НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » » Юғалттым бәхетемде

Юғалттым бәхетемде


Юғалттым бәхетемде
Минеңсә, мөхәббәт – ул бер кешенең икенсе кешегә ҡарата ныҡлы бәйләнеше, тәрән хисе. Уны инәлеп, үтенеп, ялбарып, көс менән алып булмай. Ваҡыты етһә, көтмәгәндә, һинән һорап тормайынса, үҙе килә. Тәнзилә исемле танышым бәхетен ҡулынан нисек ысҡындырыуы хаҡында һөйләгәйне.
– Бер нисә йыл элек Илнур менән таныштым. Тора-бара ул миңә ныҡлап эҫенеп китте, яратыуын да әйтте. Ә мин етди мөнәсәбәттәрҙән ҡурҡтым. Шулай дуҫлашып йөрөгәндән һуң ниңәлер арабыҙ һыуынды, мин осрашыуҙы туҡтаттым. Ул, миңә үпкәләптер, ахыры, башҡа яҙманы ла, шылтыратманы ла. Шулай ҙа Илнурҙың нисек йәшәгәне менән ҡыҙыҡһынып торҙом. Тик элекке һөйгәнемдең башҡа ҡыҙ менән осрашыуын ишеткәс, көнләшеү тойғоһо уянды, унһыҙ йәшәй алмағанымды аңланым.
Үҙем уға смс-хәбәрҙәр ебәрҙем, яратыуымды яҙҙым. Ул ваҡытта миңә нисек ауыр булғанын белһәгеҙ ине?! Һәр минут һайын Илнурымдан шылтыратыу, яуап хаттары көттөм. Юлда, урамда ул күҙ алдыма баҫа, беҙҙең бергә үткән һуҡмаҡтар уны иҫләтә, күңел тик уны эҙләй. Бындай хәлгә төшөрмөн тип уйлағаным да юҡ ине. Онот, егеттәр бөткәнме, тип әйтеүселәр ҙә булды. Эйе, артымдан йөрөүселәр әҙ түгел. Тик береһенә лә күңел ятмай, үҙемде унһыҙ күҙ алдына ла килтерә алмауымды һуңлап аңланым. Бер заман ул ҡайтыр, барыһы ла элеккесә булыр, тип йәшәнем.
Был донъяла мөхәббәт бармы ул? Ни өсөн яратҡан кешең менән ҡауышып булмай?
Бер аҙҙан ул кәләш ала тигән хәбәрҙе ишеттем. Дөрөҫөн генә әйткәндә, хәҙер йәшәгем дә килмәй. Барыһына ла мин ғәйепле, мөхәббәтемде үҙем юғалттым. Хәҙер инде бергә булған парҙарҙы күрһәм, ҡыйын, йөрәк әрней...
Ысынлап та, бәхет ҡошон ҡулдан ысҡындырырға ярамай икән. Ғүмер бер генә. Аҙаҡ үкенерлек булмаһын.
Альбина апайығыҙ.

Сығыу ваҡыты 17-12-2017, 07:30 | Ҡаранылар: 646
|
  • Мөхәббәт һуғыш кеүек – бөтә ҡорал да яҡшы
  • Өләсәй кәңәштәре
  • Аҡылһыҙ Мөхәббәт
  • Аҡылһыҙ Мөхәббәт
  • Мин, моғайын, башҡа түҙә алмам…
  • Информация

    Комментировать статьи на сайте возможно только в течении 4 дней со дня публикации.


  • Мүк өҫтөндә бөрлөгән (Хикәйә)
  • Дилүзә БАЙСУРИНА
  • «Шундай матур, шундай йылы Уйлап сығарған донъям…»
  • Балаларығыҙ хаҡына үҙегеҙҙә ҡайғығыҙҙы еңерлек көс табығыҙ
  • 10 июнь – Ҡәҙер кисе
  • Билдәле актер Азамат Хәлилов вафат булды
  • Тырыштар уңышҡа өлгәште
  • Үәт, ҡыҙыҡ! (8.06.2018)
  • Бала ҡуйындағы йыланға әйләнмәһен
  • Рәзиләгә кейәү эҙләү



  • Радио Юлдаш FM