RSS-подписка facebook facebook Вконтакте Вконтакте
» » Мөхәббәт һәм Тоғролоҡ өсөн

26.07.2013 Мөхәббәт һәм Тоғролоҡ өсөн

Мөхәббәт һәм Тоғролоҡ өсөнМерәҫ ауылынан Байрамғоловтар ғаиләһенә үҙенсәлекле миҙал тапшырылды
Күҙҙәрендә сикһеҙ һөйөү, наҙ балҡыған Байрамғоловтар – тыуған Мерәҫ ауылында ғына түгел, ә бар Баймаҡ районына билдәле ғаилә. Зөлфирә Вәли ҡыҙы менән Рафаэль Бәҙ­ретдин улы, дүрт тиҫтә йылға яҡын бергә-бергә матур ғүмер итеп, уңған, эшһөйәр, аҡыллы бер ҡыҙ һәм ике ул тәрбиәләгән. Тәүҙә ауыл хужалығы техникумында, артабан юғары уҡыу йортонда ситтән тороп белем алған Байрамғоловтар – районыбыҙҙың ауыл хужалығын үҫтереүгә тос өлөш индергән кешеләр. Уларҙы барыһы ла ихтирам-хөрмәт итә, һөйкөмлө парҙың һәр кәңәше алтынға бәрәбәр.
Ошо көндәрҙә Байрамғоловтар оло ҡыуаныс кисерҙе. Уларға район хакимиәте башлығы Илшат Ситдиҡов “Мөхәббәт һәм Тоғролоҡ өсөн” миҙалын тапшырҙы. Район етәксеһе: “Был матур, абруйлы ғаиләнән беҙ үрнәк алып йәшәйбеҙ. Уларҙың район үҫеше өсөн башҡар­ған хеҙмәте баһалап бөткөһөҙ. Зөлфирә апай һәм Рафаэль ағай балаларына ла матур тәрбиә биргән. Ошондай ғаиләләр – илебеҙ терәге ул”, – тине.
Матур ғаиләне ЗАГС начальнигы З. Әминева тәбрикләне, балалары күңел түренән урғылған йылы теләктәрен еткерҙе. Бәхетле йәшәү сере менән уртаҡлашып, Байрам­ғоловтар: “Кешене эш йәшәтә. Һәр саҡ тырышып эшләгеҙ һәм янып йәшәгеҙ. Ғаиләлә бер-береңә ышаныу һәм ихтирам тойғолары мотлаҡ булырға тейеш. Иң мөһиме – балаларығыҙҙы яратығыҙ, улар өсөн ваҡытығыҙҙы йәлләмәгеҙ. Шул саҡта ғына бәхетле ҡартлыҡ кисерерһегеҙ”, – тине.
Рафаэль Бәҙретдин улы: “Техникумда тәү осратҡанда уҡ ғашиҡ булып, шул көндән айырылмаған тормош юлдашымдан уңдым”, – тип йылмайып ҡуйҙы.
Эйе, яныбыҙҙа ошондай өлгөлө, йорт-ихатаһынан яҡты нур бөркөлгән, “Мөхәббәт һәм Тоғролоҡ өсөн” миҙалына лайыҡ булған парҙар күберәк булһын ине.

Гүзәл ИҪӘНГИЛДИНА.

Баймаҡ районы.
Автор фотоһы.







Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Һаҡсыл булғың килһә...

11.12.2018 - Махсус биттәр Һаҡсыл булғың килһә...


Йондоҙнамә (10-16 декабрь)

09.12.2018 - Махсус биттәр Йондоҙнамә (10-16 декабрь)


Телеңде йоторлоҡ! Кәбеҫтә тоҙлау

06.12.2018 - Махсус биттәр Телеңде йоторлоҡ! Кәбеҫтә тоҙлау


Барыһы ла һыуытҡысҡа түгел

04.12.2018 - Махсус биттәр Барыһы ла һыуытҡысҡа түгел


Йондоҙнамә (3-9 декабрь)

03.12.2018 - Махсус биттәр Йондоҙнамә (3-9 декабрь)


Әсе ҡамырҙан итле самса

03.12.2018 - Махсус биттәр Әсе ҡамырҙан итле самса


Гөлдәрегеҙ гөрләп сәскә атһын

02.12.2018 - Махсус биттәр Гөлдәрегеҙ гөрләп сәскә атһын


Хужабикәләргә кәңәш

30.11.2018 - Махсус биттәр Хужабикәләргә кәңәш


Ҡасан тоҙ һалырға?

28.11.2018 - Махсус биттәр Ҡасан тоҙ һалырға?


Йондоҙнамә (26 ноябрь - 2 декабрь)

26.11.2018 - Махсус биттәр Йондоҙнамә (26 ноябрь - 2 декабрь)