НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » » Беҙҙең дә өлөшөбөҙ бар

Беҙҙең дә өлөшөбөҙ бар


йәки Һуғыш балалары льготаларға лайыҡ
Бөйөк Ватан һуғышы тамамланыуға 67 йыл тулды. Һуғыш яланында йөрөп ҡайтыусылар ҙа йылдан-йыл кәмей. Кәмей генә түгел, ә бөтөп бара. Беҙҙең Белорет районының Инйәр ауыл советында улар өсәү генә ҡалған. Тыл батырҙары әлегә әҙ генә күберәк.
Беҙҙең йәштәштәр ул йылдарҙа ниндәй генә ауырлыҡтар кисермәне. Күбебеҙ аслы-туҡлы йәшәнек. Ҡар иреп бөткәс, үлән менән туҡлана инек. Ҡаҡы, фәрҙә, ҡымыҙлыҡ, һарына, балтырған, әтлек, кесерткән һәм башҡа үләндәр беҙҙең аҙыҡ булды. Өҫкә кейергә кейем булманы. Әсәйҙәребеҙ иҫке кейемдәрҙән, бейәләйҙәрҙән күлдәк, салбар тегеп кейҙерҙе. Аяҡтарҙа үҙебеҙ үргән сабата ла силғау ине. Көсөбөҙ еткән бар эште лә эшләнек, ә уҡырға һуғыш тамамланғас ҡына барҙыҡ. Белем алырға китап, яҙырға дәфтәр, ҡәләм, ручка етмәне. Ҡараны бәшмәктәр­ҙән эшләп, ҡаурый табып, уны һепертке ағасына бәйләп яҙыштыҡ.
Ауылыбыҙҙа башланғыс мәктәп булды. Унда 5-се, 6-сы синыфты тамамлағандар уҡытты. 5-се синыфтан ун саҡрымда ятҡан Инйәр урта мәктәбенә йөрөп белем алдыҡ. Мәктәптән ҡайтҡас, ашап та тормай, утын­ға, бесәнгә китәбеҙ. Аяғыбыҙҙа шул уҡ сабата, ә силғауыбыҙ ниндәй булғандыр инде? Өйҙә сәғәт юҡ. Уҡырға йөрөүселәрҙең береһе уянһа, ауыл буйлап иптәштәрен уятырға сығып китә. Ваҡыттың күпме икәнен бер кем белмәй. Әҙерәк тамаҡҡа ашап алғас, юлға сығабыҙ. Мәктәпкә барып еткәс, һаҡсы янында ғына ваҡытты беләбеҙ. Иртә булһа, шунда иҙәнгә теҙелешеп ятып йоҡлайбыҙ. Сәғәт һигеҙҙә һаҡсы беҙҙе уята һәм үҙ бүлмәләребеҙгә таралабыҙ. Дәрес ваҡытында ла йоҡлап киткәнбеҙҙер инде. Бына шулай уҡыныҡ. Әсәйҙәр ҙә, үҙебеҙ ҙә тырышып, Инйәр мәктәбен тамамланыҡ. Әрме сафында ла хеҙмәт иттек. Хәрби хеҙмәттән ҡайтҡас та эшкә тотондоҡ. 50 йылға яҡын хеҙмәт стажым бар.
Эйе, беҙҙең замандаштар бик ауыр тормошта, ауыр заманда йәшәне. Еңеүҙе яҡынайтыу өсөн мөмкин булған эштәрҙең бөтәһендә лә ярҙамлашырға тырыштылар. Уларҙың бала сағын, йәшлеген һуғыш урланы.
Әлеге ваҡытта яҡшы йәшәргә хаҡлыбыҙ. Шуның өсөн әҙ булһа ла льготаларға лайыҡлыбыҙ, тип уйлайым.
Нурулла МИҺРАНОВ,
Белорет районының һәм ҡалаһының
почетлы гражданы.
Белорет районы,
Манышты ауылы.

Сығыу ваҡыты 10-07-2012, 12:37 | Ҡаранылар: 969
|
  • Хәрби хеҙмәткә яуаплы ҡараныҡ
  • Замандаштарым һынатманы
  • Алтын ҡуллы әсә
  • Бөгөнгө йәш быуынға беҙ күргәндәрҙе күрергә яҙмаһын
  • Һуғыш йылдарындағы ауыр бала саҡ онотолмаясаҡ
  • Информация

    Комментировать статьи на сайте возможно только в течении 4 дней со дня публикации.


  • “Уның үлемен теләп йәшәнем...”
  • Еҙнәм инең (хикәйә)
  • “Кеше үлемендә минең дә ғәйебем бар...”
  • Мин һәр саҡ табип хатаһы ебәреүҙән ҡурҡа инем...
  • Үәт, ҡыҙыҡ! (17.11.2017)
  • Татлы һөйөүҙән кем туйған?
  • ҺАБАҠ (хикәйә)
  • Үәт, ҡыҙыҡ! (24.11.2017)
  • Мәүлит байрамы мөбәрәк булһын!
  • Тәҙрә төбөндә үҫкән дарыу



  • Радио Юлдаш FM