НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » Етемдәр конкурсһыҙ алына

Етемдәр конкурсһыҙ алына


2008 йылда Рәсәйҙең Оборона министрлығы етәкселеге балалар йорттары һәм интернаттарҙы шефлыҡҡа алыуҙы ойоштороу тураһында тәҡдим менән сыҡҡайны. Балаларҙы социаль яҡлау маҡсатында ата-әсә ҡарауынан мәхрүм ҡалған балаларҙы хәрби комиссариаттар аша Суворов, Нахимов кадет корпустарына һәм хәрби уҡыу йорттарына алыу дауам итә.
Ауыр хәлдә ҡалған балаларға Оборона министрлығы быйыл уҡырға инеүҙә ниндәй өҫтөнлөктәр тәҡдим итә? Ошо һорау менән беҙ БР Хәрби комиссариатының граждандарҙы хәрби хеҙмәткә әҙерләү бүлеге начальнигы ярҙамсыһы Юрий Евдокимовҡа мөрәжәғәт иттек.
– Юрий Иванович, Суворов, Нахимов кадет корпустарына уҡырға инергә теләгән етемдәргә ниндәй өҫтөнлөктәр бар?
– Кандидаттарға төп талап – уларҙың 10 йәштән өлкән булыуы, яҡшы һаулыҡ, хәрби эшкә өйрәнеүгә теләк. Улар шулай уҡ училищела уҡыясаҡ телдәрҙең береһе – инглиз, немец, француз телдәрен дөйөм белем биреү мәктәбендә өйрәнгән булырға тейеш. Малайҙар дөйөм белем биреү буйынса предметтарҙың имтихан һөҙөмтәләре, ижади һәм спорт ҡаҙаныштары, йәмәғәт тормошонда ҡатнашҡан документтары баһалары буйынса уҡырға алына. Етемдәр конкурс­һыҙ үтә.
– Ҡараусыһыҙ ҡалғандар Оборона министрлығының ниндәй уҡыу йорттарына уҡырға алына?
– 5 – 7-се синыфтарға – Ырымбурҙағы Президент кадет училищеһына, Екатеринбург, Ҡаҙан, Мәскәү, Тверь, Уссурийскиҙағы Суворов училищеларына, 5 – 6-сы синыфтар­ға – Санкт-Петербург Суворов училищеһына, Кронштадт хәрби кадет корпусына, 8-се синыфҡа хәрби-йыһан кадет корпусына, 9 – 10-сы синыфтарға – Кемероволағы радиоэлектроника кадет корпусына, 10-сы синыфҡа Мәскәү хәрби-музыка училищеһына уҡырға барырға мөмкин.
Ентекле мәғлүмәт алырға теләһәгеҙ, йәшәгән урынығыҙ буйынса хәрби комиссариатҡа мөрәжәғәт итегеҙ.
– Хәрби уҡыу йортонда белем алыу курсантҡа нимә бирә?
– Хәрби уҡыу йортонда белем алған курсант бында һөнәр генә алмай, ысын ир-егет мәктәбен дә үтә. Улар бер ҡасан да эшһеҙ ҡаңғырмаясаҡ, киреһенсә, эш уларҙы үҙе көтөп тора. Уҡыуҙы тамамлау менән егеттәр офицер дәрәжәһендә частар­ға хеҙмәт итергә ебәрелә. Студенттарҙан айырмалы рәүештә, курсанттарға туҡланыу, йәшәү бушлай. Стипендия түләйҙәр. Ата-әсә ҡарауынан мәхрүм ҡалған балалар өсөн был уҡыу йорттарына инеү – ҙур мөмкинлек, тип иҫәпләйем. 2009 йылда 17 малай уҡырға инһә, 2010 йылда кадет корпусы һәм Нахимов училищеларына уҡырға инеүселәр барлығы 12 генә кеше булды. Шуныһын да билдәләп китеү урынлы булыр: кадет корпустарына ҡабул итеү имтихандары Рәсәй төбәктәрендә күсмә ҡабул итеү комиссияһы тарафынан уҙғарыла. Хәрби булырға теләгән малайҙар республиканан ситкә йөрөмәй, үҙебеҙҙә лә имтихан бирә ала.
Гүзәл ИСМӘҒИЛЕВА әңгәмәләште.

Сығыу ваҡыты 22-02-2011, 10:05 | Ҡаранылар: 1330
|
  • Михаил Бабич Башҡортостанға килде
  • Мәғариф системаһында реформалар дауам итә
  • Сит илдә белем алыу – хыял түгел
  • Хәл итәһе мәсьәләләр күп
  • Әрме яңылыҡтары
  • Информация

    Комментировать статьи на сайте возможно только в течении 4 дней со дня публикации.


  • “Уның үлемен теләп йәшәнем...”
  • Еҙнәм инең (хикәйә)
  • “Кеше үлемендә минең дә ғәйебем бар...”
  • Мин һәр саҡ табип хатаһы ебәреүҙән ҡурҡа инем...
  • Үәт, ҡыҙыҡ! (17.11.2017)
  • Татлы һөйөүҙән кем туйған?
  • ҺАБАҠ (хикәйә)
  • Үәт, ҡыҙыҡ! (24.11.2017)
  • Мәүлит байрамы мөбәрәк булһын!
  • Тәҙрә төбөндә үҫкән дарыу



  • Радио Юлдаш FM