НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Осрашыуҙың да була төрлөһө
Махсус бит / Письма // 14-11-2018, 07:00


Осрашыуҙың да була төрлөһө
Көтөп алған йәй ҙә һиҙелмәйсә үтеп китте. Был миҙгелдең ғүмере ҡыҫҡа кеүек тойолһа ла, кешегә әллә күпме йылы тәьҫорат бүләк итә ул. Күптәр был йәмле осорҙоң һәр көнөнөң ҡәҙерен белеп ҡалыр­ға тырыша. Еләк йыйһынмы, ял итергә барһынмы, ауылына ҡайтһынмы – ғөмүмән, уның иҫкә алырлыҡ мәлдәре йыл буйына етерлек. Һуңғы йылдарҙа йәй көнө класташтарҙың, курсташтар­ҙың осрашыуҙары ла әүҙемләште. Бөгөн һүҙем бына ошо турала....

Иғтибарлы булығыҙ!
Махсус бит / Письма // 12-11-2018, 06:00


Иғтибарлы булығыҙ!
Йоҡо бүлмәһенә шкаф һатып алғайныҡ. Өйгә килтереп биргәндә, ҡатырға ҡабынан ысҡындырып, мебелдең өлөштәрен ентекләп тикшереп алманым. “Дәғүәм юҡ” тип, ҡағыҙға ҡул ҡуйҙым. Шкафты ҡора башлағайныҡ, ишегенең бәрелгән урындары булыуы асыҡланды. Мебель һатҡан фирма хәҙер уны алмаштырып биреүҙән баш тарта. Беҙгә нимә эшләргә?

Ғәлиә.
Стәрлетамаҡ ҡалаһы.

Мебелде ҡабул итеп алғанда, әлбиттә, һеҙгә һатып алған тауарығыҙҙың һайлаған төҫкә тура килеү-килмәүен, сыйылған, бәрелгән урындары бармы- юҡмы икәнлеген асыҡларға кәрәк ине. Ҡабул итеү актында быларҙың барыһын да күрһәтһәгеҙ, шунда ғына етештереүсе ойошма уны алмаштырып бирәсәк. Закон буйынса һеҙ ҡабул итеп алғанда тауар брак булһа ғына алмаштырып бирергә бурыслы. Үҙ аллы бойондороҡһоҙ экспертиза үткәр­һәгеҙ ҙә, шкафтың ишеге бәрелгән булыуын иҫбатлай алмаясаҡһығыҙ. Сөнки документҡа: “ Бер ниндәй ҙә дәғүәм юҡ”, – тип ҡул ҡуйғанһығыҙ.

...

«Йәшлек» менән йәшәреп йәшәй
Махсус бит / Письма // 10-11-2018, 07:00


«Йәшлек» менән йәшәреп йәшәй
Беҙ килгәндә 98 йәшлек Йомабикә инәй Кирәева, ҡулына фонарь тотоп, «Йәшлек» гәзитен уҡып ултыра ине.
– Оло йәштә булһағыҙ ҙа, йәштәр гәзитен яратаһығыҙмы ни шулай? – тип, аптырап һорайбыҙ.
– Яратам. Сөнки унда бөтә нәмә тураһында ла яҙыла. Оҡшаған ерҙәрен ҡырҡып алып, төш юрау китабы араһына һалып ҡуям. Балаларға ла уҡытам, – тип яуапланы инәй. – Тик бына Илүзә ҡыҙым ошо ярты йыллыҡҡа яҙылмаған да ҡуйған гәзиткә. Шуға бөтәһен дә уҡый алманым.
– Йәй буйы баҡсала йә ауылда булдыҡ бит, инәй, – тип һүҙгә ҡушылды ҡыҙы. – Беҙ беренсе ҡатта йәшәйбеҙ, почта йәшниктәре емерелеп бөткән тигәндәй. Өйҙә булмағас, торамы ни ул гәзит. Киосктан һатып алып индерәм. Киләһе ярты йыллыҡҡа яҙылырбыҙ инде. Ҡыш өйҙә булабыҙ бит....

Халҡым йолалары
Махсус бит / Письма // 27-09-2018, 06:00


Халҡым йолалары
Атайымдар ауылдағы бер туған тейешле кешенең туйында ҡатнашты. Туйға барыу өсөн бер күршенән – дебет шәл, икенсеһенән толоп һорап алып, кашауай санала (атайым уны үҙе эшләй ине) күрше ауылға туйға китте былар. Элек туйҙар бер аҙна була торғайны.
Беҙ, алты бала, үҙебеҙ донъя көтәбеҙ (ике ҙуры интернатта уҡый ине). Ут яғыуы бигерәк үҙәккә үтте. Тоҡанмай ыҙалата. Иҙәнгә ятып өргән булабыҙ. Өҫтәребеҙ ҡарайып, үҙебеҙ ҡором булып, күҙҙәребеҙ саҡ күренеп ултыра инек. Һарай тултырып мал көткән саҡтары, мал аҫтын алабыҙ, бесән һалабыҙ, Ҡыҙыл буйына алып барып һуғарабыҙ... Эш муйындан....

Яңғыҙлыҡ – ул хөкөм түгел
Махсус бит / Письма // 19-09-2018, 15:23


Яңғыҙлыҡ – ул хөкөм түгел
Тормош бит ул бер алдын, бер артын күрһәтә. Бер ҡасан да яҙмышым улай булмаҫ”, – тип әйтер ине әсәйем.
Яңғыҙ ҡалғас, ауырлығын йәнемдә тойоп, үҙем ишеләрҙең ҡәҙерен белә башланым шикелле.
Әле генә юл сатында торған Ғәфәргә илле һум тоттороп киттем. Хәйерҙән булыр. Икмәккә етер әле...
Өйгә килеп еттем тигәндә артымдан Алмас ҡыуып етте....

Боронғо кәсепте һаҡлаусы
Махсус бит / Письма // 14-08-2018, 07:00


Боронғо кәсепте  һаҡлаусы
Салауат районының Ишембай ауылынан Флиза Ғарипова әҙерләгән талҡанды олоһо ла, кесеһе лә яратып ашай

Талҡан – көс биреүсе, дауалау үҙенсәлектәренә эйә булған туҡлыҡлы ризыҡ. Боронғо кәсепте бөгөнгә тиклем һаҡлаусыларҙы – талҡан эшләүселәрҙе әле лә арабыҙҙа осратырға мөмкин. Шундай оҫталарҙың береһе – Салауат районының Ишембай ауылынан Флиза Ғарипова. Ул 25 йылдан ашыу китапханала эшләй....

«Үс итеп!»
Махсус бит / Письма // 9-08-2018, 06:30


«Үс итеп!»
Эй яратты инде Наилә ошо һүҙҙе. Әйтерһең дә, тыуғанда уҡ ошо һүҙ менән донъяға ауаз һалған! Ятаҡта йәшәгәндә үк бергә ҡатнашып йәшәгәйнек.
Ире тураһында: «Тәүге егетемә үс итеп, ошо егеткә сыҡтым әле!» – тип үҙе һөйләне. Бер тап булғанда: «Ирем һулға йөрөй, тиҙәр, мин дә үс итеп йөрөй башланым!» – тип хыянат итеүен дә һөйләп ташланы.
Күп йылдар уҙғас, урамда тап булды. Өҫтө-башы бысранып бөткән, йөҙө танығыһыҙ...
Эй, Хоҙайым, тағы кемгә үс итеп ошо хәлгә ҡалды икән, был меҫкен?!
Ниндәй һорау биреремде алдан тойҙо, ахыры: «Тегегә үс итеп эсеп йөрөйөм тағы», – тине, ғәйебен аҡларға тырышҡандай.
– Унан үс алам тип, үҙеңдең йәнеңде алаһың бит, иҫәркәй!......

Бесән бәләһе (Булған хәл)
Махсус бит / Письма // 8-08-2018, 06:00


Бесән  бәләһе  (Булған хәл)
Биктимер ағай төпкөлдәге ауылдар­ҙың береһендә үҙен­сә йәшәп ята ине. Үткән быуатта уҡ тыуған кеше булараҡ, колхоз тормошонда ҡушылғанды эшләп, тегеләй-былай әйбер ятһа, алып ҡайтып өйрәнгән. Бер һүҙ менән әйткәндә, капитализм арбаһына эләгеп китә алмаған умыртҡаһыҙ быуын вәкилдәренең береһе. Быға тиклем әштер-өштөр генә кейенеп, ауыҙынан тәмәкеһен төшөрмәй, бик бошонмай ғына йәшәп ятҡан Биктимер ағай, ауылдаштарын аптыратып, ҡапыл теремекләнеп китте, тырышып донъя көтә башланы. Бының сәбәбенә, күпме генә баш ватһалар ҙа, ауылдаштары төшөнә алманы. Ҡарамаҡҡа ябай кеше кеүек булһа ла, ағай үҙе лә серҙе сисмәне....

Тамырлы кәбән (Булған хәл)
Махсус бит / Письма // 21-07-2018, 07:00


Тамырлы  кәбән (Булған хәл)
Заманында комсомолда бергә хеҙмәт иткән дуҫым килеп инде лә, оҙаҡ ҡына гәпләшеп алғас, һүҙ ҡыҙыҡлы хәтирәләргә күсеп китте. Атаһы һуғыш ветераны, күптән инде гүр эйәһе булһа ла, уны яратҡан улы бик йыш ҡына иҫкә ала, осрашҡан һайын ғәзиз кешеһе хаҡындағы иҫтәлектәре менән уртаҡлаша.
– Йәйҙең эҫе бер мәлендә атай ҡарт менән бесән сабабыҙ. Ул йыуан итеп төрөлгән махоркаһын ҡырын ҡабып ала ла, бер туҡтамай яландың осона тиклем оҙон бакуй­ҙарын һалып, салғыһын һелтәй ҙә һелтәй......

Ни күрергә теләһәң…
Махсус бит / Письма // 24-06-2018, 07:30


Ни күрергә теләһәң…
Бер ир дуҫына ҡунаҡҡа барған. Тегеһе уға яҡты йөҙ күрһәтеп һыйлаған, шарап та ҡойоп биргән. Ҡунаҡ эсәйем, тип кәсә эсенә ҡараһа, күҙенә йылан ба­лаһы ятҡан кеүек күренгән. Тик ду­ҫының күңелен төшөрмәйем, тип эскән дә бөткән.
Аҙағыраҡ, өйөнә ҡайтҡас, был ауырып киткән. Ашҡаҙаны ныҡ ауыртҡан, ашамаған дарыуы ҡалмаған. Хатта ки үлер хәлгә еткән.
Уның был хәлен ишетеп, теге дуҫы тағы ҡунаҡҡа саҡырған. Барһа, дарыу һалдым, тип шыйыҡлыҡ тулы кәсә биргән. Сирле ир һауыт эсендә тағы йылан балаһы күргән. Тик был юлы шым ҡалмаған, дуҫына һауытта нимә ятҡанын әйткән.
Дуҫы иһә түшәмгә төртөп күрһәткән. Баҡһаң, ундағы биҙәк кәсәлә йылан рәүешендә күренгән. Ҡунаҡтың ауырыуы һыпырып ташлағандай юҡ булған.
…Кеше шикләнергә ярата шул.
...


Борьба с коррупцией

[/aviable]

  • Логотибы яман, шыр хаталы булһа ла «Башҡортостан гүзәле-2018» матурлыҡ конкурсы тамамланды
  • Мең дә бер кисәнән кәм түгел (Булған хәл)
  • Ҡолаҡ һал! Дарыу урынына – һуттар
  • Әлиә БАТРАЕВА, 19 йәш,
  • «Киндер - сюрприз» һораған Рамаҙанға — конструктор
  • Яңы йыл тамашаһына иң яҡшы сценарийҙы кем яҙыр?
  • Кәүсәриә
  • Ял итергә барһағыҙ
  • «Ғүмер буйы иремә рәнйеп йәшәйем»
  • Йондоҙнамә (22-28 октябрь)



  • Радио Юлдаш FM