НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Мәҙәктәр


Төҙөлөш батальонында хеҙмәт итеүсе һалдат ҡаҙанлыҡта мейес яғыусы булып эшләй. Бер көн егет ҡағыҙ алып уның ситтәрен бер аҙ көйҙөргәс, һөйгәненә хат яҙа башлай: «Сәләм, ҡәҙерлем минең. Был хатты ут ҡапҡан танк эсенән яҙам…»

* * *
Осрашыу бик мөһим булғанға күрә, һуңға йәки йоҡлап ҡалырмын тип бик ҡурҡтым, шунлыҡтан бөтөнләй йоҡламаҫҡа булдым. Һөҙөмтәлә йоҡлап киткәнмен һәм һуңға ҡалғанмын…

* * *
– Кисә Әҡлимәне күргәйнем, ул әйтте, – тип зарлана бер ханым әхирәтенә, – һин уға мин бер кемгә лә әйтмәҫкә тигән серҙе сискәнһең икән.
– Телен тыя белмәгән нәмә, – ти әхирәте асыу менән. – Мин уға һин бер кемгә лә һөйләмә тигән серҙе сисеүем тураһында бер нәмә лә әйтмәҫкә ҡушҡайным да һуң!
– Ҡара әле, – ти беренсе ханым. – Һин уның минең һиңә сискән серемде һинең уға һөйләүең тураһында уның миңә әйткәнлеген минең һиңә әйтеүем тураһында бер үк һөйләй күрмә инде, йәме?..

* * *
Улы менән атаһы ат арбаһында өс-дүрт йәшник араҡы алып ҡайтып киләләр. Ҡаршыларына полиция хеҙмәткәре килеп сыҡҡан:
– Сәләм!
Арбалағы араҡыны күреп, шатлығынан йылмайып, әйтеп ҡуйған:
– Тимәк, мин өсөнсө булам?
– Юҡ, дүртенсе булаһың...
– Нисек?
– Һинең һымаҡ өс кешене эт итеп һүгеп, ҡыуып ебәрҙек инде!..

* * *
– Әсәй, мин күләүеккә ҡоланым.
– Яңы салбарың менәнме?
– Һалып өлгөрмәнем шул.

* * *
Дәрес бара. Уҡытыусы:
– Мин ашаманым, һин ашаманың, ул ашаманы. Иҙел, ҡабатла әле, мин яңы ғына нимә тип әйттем?
– Бер кем дә ашаманы…

* * *
– Боронғо кешеләрҙең нимә менән туҡланғанын ҡайҙан белеп була?
– Консерва һауыттарынан, әлбиттә…

* * *
– Атай, ә кешеләр, ысынлап та, маймылдан яралғанмы?
– Әлбиттә, улым.
– Тимәк, әсәй менән һеҙ мине уллыҡҡа алғанһығыҙ?

* * *
– Әйт әле, Ирек, ниндәй теш иң аҙаҡ сыға?
– Алтыны.

* * *
– Атай, мине Камил туҡманы.
– Һин ҡарап торҙоңмо?
– Ана шунан башланды ла инде…

Сығыу ваҡыты 16-01-2015, 10:12 | Ҡаранылар: 670
|
  • Мәҙәктәр
  • Мәҙәктәр
  • Мәҙәктәр(Башҡорт телендә анекдоттар)
  • Үәт, ҡыҙыҡ!
  • Мәҙәктәр
  • Информация

    Комментировать статьи на сайте возможно только в течении 4 дней со дня публикации.


  • “Уның үлемен теләп йәшәнем...”
  • Еҙнәм инең (хикәйә)
  • “Кеше үлемендә минең дә ғәйебем бар...”
  • Мин һәр саҡ табип хатаһы ебәреүҙән ҡурҡа инем...
  • Үәт, ҡыҙыҡ! (17.11.2017)
  • Үәт, ҡыҙыҡ! (24.11.2017)
  • Татлы һөйөүҙән кем туйған?
  • ҺАБАҠ (хикәйә)
  • Мәүлит байрамы мөбәрәк булһын!
  • Бүләктәр – өлөшлөләргә!



  • Радио Юлдаш FM