НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Шифрланыусылар...
Әҙәбиәт / Юмор // 6-03-2017, 11:54


Шифрланыусылар...Ирем Силәбе аэропортына һуң ғына килеп төшә, был ваҡытта тимер юлы вокзалына барырға автобустар булмай. Туҡталышта өшөп торғанында янына еңел машина килеп туҡтай:
– Ҡайҙа бараһығыҙ?
– Тимер юлы вокзалына.
– Хаҡын килешербеҙ, әйҙә, ултырығыҙ, алып барам....

«Әсәм биргәнде йыпырам»
Әҙәбиәт / Юмор // 24-02-2017, 12:30


«Әсәм  биргәнде  йыпырам»
Кейәүләп йөрөгән егет буласаҡ ҡайныһы өйөндә бик ситләтелә. Эш һуңынан ултырып ашау ҙа таҡы-тоҡо ғына була. Шуға егеттең әсәһе көлдә бешкән сөсө икмәкте улының ҡуйынына тығып ебәрергә мәжбүр була. Уныһы форсат сыҡҡанда йәшеренеп кенә ашанып ала икән.
Бер саҡ шулай эш менән булғанда, буласаҡ ҡайныһы тышҡа сығып, тыштағы буранға ҡарай ҙа: «Һыпырта буран, һыпырта», – ти икән. Буласаҡ кейәү, был һүҙҙәрҙе үҙенсә аңлап: «Һинекен түгел, әсәм биргәнде йыпыртам», – тип яуаплаған.

Зиннәтулла ӘЛЕКБАЕВ.
Ырымбур өлкәһе.
...

Ҡәҙерле “йөктәре” юҡ…
Әҙәбиәт / Юмор // 14-02-2017, 13:28


Ҡәҙерле “йөктәре” юҡ…
Беҙҙең яҡтарҙа байтаҡ йылдар элек булған хәлдәр был.
Бер ғаилә ҡыш көнө сана егеп, күрше ауылға ҡунаҡҡа барған. Мәжлес күңелле үткән, бик яҡшы ғына һыйланғандар. Ҡайтыу юлына ҡуҙғалғансы, ҡараңғылыҡ ярайһы ғына ҡуйырған. Ҡар яҡтыһы булған инде. Дилбегәне, әлбиттә, ир тотҡан, ҡатын уңайлы итеп кенә сананың артынараҡ урынлашҡан.
Ат өс саҡрым ерҙе ни, елдереп алып ҡайтып та еткән. Ир сананан төшкән дә, атын да туғарып тормайынса, өй ишеген дөбөрләтергә керешкән.
– Ас, ас, ҡатын, ас, тим, – тип ҡысҡыра уҡ башлаған был.
Көслө тауыш күрше йәшәгән инәйгә лә ишетелгән. Аптырап, инәй быларға ингән. Атаһының тауышын ишетеп, икенсе яҡ күршенән ҡыҙы килгән.
– Аһ, аһ, ниңә ҡысҡыраһың ул? – тип һораған ҡыҙы.
– Бына, әсәң ишекте асмай ҙаһаң, – ти икән ҡарт.
– Ҡунаҡҡа бергә киттегеҙ ҙә баһа, ул ни арала кире ҡайтты? – тип һүҙгә ҡушыла күршеһе лә.
Ҡунаҡта арыу ғына һыйланған ир башта иҫенә төшөрә алмай торған. Ахырҙа, ҡыҙы менән күршеһе атҡа ултырып, кире күрше ауылға барырға сыҡҡан, хужабикәне алып ҡайтырға кәрәк тә баһа. Иң ҡыҙығы шунда булған да инде. Теге күрше ауылға инер алдынан юлда ҙур ғына бер нәмә ятҡанын күреп, атты туҡтатып, абайлаңҡырап ҡараһалар… рәхәтләнеп йоҡлап ята, ти, “ҡунаҡбикә”. Сананан шыуып төшөп ҡалған бер һөҙәгерәк урында. Ире уның ҡасан, нисек төшөп ҡалғанын да һиҙмәгән. Үәт, ҡунаҡта-ар!...

Мәҙәк тоҡсайы
Әҙәбиәт / Юмор // 25-01-2017, 17:11


Мәҙәк тоҡсайыХөрмәтле гәзит уҡыусылар!
Тормош тик сәйәсәт, иҡтисад һәм аҡсанан ғына тормай, унда күңелең булғансы көлөүгә лә урын булырға тейеш. Тиккә генә көлөүҙең сәләмәтлеккә файҙаһы тураһында һөйләмәйҙәр бит. Тултырғансы берҙе көлөп алһаң, күңел асыла, йәшәүҙәре еңелерәк булып китә. Арабыҙҙа хужа Насретдинға тиң кешеләр аҙ түгел, холоҡ-фиғелдәре, һөйләгәндәре менән лаҡаптар, ҡушаматтар барлыҡҡа килтереүселәр бик хисап. Уларҙың барыһы ла ябай халыҡ араһынан һәм халыҡ тураһында булыуы менән ҡәҙерле.
һеҙҙең иғтибарығыҙға “мәҙәк тоҡсайы”нан бер нисә ауыл мәҙәге тәҡдим итәбеҙ һәм киләсәктә һеҙҙән дә көлкөлө тарихтар көтөп ҡалабыҙ....

Үәт, ҡыҙыҡ!
Әҙәбиәт / Юмор // 6-12-2016, 13:17


Үәт, ҡыҙыҡ! – Юлдаш, һине ниңә армияға алманылар?
– Күҙем насар күрә. Бына һин анау сөйҙө күрәһеңме?
– Ҡайҙағы?
– Ана, тегендәге.
– Күрмәйем бит.
– Ана бит.
– Ә-ә, күрәм.
– Ә мин – юҡ.
* * *
– Әхирәт, был шәшке туның күпмегә төштө?
– Ирем алдында 30 мәртәбә «пар сығарып» алырға тура килде…
– Ҡиммәткә төшкән икән…...

Ҡаҙаҡтарҙы көлдөрҙөк
Әҙәбиәт / Юмор // 16-09-2016, 11:49


Ҡаҙаҡтарҙы көлдөрҙөк
Башҡорт асыҡ КВН лигаһының йыйылма командаһы егеттәре Астана акимы (мэры) кубогында ҡатнашып ҡайтты. Буш ҡайтманы беҙҙекеләр – махсус призға эйә булдылар.
Хәтерегеҙҙәме икән, августа Ҡаҙағстандың ҠаҙИИТУ командаһы Өфөлә үткән “Йәйге ку­бок”та гран-при яулағайны. Үҙ сиратыбыҙҙа, беҙҙең иң шәп шаяндар Астанаға юлланды. Эйе, эйе, һеҙ дөрөҫ аңланығыҙ, хәҙер башҡорт КВН-ы сит илдәр менән дә бәйләнештә.
Башҡорт асыҡ КВН лигаһы рәйесе Урал Кәримов әйтеүенсә, Астана акимы кубогына ярыш Ҡаҙағстандың баш ҡалаһындағы популяр урында – 1700 тамашасыға иҫәпләнгән концерт майҙанында үткән. Ҡаҙаҡ телендә, әлбиттә. Ә беҙҙең команда мәрәкәләренең 70 процентын ҡаҙаҡса һөйләгән. Тел яҡын, өн әйтелештәре бер үк тиерлек, афарин, егеттәр, аптырап ҡалмағандар. Башҡорт теленә күскәс тә, тамашасылар улар­ҙы ихлас алҡышлаған.
Башҡортостан делегацияһы урындағы мәҙәниәт, көнкүреш ме­нән дә танышҡан, рәхәтләнеп ҡаҙаҡ йыр-бейеүҙәрен тамаша ҡылып, матур ҡаршылауҙары өсөн Ҡа­ҙағстан КВН берлегенә рәхмәт әйтеп ҡайтҡан.
...

Ялған саҡырыу йәки Мин нисек ҡатынымды "еңдем"
Әҙәбиәт / Юмор // 31-08-2016, 13:36


Ялған саҡырыу йәки Мин нисек ҡатынымды "еңдем"Ҡарттар менән осрашҡанда Иманғәле менән үткән тормошта булған хәлдәр тураһында әңгәмәләшеп алдыҡ. Ул үҙенең эш осоро тураһында түбәндәгеләрҙе һөйләне:
– Эштәрем, ғәҙәттәрем буйынса насар ир түгелмен. Эш урынында хөрмәтләп ҙурланылар. Бер ваҡытта ла мине премиянан һәм ун өсөнсө эш хаҡынан ҡалдырманылар. Ун йылда бер ниндәй ҙә шелтә алманым. Маҡтау ҡағыҙҙарын бөтә бригада менән "йыуа" инек.
Айына ике тапҡыр "төшөрөп" ҡайтҡанда, ҡатыным тәүге мәлдә иғтибар итмәне, сөнки башҡалар кеүек ғауға ҡуптарманым. Тауыш-тынһыҙ ғына йоҡларға ята инем. Бындай хәл ҡатынға оҡшамай башланы һәм ул мине әр менән "тәрбиәләргә" булды. Әр иһә бер ниндәй ҙә файҙа бирмәй....

Ҡаҙаҡ шаяндары Өфөнән нимә алып ҡайтып китте икән?
Әҙәбиәт / Юмор // 18-08-2016, 23:31


Ҡаҙаҡ шаяндары Өфөнән нимә алып ҡайтып китте икән?Йәштәр мәғариф форум һабантуйында КВН алышы үтте

Башҡорт асыҡ КВН лигаһы яңы миҙгел алдынан йәйге уйындарын үткәреп алырға булды. Уҡыу йылы ла етеп килә, йәштәргә кәйефтәрен тағы ла күтәрерлек бер сара кәрәк ине шул. Һәм беҙҙең шаяндар хәрәкәте үҫешенең яңы кимәленә сыҡты – хәҙер республика, Рәсәй эсендә генә түгел, сит ил вәкилдәре менән дә “йомро һүҙ” менән шаяртыша башланылар....

Дефицит тауар
Әҙәбиәт / Юмор // 15-08-2016, 15:01


Дефицит тауарКөндәр ныҡ ҡыҙҙыра башлағас, беҙ ҙә түҙмәнек, ҡарт һөйәктәрҙе шығырлатып булһа ла, һыу буйына төшөп киттек. Йылға буйында бала-саға һәм күберәк ҡатын-ҡыҙ. Тәнгә сихәт алып, һыуҙан сыҡҡас, ҡыҙына ғына башлағайныҡ, күршебеҙгә ике йәш ҡатын килеп урынлашты. Улар сисенеп тә торманы, ашамлыҡтарын сығарып теҙә лә башланы. Бер аҙҙан алдарында шешә ғәләмәте лә пәйҙә булды. Шундуҡ бер нисә рюмканы йотоп ҡуйғас, һыу эсенә инеп киттеләр. Өйрәк һымаҡ туҡтауһыҙ сумдылар-сумдылар ҙа, ярға сығып, ир-атты күҙҙәре менән ҡармаҡлай башланылар.
Ҡыҙғанысҡа ҡаршы, яҡын-тирәлә һәр саҡтағыса йоҡо баҫҡан минең бабайымдан башҡа йүнле ир-ат күренмәне. Был ике йәш ҡатын бер заман иремде һыу инергә саҡыра башланы.
Ултырған ерҙән ике күҙем дүрт булды. Ҡарап торған ерҙән мине ирһеҙ ҡалдырырға итәләр түгелме?! Күҙ ҡараһы һымаҡ һаҡлаған бабайымды эскесе бисәләргә эйәртеп ебәрергә ахмаҡ булырға кәрәк бит! Юҡ, мин әйтәм, былай булмай! Әле генә йоҡомһорап ултырған бабайымдың ике күҙе, ҡаймаҡ ашаған бесәйҙеке һымаҡ, ялт-йолт ялтырай башланы. Бөтөнләй тип әйтерлек сыр-ялан­ғас ҡатын-ҡыҙҙы күргәс, дәрте артып, хатта ятҡан урынынан, тамағын ҡырып, алан-йолан ҡаранып алды ла, тороп уҡ ултырҙы был.
Бисәләрҙен йәшерәге тағы уға өндәште: “Әйҙә, йылғаның теге ярына йөҙөп сығабыҙ!..”
Йөҙҙөрөрмөн мин һеҙҙе, һеҙгә тип әҙерләп ҡуйған бабай барҙыр бында! һеҙ сәрхүштәрҙән ҡайһы ерем кәм: «Буй тиһәң – буй, бил тиһәң – бил!» Балда-майҙа ғына йөҙҙөргән ҡатынын күрмәй инде, ҡарт шайтан? Ә мин уға, формаһын юғалтып ҡуймаһын тип, үҙем ашамаған ризыҡты ашатҡан булам тағы. Шуның да ҡәҙерен белмәй бит, йүнһеҙ. Өйгә генә ҡайтайыҡ әле, күрһәтермен мин һиңә яланғас бисәләрҙе. Шулай итеп асыуланып ҡына торғанда, бисәләрҙең икенсеһе иремә бөтөнләй үк яҡын килеп:
– Әйҙә, теге ярға йөҙөп сығабыҙ! – тип туранан-тура өндәште.
Ир тигәнем түҙмәне, ырғып тороп:
– Мин риза! – тине.
Тик мин уның юлына арҡыры төштөм:
– Юҡ, бармайһың! Өйәнәгең тотоп, батып-нитеп китеүең бар, – тип, артын ныҡ итеп бороп тороп семетеп алдым. Бабайым ауыртыуҙан “ах” та “ух” килеп тулай башланы. Ҡарап торған йәш ҡатын аптырап ҡалды. Был икәүгә күҙ һирпеп алдым да:
– Күрҙегеҙме, сире башланды. Уның эпилепсия тигән сире бар! – тинем.
Ҡатындар тиҙ генә йыйынып, шунда уҡ ҡайҙалыр китеп юғалды.
Ауыртыуҙан һуң саҡ аңына килә башлаған ирем миңә асыуланып ҡараны, тик быға иҫем дә китмәне. Күңелле генә башланған һыу инеү уйламағанда бына шулай күңелһеҙ генә тамамланып ҡуйҙы.
Заманаһы шундай хәҙер. Законлы бабайыңды ла тартып алырға ғына тора еңел-елпе бисә-сәсә. һаҡ булығыҙ, ирле бисәләр! Дефицит тауарығыҙҙы ятҡа ебәрмәгеҙ!..

Л. САЙРАНОВА.
...


  • “Уның үлемен теләп йәшәнем...”
  • Еҙнәм инең (хикәйә)
  • “Кеше үлемендә минең дә ғәйебем бар...”
  • Мин һәр саҡ табип хатаһы ебәреүҙән ҡурҡа инем...
  • Үәт, ҡыҙыҡ! (17.11.2017)
  • Татлы һөйөүҙән кем туйған?
  • ҺАБАҠ (хикәйә)
  • Үәт, ҡыҙыҡ! (24.11.2017)
  • Мәүлит байрамы мөбәрәк булһын!
  • Бүләктәр – өлөшлөләргә!



  • Радио Юлдаш FM