу-һүл мәле имен үтһен
Махсус бит / Проблема // 21-04-2017, 11:20


Һыу-һүл мәле  имен үтһен Синоптиктар Башҡортостанда ташҡындың май баштарында көсәйәсәге хаҡында белдерҙе
Былтыр яҙ иртәрәк килеп, ташҡын апрель аҙаҡтарында башланғайны. “Башгидрометүҙәк”тән хәбәр итеүҙәренсә, быйыл Өфөлә Ағиҙел йылғаһы – 750 – 850 сантиметрға, Өфө – 760 – 860, Дим 700 сантиметрға күтәрелеүе ихтимал. Дөйөм алғанда, республика йылғаларында яҙғы ташҡын ваҡытында һыуҙың норманан 20 – 70 сантиметр­ға юғарыраҡ булыуы фаразлана.
Республикалағы йылға бассейндарында көҙҙән ҡалған һыу запасы норманан әҙерәк булды. Ҡышҡыһын ер ҙә элекке йылдар­ҙағы кимәлгә етеп туңманы. Ҡарҙағы һыу запасы бар бассейндар буйынса 20 – 40 процентҡа күберәк тупланған. Ошо сәбәптәр ташҡындың имен үтеренә өмөт биргән кеүек. Ләкин яҙҙың һуң килеүе һағайта – ҡарҙың бер юлы иреүе йылғаларҙы ярҙарынан сығырға мәжбүр итәсәк. Ағиҙел һәм Өфө йылғалары ташыу һөҙөмтәһендә 932 йорттоң, 33 ойошма-предприятиеның һыу аҫтында ҡалыуы ихтимал. Ә дөйөм алғанда, республикала 80 мең кеше йәшәгән 258 тораҡ пункты ташҡындан зыян күреүе мөмкин.

...

«Әсәйем янымда, тик ул интернетта»
Махсус бит / Проблема // 20-04-2017, 13:51


«Әсәйем янымда,  тик ул интернетта»Өс йәш самаһындағы бала майҙансыҡта уйнай: ҡомлоҡта булыша, шыуғалаҡҡа менеп китә, бәүелсәккә менеп ултырырға маташа. Эскәмйәлә баланың әсәһе ҡулына планшет алып, бар донъяһын онотҡан төҫлө. Бәләкәстең: “Әсәй, ҡара мине, минең менән һөйләш!” – тип ҡысҡырыуына башын күтәреп ҡараһасы. Ҡатындың янынан битараф үтеп китә алманым, яҡынлашҡас, уның “Инстаграм”да бер “йондоҙ”ҙоң фотоларына “лайк”тар ҡуйыу менән мәшғүл икәнен күрҙем.

...

Ирҙәрҙең башҡа ҡатын-ҡыҙға ҡарауына кем ғәйепле?
Махсус бит / Проблема // 13-04-2017, 12:18


Ирҙәрҙең башҡа ҡатын-ҡыҙға ҡарауына кем ғәйепле?йәки Ни өсөн көслө зат сисенеп йөрөмәй?

Йәшәйешебеҙҙән айырып булмай торған төрлө мөһим проблемалар гәзитебеҙҙә әленән-әле күтәрелеп тора. Шуларҙың икәүһе хаҡында һүҙ алып бармаҡсымын. Тәүгеһе ҡатын-ҡыҙҙарыбыҙҙың тышҡы ҡиәфәте, йәғни уларҙың кейеме тураһында булһа, икенсе һүҙ ниндәйҙер сәбәп арҡаһында бәғзе ирҙәрҙең башҡа ҡатын-ҡыҙға ҡыҙығып китеүе хаҡында бара. Ни өсөн был ике мәсьәләне бер юлы күтәреүем ошо мәҡәләне уҡый-бара аңлашылыр, тигән өмөттәмен....

Минең карьерам
Махсус бит / Проблема // 1-04-2017, 15:45


Минең карьерамйәки Нисек кенә булһа ла, иремде ир итә алдым

Ҡатын-ҡыҙ тормошо, яҙмышы, холоҡ-фиғеле тураһында мәғлүмәттән күп нәмә юҡтыр гәзит-журналда ла, “зәңгәр экран”да ла, интернет киңлегендә лә. Һәр төрлөһө, ҡолаҡҡа ятҡаны, ятмағаны, бәхәс, ҡапма-ҡаршылыҡлы фекер тыуҙырғаны ла етерлек. Ә тормошҡа сығып, һәүетемсә йәшәп ятҡандары тураһында башлыса “ирҙән уңды”, “һөт өҫтөндәге ҡаймаҡ кеүек йәшәй” йәки “бер тинтәккә сығып әрәм булды”, “ир урынына ла үҙе, ҡатын урынына ла” тигәнерәк һүҙҙәр менән йәлләп, күп осраҡта өлгө (ниндәй өлгө булһын инде?!) итеп телгә алалар. Ә минең булмышым телгә алын­ған ике осраҡҡа ла тап килмәй. Әлбиттә, ундай ҡатын-ҡыҙҙар бар беҙҙең арала. Тик белеп еткермәйбеҙ. Әлеге лә баяғы, ундайҙар бит асыла һалып бармай. Уларҙың тормошо ете ҡат бик аҫтында. Шуға ла үҙ ғаилә тарихымдың бер мөйөшөн аса биреп ҡуйҙым. Исемемде үҙгәртеп алдым....


  • «Башҡортостандың 100 шәхесе»
  • “Ҡыҙлы кеше бәхетле...”
  • Рамаҙанды ураҙа, изгелек эшләүебеҙ менән биҙәйек!
  • «Уҡыйым. Бейейем. Ҡул эштәре менән булышам»
  • Бахыр бала. Йәне йәннәттә булһын...
  • Хәйер (хикәйә)
  • “Матурлыҡҡа һоҡланып йәшәйем”
  • Үәт, ҡыҙыҡ! (16.06.2017)
  • “...Халҡым киләсәге – егет-ҡыҙҙар булғанда, Онотолмаҫ рухың был ерҙә...”
  • Йондоҙнамә (5 – 11 июнь)



  • Радио Юлдаш FM