НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Әсәйем…


Әсәйем…Әсәй… Ниндәй яғымлы, матур һүҙ ул. Бөтә кешегә әсәй – бик ҡәҙерле, яҡын кеше.
Әсәйем… Һин донъяла бе­рәү генәһең, күҙ нурым минең. Һин бөтә ауырлыҡ­тар­ҙы еңәһең. Йомшаҡ, нәфис ҡулдарың биткә ҡағылып үтһә, ниндәй рәхәт! Ә мин яратам шулай иркәләгәнеңде…
Әсәкәйем… Ҡулдарың ал­тын һинең, бар эшкә лә өлгөрәһең. Бешергән аштарың шундай тәмле, телеңде йо­торлоҡ. Татлы ризыҡтарыңды ауыҙ итһәң, арыуыңды онотҡандай булаһың. Әллә һин тылсымсыһың?
Хистәремә сәсәй-сәсәй, яндарыңа ашығам. Эй, һағындым үҙеңде. Белә­һеңме, һин бит минең өсөн донъялағы иң ҡәҙерле кеше. Һин булмаһаң, күктән көлөп баҡҡан ҡояш йылылыҡ бирмәҫ, һыу һыу­һынды ҡандырмаҫ, саф һауа ла йәнгә рәхәтлек бирмәҫ ине. Сөнки һин генә минең өсөн йәшәү мәғәнәһе.
Ҡайһы саҡ тирә-яғымды дөм-ҡараңғылыҡ биләгәндәй булып китә, күңелемде һағыш баҫа. Шул саҡта яныңа ҡайтып иркәләнгем, ҡапма-ҡаршы ултырып һөйләшкем килә. Әммә хәҙер үҙем әсәймен, үҙ тормошомдо ҡороп, ике малай тәрбиәләйем. Иң ҙур бурысым – улдарымды һау-сәләмәт, илгә кәрәкле кешеләр итеп үҫтереү. Әсәй… Һиңә ғүмер буйы рәхмәтлемен. Һиңә арнап ниндәй һүҙҙәр әйтһәм дә, аҙ булыр төҫлө. Мин һине мәңге һүнмәҫ ҡояшым тип атар инем.
Ҡәҙерлеләрҙән-ҡәҙерле әсәйем, мин һине бар булмышым менән, ысын йөрәктән яратам! Сәләмәтлек, сабырлыҡ, оҙон ғүмер, сылтырап аҡҡан саф шишмәләй бәхет теләйем.
Әсәй… һәм донъялағы барлыҡ әсәйҙәр! Һеҙгә өндәшәм: сабыр булығыҙ, һәр бала үҙ бәхете менән тыуа, балаларығыҙҙы ташламағыҙ, үҙегеҙҙең йөрәк йылыһын биреп, ел-ямғырҙан ҡурсалап, иркәләп үҫтерегеҙ! Балалар нисә йәштә булһа ла, үҙҙәре атай-әсәй булһа ла, әсәй өсөн улар һәр саҡ бала булып ҡала.
Ә балалар әсәйҙәргә ҡайғы күрһәтмәһен.
«Әсәй» тип яратып, ҡәҙерләһендәр. Сөнки донъяла уларҙан да изгерәк, тоғрораҡ зат юҡ икәнен аңлаһындар.

Әлиә АБДУЛОВА.
Сибай ҡалаһы.

Сығыу ваҡыты 6-03-2015, 11:22 | Ҡаранылар: 2888
|
  • Телебеҙҙән оялмайыҡ!
  • Һаҡлайыҡ!
  • Әсәкәйем – күҙ нурым
  • Атай-әсәй йылыһын биш балаңа берҙәй тигеҙ бирҙең
  • “Әсәй, мин һине яратам!”
  • Информация

    Комментировать статьи на сайте возможно только в течении 4 дней со дня публикации.


  • “Уның үлемен теләп йәшәнем...”
  • Еҙнәм инең (хикәйә)
  • “Кеше үлемендә минең дә ғәйебем бар...”
  • Мин һәр саҡ табип хатаһы ебәреүҙән ҡурҡа инем...
  • Үәт, ҡыҙыҡ! (17.11.2017)
  • Татлы һөйөүҙән кем туйған?
  • ҺАБАҠ (хикәйә)
  • Үәт, ҡыҙыҡ! (24.11.2017)
  • Мәүлит байрамы мөбәрәк булһын!
  • Бүләктәр – өлөшлөләргә!



  • Радио Юлдаш FM