НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Мәҙәктәр


МәҙәктәрАбруйлы Америка университеты. Уҡыу йылының башы. Декан беренсе уҡыу йылын башлаған студент­тар­ға ҡағиҙәләрҙе аңлата:
– Ҡыҙҙар дөйөм ятағына – егеттәргә, ә егеттәрҙекенә ҡыҙҙарға инеү ҡәтғи тыйыла. Ҡағиҙәне боҙ­ған өсөн беренсе тапҡыр – 20, икенсеһендә – 40, ә өсөнсөһөндә 60 доллар штраф һалынасаҡ. Барыһы ла аңлашылдымы?
Бер студент ҡулын күтәрә:
– Ә бер ай өсөн күпме түләп ҡуйырға тура киләсәк?

* * *
– Һин һыу яратаһыңмы?
– Эйе.
– Шәп бит. Тимәк, һин минең 70 процентымды инде оҡшатырға тейешһең…

* * *
– Оят түгелме һиңә, һау-сәләмәт килеш хәйер һорашып тораһың! Эшләргә кәрәк.
– Мин бит эштән һуң.

* * *
Иғлан.
“Ир-ат менән танышырға теләйем. Талаптар: буйы – 179,99, ауырлығы 69, 99-ҙан, йәше 29,99- артыҡ булмаҫҡа тейеш.
Үҙем хаҡында: ресторан директоры”.

* * *
Донъя байҙары исемлегендә тәүге ике урынды алып торған икәү беренсе йөҙлөктөң аҙағындараҡ урынлашҡан хеҙмәттәштәре тураһында һөйләшә:
– Уның сираттағы ҡатыны тағы ауырлы икән тип һөйләйҙәр...
– Хәйерселәр һанын ниңә арттырырға инде, шуны аңламайым…

* * *
Ҡараңғы тыҡрыҡта:
– Аҡса янсығыңмы, йәнеңме?
– Зинһар, ҡыҙған, аҡсаһыҙ ҡайт­һам, ҡатын башымды ашаясаҡ.
– Ҡыҙғанып нимә эшләйем инде. Минең дә өйҙә ҡатыным бар бит.

* * *
Ҡалаға сығып ингән старшина тәьҫораттары менән уртаҡлаша:
– Мин халыҡты аңлай алмайым! Саф менән йөрөй белмәйҙәр, кем ҡайҙа теләй – шул яҡҡа бара. Нисек улар бер-береһе менән бәрелешеп бөтмәй икән?

* * *
Ике ҡатын һөйләшеп ултыра.
– Һинең ирең ҡайҙа эшләй?
– Һыра заводында. Ике ай булды инде.
– Ә эше оҡшаймы һуң?
– Этем белһен, эшләй башла­ғандан бирле ҡайтып күренгәне юҡ.

* * *
Ике табип филгә операция яһап бөтә.
– Филдең эсендә бер нәмәне лә онотоп ҡалдырманыҡ, буғай! – ти береһе.
– Бәй, – ти икенсеһе, – ә шәфҡәт туташыбыҙ ҡайҙа һуң?..


***

Телефон шылтырай, хужабикә ала.
– Ғәлиә, был һинме?
– Эйе, мин.
– Ғәлиә, бер нисә көн элек һине бик ныҡ үпкәләттем, артыҡ ҡыланып ташлағанмын. Улай уҡ кәрәк тә булмағандыр. Беләһең бит инде мин ундай уҡ яуыз кеше түгеллекте. Ғәфү ит, зинһар!
– Ярай, итәм. Ә кем һуң әле был?

* * *

Элек балалар өлкәндәрҙән ҡалған кейемдәрҙе кейә ине. Хәҙер ата-әсәләр балаларынан ҡалған иҫке телефондар менән эш итә.

* * *

Дәүләт башлығы: "Беҙҙең халыҡ яҡшы йәшәргә тейеш!" – ти.
Депутаттар эшкә тотона. Бойороҡтоң беренсе уҡылышы: "Беҙҙең халыҡ яҡшы йәшәргә тейеш!". Икенсеһе: "Беҙҙең халыҡ йәшәргә тейеш!" Һөҙөмтәлә: "Беҙҙең халыҡ тейеш!" – тигән бойороҡ ҡабул ителә.

* * *

– Нисек инде ҡаҙы бүлегендә бөтәһе лә химия һәм яһалма әйберҙәрҙән генә торһон, ә ысын иттән бер нәмә лә булмаһын, ти! Юҡты һөйләмәгеҙ, ана, һатыусы бар!

Сығыу ваҡыты 4-09-2015, 10:02 | Ҡаранылар: 287
|
  • Мәҙәктәр
  • Үәт, ҡыҙыҡ!
  • Үәт, ҡыҙыҡ!
  • Үәт, ҡыҙыҡ!
  • Үәт, ҡыҙыҡ!
  • Информация

    Комментировать статьи на сайте возможно только в течении 4 дней со дня публикации.


  • Егерме йыллыҡ хыял
  • Үәт, ҡыҙыҡ! (22.09.2017)
  • “Минең дә улым булыр ине...”
  • Беҙҙең өсөн уңайлы Указды дөрөҫ файҙаланайыҡ
  • Ау-у, марал!
  • Йондоҙнамә (25 сентябрь – 1 октябрь)
  • Маринадланған кәбеҫтә
  • "Йәшлек" гәзите яңылыҡтарын "Телеграм" аша алығыҙ!
  • Ҡөрьән ашы тәртиптәре
  • “Умырзая”, “Рамаҙан”, “Дәүер”, “Әкиәт” – барыһы ла Учалыныҡы!



  • Радио Юлдаш FM