RSS-подписка facebook facebook Вконтакте Вконтакте
» » Көсләп асылған күҙҙең нуры юҡ

04.04.2014 Көсләп асылған күҙҙең нуры юҡ

Баныу Ҡаһарманованың мәҡәләһен уҡығандан һуң, көсләп асылған күҙҙең нуры юҡ шул, тип, алиментҡа ҡағылышлы ике хәл-ваҡиға тураһында яҙмаҡсы булдым.

Көсләп асылған күҙҙең нуры юҡЯңыраҡ ҡасабала ике ғаилә барлыҡҡа килде – йәш ҡыҙҙар айырылышҡан ирҙәр менән сәстәрен сәскә бәйләне. Ирҙәрҙең икеһенең дә тәүге ҡатындарынан берәр балаһы үҫә. Йәш кәләштәр (йәш кенә булһалар ҙа, баштары етеп!), бер-бер артлы бала табып, тәүге ҡатындың балаһына алимент аҡсаһы әҙерәк булһын өсөн, үҙҙәре менән йәшәүсе ирҙәрен алиментҡа бирҙе. Атай кешеләр, ҡатындарынан ҡурҡыпмы, әллә уларға ярарға тырышыпмы, был хәлгә риза булды. Тәүге ҡатындан да бала мөхәббәттән яралғандыр бит. Ни өсөн ул атайһыҙ ҙа үҫергә, алимент аҡсаһын атаһы эргәһендә үҫкәндәгеләрҙән кәм дә алырға тейеш? Был турала йәш кәләштәр уйланманымы икән?

Мәҡәлә иҫләткән икенсе хәл бик ҡыҙғаныс тамамланды. Ғаилә тарҡалғас, ҡатын ирен алиментҡа бирҙе. Күп тә үтмәй, ир икенсегә өйләнеп, яңы ҡатыны менән матур ғына йәшәп китте. Татыу ғаиләлә дүрт бала тыуҙы. Ауыл ерендә эш булмағанлыҡтан, ирҙең тәүге балаһына алименты бик күп йыйыла. Шуға ла суд приставтары ошо күп балалы ғаиләнең күҙ терәп торған һыйырын конфискацияланы. Ошондай юл менән теге ҡатын, иренең икенсе ғаиләһенең ауыҙынан өҙөп булһа ла, барыбер алиментты түләттерҙе. Тик ул аҡса бәхет килтермәне: ун һигеҙ йәше тулып күп тә үтмәне, ирҙең тәүге балаһы, әсәнең берҙән-бер улы, сирҙән кинәт вафат булды. Моғайын, һыйыр­ҙарын етәкләп алып сыҡҡан саҡта дүрт бала әсәһе рәнйемәй ҡалмағандыр (ауылда күҙ терәп торғаның мал бит инде), бәлки, рәнйеше лә төшкәндер, кем белә...

Балаларҙы яңғыҙ үҫтереүе бик ауыр. Алимент, атаһы вафат булғандан һуң бирелгән пособие аҡсаһы ла тере атайҙы алмаштыра алмай. Шуға күрә йәштәр ғаилә ҡорор алдынан бик етди уйлан­һын ине, өйләнгәс, ғүмерлеккә булһын! Айырылышырға ашыҡмаҫҡа, түҙерлек булһа – мотлаҡ түҙергә, сабыр итергә һәм, иң мөһиме, бер кемде лә рәнйетмәй йәшәргә кәрәк.

Гөлсәсәк СӘЛИХОВА.
Ҡырмыҫҡалы районы.







Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Калифорнияға сәйәхәт

21.04.2019 - Махсус биттәр Калифорнияға сәйәхәт


Телеңде йоторлоҡ! (12.04.2019)

20.04.2019 - Махсус биттәр Телеңде йоторлоҡ! (12.04.2019)


Йондоҙнамә (15-21 апрель)

15.04.2019 - Махсус биттәр Йондоҙнамә (15-21 апрель)


Малайға тәрбиә биреп – ил тәрбиәләйһең, Ҡыҙға тәрбиә биреп – милләт тәрбиәләйһең

Телеңде йоторлоҡ! (15.03.2019)

13.04.2019 - Махсус биттәр Телеңде йоторлоҡ! (15.03.2019)


«Атайым – оло шәхес»

09.04.2019 - Махсус биттәр «Атайым – оло шәхес»


Йондоҙнамә (8-14 апрель)

08.04.2019 - Махсус биттәр Йондоҙнамә (8-14 апрель)


Үҙаллылыҡ емеше

08.04.2019 - Махсус биттәр Үҙаллылыҡ емеше


Мин һинһеҙ йәшәй алмайым

05.04.2019 - Махсус биттәр Мин һинһеҙ йәшәй алмайым


Миҙалһыҙ ҡалған батыр

04.04.2019 - Махсус биттәр Миҙалһыҙ ҡалған батыр


«Йола аша кешеләрҙә  йылға-күлдәргә,  тәбиғәткә һаҡсыл ҡараш уятырға тырышам»

Табиптың да төрлөһө була

03.04.2019 - Махсус биттәр Табиптың да төрлөһө була