НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » » Үҙ-үҙемде нисек әрләнем

Үҙ-үҙемде нисек әрләнем


Үҙ-үҙемде нисек әрләнемИптәшем ғүмер буйы шофер булып эшләне. Өфөгә рейсҡа гел кис сыға ине. Юл да аулаҡ була, машиналар ҙа әҙ йөрөй, ти ине. Шулай бер көн, апрель аҙаҡтарындамы икән, юлға сыҡты. Балалар ауылда, өләсәләрендә. Яңғыҙ булғас, бөтә нәмә шикле күренә. Ишекте бикләнем дә, баҙҙан картуф сығарып бешермәксе булдым. Кистән башым да ауыртып торғас, иртәнге ашты ла йүнәтмәксе булдым, йәнәһе. Утты тоҡандыр­ҙым да, аяғыма калуш кейеп, ҡулыма биҙрә алдым һәм баҙҙың түңәрәк тимеренән тартып, ҡапҡасын астым. Баҙҙың ҡапҡасын асыуым булды, саҡ ҡолап төшмәнем, аҫтан башына яулыҡ тартып бәйләгән ханым ҡарап тора. Тиҙ генә ҡапҡасты яптым да, өҫтөнә менеп ултыр­ҙым. «Хайуан бисәкәй, ҡайһы арала инеп ҡунаҡланың минең өйөмә?! Хәҙер сәсеңде йолҡҡолап, типкеләп сығарам бит мин һине! Теге айғырҙы ҡайтҡас та аҡылға ултыртам, һиңә лә, миңә лә булмаясаҡ! Яулыҡ ябынып, ҡунаҡҡа килдеңме ни?! Хәҙер һыйлайым мин һине йоҙроҡ менән! Нимә, сығарып, ҡасырып өлгөрмәгәйнеме, гел генә минең эшкә киткәнде көтөп йөрөгәнһеңдер әле! Эт бисә! Хәҙер бар урамды йыйып индереп мәсхәрә итәм мин һине!» – тип баҙ ҡапҡасының өҫтөнә өҫтәл шылдырып ултырттым да, туҡта әле, тәүҙә кем икәнен танып алайым, тип, өҫтәлемде алып, баҙ ҡапҡасын асып ҡараным... Бәй! Һыуҙа үҙемдең шәүләм тулҡынланып киткәс, аптырап киттем. Баҙға һыу тулған икән. «Уйнаш ҡатын» үҙем булып сыҡтым! Ни иларға, ни көлөргә белмәй, баҙ ҡапҡасын тотоп оҙаҡ ултыр­ҙым. Нисә йылға ҡартайҙым инде ошо һыу арҡаһында…

Нуридә ИЛҺАМОВА.
Әбйәлил районы,
Асҡар ауылы.

Сығыу ваҡыты 8-06-2016, 15:33 | Ҡаранылар: 927
|
  • Үәт, ҡыҙыҡ!
  • "Наркоман"
  • Өй эйәһенең ҡотомдо алғаны
  • Маруся
  • Үәт, ҡыҙыҡ!
  • Информация

    Комментировать статьи на сайте возможно только в течении 4 дней со дня публикации.


  • Хужабикәгә кәңәш (15.12.2017)
  • Бисмилла көсө
  • "Ғашиҡ булдым еҙнәйемә"
  • Ҡыҙҙарҙың һылыуҙарын, уңғандарын билдәләнек, “Йәшлек” гүзәле – 2017” конкурсын тамамланыҡ!
  • Яңы йыл ҡаласыҡтары, боҙ һындары... Аҡъяр биҙәге
  • Ҡыш бабай бүләге (хикәйә)
  • Ҡәйнәмә түҙер әмәлем ҡалманы
  • Яңы йылға бүләкле булдылар
  • Иғтибар! Өр-яңы әҙәби конкурс! Ҡәләмеңде ал ҡулыңа! 50 мең һумлыҡ бүләк һине көтә!
  • Йондоҙнамә (8-14 ғинуар)



  • Радио Юлдаш FM