08.08.2014 Мәҙәктәр

Беренсе класта уҡыған ҡыҙҙан уҡытыусы:
– Аделина, бер һәм тағы бер нисә була? – тип һорай.
– Бер, бер! – тип яуап бирә һала ҡыҙ.
Дөрөҫ һүҙгә яуап юҡ.

* * *
Терпе сүллектә китеп бара. Уға дөйә осрай. Терпе:
– Дөйә, һеҙҙә бында боҙлауыҡмы әллә?
– Юҡ, ә нишләп улай тип һорай­һың?
– Ниңә улай бар ергә ҡом һипкәндәр һуң?

* * *
– Ҡуяным, тор инде, – тип уята әсәһе ҡыҙын.
– Әсәй, мин бөгөн алтын балыҡ. Минең аяҡтарым юҡ һәм балалар баҡсаһына бармайым.

* * *
– Егеттәр! Ә минең машинам хәҙер “туғыҙынсы” модель!
– Һинең “алтынсы” түгелме ни...
– Түңкәрелде!

* * *
Ҡатыны ирен әрләй:
– Ни өсөн һин һәр ваҡыт, минең машина, минең өй, минең бизнес, тип һөйләйһең?! Беҙ алты йыл инде бергә, шуға беҙ­ҙең машина, беҙҙең өй, беҙҙең бизнес, тип әйтергә тейешһең. Шкаф эсендә бер сәғәт буйы нимә эҙләйһең ул?!
– Беҙҙең ойоҡтарҙы!

* * *
– Һин автомобилеңдең мотор майын йылына нисә тапҡыр алмаштыраһың?
– Мин “Волга” йөрөтәм. Май алмаштырмайым, өҫтәп ҡоям.

* * *
– Улым, магазинға икмәккә барып кил әле.
– Ә тылсымлы һүҙ?
– Интернетты һүндерәм.
– Хәҙер барам!

* * *
Малай балалар баҡсаһынан ҡулы-бите һыҙырылған килеш ҡайта. Атаһын унан һорай:
– Нимә булды?
– Шыршы тирәләй хоровод әйләндек.
– Шунан?
– Шыршы ҙур, ә балалар аҙ.