RSS-подписка facebook facebook Вконтакте Вконтакте
» » Шәңге бешер байрамға, нур өҫтәлер табынға

04.08.2019 Шәңге бешер байрамға, нур өҫтәлер табынға

Был ризыҡты башлыса республиканың төньяҡ-көнбайыш райондарында әҙерләйҙәр. Ҡояш кеүек һарыҡай ғына булып, табынға йәм биреп ултырған шәңгенең тәме лә иҫ киткес. Картуф менән ҡамырҙан ғына әҙерләнгән ризыҡты бешереүе еңел, ә үҙе туҡлыҡлы.

Был ризыҡ Урал аръяғы һәм үҙәк райондарҙа әҙерләнгән бәрәмәскә лә оҡшаған. Әммә әҙерләү технологияһы айырыла. “Йәшлек” гәзитен уҡыусыларҙы Яңауыл районының Һандуғас ауылында йәшәүсе Гөлсәсәк ЯРУЛЛИНА тап шәңге бешерергә өйрәтәсәк.


– Ғаиләбеҙ менән шәңге яратабыҙ. Уны әҙерләү беҙҙең өсөн матур йола тип әйтһәм дә була. Был ризыҡты бешерергә Борай районынан килен булып төшкәс, ҡәйнәм Риманан өйрәнгәйнем, хәҙер ҡул араһына инә башлаған Айһылыу ҡыҙыма ла өйрәттек. Нефтекама ҡалаһында уҡып йөрөгән улым Айрат ялға ҡайтһа, ниндәй ризыҡ менән ҡаршы алырға икәнен беләм: шәңге һәм өй икмәге, – ти Гөлсәсәк. – Шәңгене әсе ҡамырҙан да, сөсөһөнән дә әҙерләргә була. Тик ирем Азамат ҡабарып бешкәнен яратҡас, гел генә әсе ҡамырҙан бешерәм.


1) Өс-дүрт картуфты әрсеп, тоҙло һыуҙа бешереп алырға. Уны иҙеп, бер аҙ һыуынғас, бер ҡалаҡ ҡаймаҡ, күпертелгән ике йомортҡа ағы һалып бутарға. Ҡуйы булһа, бер аҙ һөт ҡойорға кәрәк.



2)Ҡамыр өсөн бер стакан йылымыс һөткә ике ҡалаҡ сүпрә (икмәк башы тип тә атала), бер балғалаҡ шәкәр, өс-дүрт ҡалаҡ үҫемлек майы, һыу ҡушып бутарға. Он сама менән алына. Уны яйлап һала-һала ҡамыр туҡыла. Ҡалаҡҡа йә ҡулға йәбешеп торорға тейеш, шул уҡ ваҡытта артыҡ шыйыҡ та булмаһын.



3) Табаны майлағас, ҡамырҙы һалып, ҡул менән генә тигеҙләп йәйергә.



4) Ҡамыр өҫтөнә картуф иҙмәһен һалырға.



5) Алтынланып бешһен өсөн ике йомортҡаның һарыһын туҡып, картуф өҫтөнә тигеҙләп һыларға кәрәк. Ҡабарып сыҡ­ҡансы табаны йылы урынға ҡуйырға.



7)Ҡабарып сыҡҡас, шәңгене 180 градусҡа тиклем йылытылған мейестә 30 минут бешереп алырға.



Шәңге ҡайнар саҡта ҡаймаҡ йә май менән ашаһаң, бик тәмле була. Һыуынһа ла тәмен юғалтмай. Шуға күрә бер юлы күберәк итеп бешерергә лә мөмкин.

Ризыҡтарығыҙ тәмле булһын!



Автор: Г. Ҡыуатова
Фото: Автор фотоһы




Комментарий өҫтәргә


    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent


Оҡшаш яңылыҡтар



Декрет ялында яңы һөнәр өйрәнгән

19.08.2019 - Махсус биттәр Декрет ялында яңы һөнәр өйрәнгән


Диана матур булыу серҙәрен белә

16.08.2019 - Махсус биттәр Диана матур булыу серҙәрен белә


Ҡарбузды ла белеп ашайыҡ

14.08.2019 - Махсус биттәр Ҡарбузды ла белеп ашайыҡ


"Йондоҙло табын" - Рәзидә ӘХМӘТОВА

13.08.2019 - Махсус биттәр "Йондоҙло табын" - Рәзидә ӘХМӘТОВА


Йондоҙнамә (12-18 август)

12.08.2019 - Махсус биттәр Йондоҙнамә (12-18 август)


Телеңде йоторлоҡ!

07.08.2019 - Махсус биттәр Телеңде йоторлоҡ!


Йондоҙнамә (5-11 август)

05.08.2019 - Махсус биттәр Йондоҙнамә (5-11 август)


Йәйҙең тәме – банкаларҙа

31.07.2019 - Махсус биттәр Йәйҙең тәме – банкаларҙа


Сейәнең емештәре  ниңә ҡойола?

30.07.2019 - Махсус биттәр Сейәнең емештәре ниңә ҡойола?


Йондоҙнамә (29 июль - 4 август)

29.07.2019 - Махсус биттәр Йондоҙнамә (29 июль - 4 август)


Кәбеҫтәне ҡара бөрсә  баҫһа, нимә эшләргә?

Күренештәр

26.07.2019 - Махсус биттәр Күренештәр