RSS-подписка facebook facebook Вконтакте Вконтакте
» » Үҙ тиреңде түгеп тапҡан аҡса күпкә ҡәҙерлерәк

04.04.2014 Үҙ тиреңде түгеп тапҡан аҡса күпкә ҡәҙерлерәк

Бөгөн эшләмәгән студент – һирәк күренеш. Уҡыуҙан һуң буш ваҡытта урам буйлап эт һуғарып, йә артыҡ күп ваҡыт социаль селтәрҙә ултырғансы, кеше араһында йөрөп, үҙеңә әҙме-күпме аҡса эшләй алыуың бик яҡшы, әлбиттә. Беренсенән, ғаилә ҡаҙнаһынан сығымдар әҙерәк китә. Әгәр ҙә уҡыған һөнәрең йүнәлешендә эшләйһең икән, тимәк, эш тәжрибәң дә туплана бара. Уҡыу йорто түләгән стипендияға ғына ҡарап ятып булмай бит инде. Хәйер, «дүртле»-«бишле»гә уҡыған студентҡа айына 1542 һумдан да кәм аҡса түләнмәй. Тик «бишле» билдәһенә генә өлгәшһәң, 2313 һумлыҡ академик стипендияға лайыҡһың. Әгәр ҙә студент етем, йә ата-әсәһе инвалид булһа һәм башҡа социаль категорияға ҡараһа, социаль стипендия түләнә. Уның күләме 2990 һум тәшкил итә. «Дүртле»-«бишле»гә уҡып, ата-әсәһенең уртаса эш хаҡы йәшәү минимумынан түбән булһа, был осраҡта 1 – 2-се курс студенттары дәүләттең юғары социаль стипендияһын ала. Уның күләме – 7475 һум. Уҡыуҙа күрһәткән айырым уңыштары өсөн студенттар юғары академик стипендияға лайыҡ була. Ул 5635 һумдан 19780 һумға тиклем. Тағы ла юғары уҡыу йортонда уҡыуҙа ҙур уңыштарға өлгәшкән егет-ҡыҙҙарға исемле стипендия бирелә. Уның күләмен урындағы уҡыу-методика идаралығы билдәләй. Ҡыҫҡаһы, үҙен бар яҡтан да күрһәткән, тырышып уҡыған, төрлө олимпиада-конкурстарҙа алдынғы урындар яулаған студенттың, барлыҡ түләмдәрҙе ҡушҡанда, кәмендә 20 мең һумлыҡ стипендия алыу мөмкинлеге бар.
Аҡсаның артығы юҡ. Уҡыуҙа һынатмаған, университетта үткән бер сараны ла ҡалдырмаған, шул уҡ ваҡытта эшләп тә өлгөргән студенттар күптәребеҙгә өлгө булырлыҡ. Һүҙ улар хаҡында.

Айгөл ЮНЫСОВА, БДУ-ның башҡорт филологияһы һәм журналис­тика факультеты студенты:
– Әлеге көндә Мәжит Ғафури исемендәге Башҡорт дәүләт академия драма театрында эшләп йөрөйөм. Тама­шасыларҙың инеү урынында билеттар тикшереп торам. Театрҙа эшләү хыялы миндә бала саҡтан йәшәй. Шуға йәйге каникулдан килгәс тә яңы дәрт, көс менән театрҙың 94-се ижад миҙгелен башлап ебәр­ҙек.
Дөрөҫөн әйткәндә, аҡса кәрәк, тип килмәнем бында. Беҙгә, буласаҡ тел белгестәренә, төрлө спектаклдәр, концерттар, осрашыуҙарҙы ҡарап, белеп барыу зарур. Төрлө кешеләр менән осрашып, һөйләшеп, әҙәби-мәҙәни мөхиттә тәрбиәләнәбеҙ, эш тәжрибәбеҙ ҙә үҫә бара. Хеҙмәт хаҡы менән ҡәнәғәтмен, театр ятаҡтан да алыҫ түгел. Уҡыуыма ҡамасауламай, киреһенсә, спектакль ҡарап ҡайтҡандан һуң рухланып, илһамланып китәм.

Альберт ҠОТОШОВ , БДУ-ның физика факультеты студенты:
– Үҙебеҙҙең университетта һаҡта торам. Икенсе йыл рәттән эшләйем. Эш хаҡы етерлек. Уҡырға ҡамасауламай. Ми­неңсә, тырышһаң, һәр ергә өлгөрөп була. Бер тәүлек эшләп, өс көн ял итәм. Уның ҡарауы, атай-әсәйем елкәһендә йәшәмәйем, тип ныҡлы әйтә алам. Үҙең тапҡан аҡса үтә ҡәҙерле була.







Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Калифорнияға сәйәхәт

21.04.2019 - Махсус биттәр Калифорнияға сәйәхәт


Телеңде йоторлоҡ! (12.04.2019)

20.04.2019 - Махсус биттәр Телеңде йоторлоҡ! (12.04.2019)


Йондоҙнамә (15-21 апрель)

15.04.2019 - Махсус биттәр Йондоҙнамә (15-21 апрель)


Малайға тәрбиә биреп – ил тәрбиәләйһең, Ҡыҙға тәрбиә биреп – милләт тәрбиәләйһең

Телеңде йоторлоҡ! (15.03.2019)

13.04.2019 - Махсус биттәр Телеңде йоторлоҡ! (15.03.2019)


«Атайым – оло шәхес»

09.04.2019 - Махсус биттәр «Атайым – оло шәхес»


Йондоҙнамә (8-14 апрель)

08.04.2019 - Махсус биттәр Йондоҙнамә (8-14 апрель)


Үҙаллылыҡ емеше

08.04.2019 - Махсус биттәр Үҙаллылыҡ емеше


Мин һинһеҙ йәшәй алмайым

05.04.2019 - Махсус биттәр Мин һинһеҙ йәшәй алмайым


Миҙалһыҙ ҡалған батыр

04.04.2019 - Махсус биттәр Миҙалһыҙ ҡалған батыр


«Йола аша кешеләрҙә  йылға-күлдәргә,  тәбиғәткә һаҡсыл ҡараш уятырға тырышам»

Табиптың да төрлөһө була

03.04.2019 - Махсус биттәр Табиптың да төрлөһө була