21.11.2016 Йондоҙнамә (21-27 ноябрь)

Ылаҡ (22.12 – 20.01)
Һүҙҙәрегеҙгә һәм эшегеҙҙә иғтибарлыраҡ булыу хәйерле. Кеше әйткәненә ҡарата ла һәр саҡ уяу булығыҙ. Шаршамбылағы хәлдәр мәшәҡәттәр өҫтәр. Килгән аҡса бер аҙ күбәйә башлар.

һыуғояр (21.01 – 19.02)
Аҙна башында аралашыуҙар күбәйер, тик бынан артыҡ файҙа булмаясаҡ. Был арала кеше һөйләгән хәбәргә әллә ни ышанмағыҙ. Һеҙҙе өмөтләндергән бәғзе берәүҙәрҙең һүҙҙәрендә тормауы ла ихтимал.
Балыҡ (20.02 – 20.03)
Был арала эшегеҙ артыр, моғайын. Матди хәлегеҙ яйлап һәйбәтләнә башлар. Мәл яҡын киләсәккә маҡсаттар төҙөү өсөн уңайлы. Һәр хәлдә ярҙам һорарға оялмағыҙ. Ниндәйҙер күптәнге мәсьәләне урынынан ҡуҙғатып ебәрерһегеҙ.

Ҡуҙы (21.03 – 20.04)
Йондоҙҙар был арала аҡса менән бәйле эштәрҙе башларға ҡушмай. Ахыр сиктә улар аҡсағыҙҙы юғалтыуға ғына килтерәсәк. Йомала юҡ-бар хәбәр ишетеүегеҙ мөмкин, уларға ышанырға ашыҡмағыҙ.

Буға (21.04 – 21.05)
Ҡатмарлы осор. Һис тә уйламаған икеле һәм кире хәлдәр килеп сығыр. Ваҡиғаларҙы ыңғай яҡҡа үҙгәртергә тырышыуығыҙ әллә ни файҙа бирмәҫ. Был йәһәттән шишәмбелә үтә иғтибарлы булығыҙ.

Игеҙәктәр (22.05 – 21.06)
Үткән ҡыйынлыҡтар әкренләп онотола барыр. Тормоштоң ыңғай яҡтары ла күренә башлар. Бәғзеләр яҡын киләсәккә маҡсаттар ҡороу менән булышыр. Был арала күпселек мәсьәләләр еңел генә хәл ителер. Йомала ыңғай ваҡиғалар көтөгөҙ.

Ҡыҫала (22.06 – 23.07)
Дөйөм хәлегеҙ яҡшы яҡҡа үҙгәрергә тейеш. Һәйбәт яңылыҡтар ҙа килер. Шәхси тормошоғоҙҙа элекке үпкәләшеүҙәр ҙә онотолор һымаҡ. Кесе йомала өҫтәмә килем йәки ниндәйҙер бүләк алыуығыҙ ихтимал.

Арыҫлан (24.07 – 23.08)
Шишәмбелә ваҡиғаларҙың һеҙ уйлағанса бармауы ла мөмкин. Эштәрҙең барышы йыш икенсе кешеләр менән бәйле булыр. Кемделер көтөргә һәм эҙләргә тура килер, бәлки. Шаршамбынан һуң хәлегеҙ һәйбәтләнә башлар.

Ҡыҙ (24.08 – 23.09)
Эш бошорғос ваҡиғаларҙың күбәйеп китеүе лә ихтимал. Был арала күптәрҙең шәхси мөнәсәбәте ниндәйҙер кимәлдә һынау үтер. Ашыҡмай һәм артыҡ сәбәләнмәйенсә эштәрегеҙҙе дауам итегеҙ. Кәрәккәндә кәңәш һорарға тартынмағыҙ.

Үлсәү (24.09 – 23.10)
Төрлө сәбәп арҡаһында ҡайһы бер эштәрегеҙҙең туҡтап тороуы мөмкин. Шаршамбыла өҫтәмә мәшәҡәт килеп сығыуы бар. Йомала өмөт иткән ярҙамды алыу ауырлашыр. Икеле хәлдәр­ҙән ары тороуығыҙ хәйерле.

Саян (24.10 – 22.11)
Йондоҙҙар һеҙгә бигүк уңышлы аҙна вәғәҙә итмәй. Ләкин һиҙгерлегегеҙ һәм тәжрибәгеҙ кире ваҡиғаларҙың күпселеген урап үтергә ярҙам итер. Үҙ мәсьәләләрегеҙҙе башҡаларға йөкмәтмәҫкә тырышығыҙ. Шулай эшләһәгеҙ, барыһы ла яҡшы булыр.

Уҡсы (23.11 – 21.12)
Ауырлыҡтар әлегә дауам итер, ләкин кире осор бөтөп килә. Ғаилә мәсьәләләре лә бер аҙ борсоп торор, өй-йорт мәшәҡәттәре лә күбәйер. Кесе йоманан һуң хәлдәрҙең ыңғай яҡҡа үҙгәргәнен асыҡ күрерһегеҙ.