НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Мәҙәктәр


– Ҡыҙығыҙ ҡалай атаһына оҡ­шаған.
– Кит, юҡты һөйләп тормағыҙ. Нисек инде өс йәшлек ҡыҙ ҡырынмаған, пеләш башлы, йыуан ҡор­һаҡлы иргә оҡшаһын…

* * *
МәҙәктәрАғас башында бер ир ултыра. Ул унда нисек менеүен хәтерләмәй һәм төшөргә лә ҡурҡа. Аҫта бер төркөм кеше, бынан көлөп, кәңәш биргән булып баҫып тора. Шунда прапорщик килеп сыға һәм, эштең ниҙә икәнен аңлап, бау ала ла бер осон ағас башындағы иргә ырғытып:
– Нығыраҡ итеп бәйлә, – тип ҡысҡыра.
Бауҙың икенсе осон аҫтағыларға тоттора һәм:
– Тартығыҙ, – тип ҡысҡыра. Ир кеше һүгенә-һүгенә ағас башынан осоп төшә һәм һикереп тора ла прапорщикҡа:
– Ни эшләйһең һин, иҫәр, минең бит имгәнеүем ихтимал, – тип екеренә.
– Бушты һөйләмә, кисә берәүҙе шул бау менән ҡоҙоҡтан тартып сығарҙыҡ, уның менән бер нәмә лә булманы, – тигән тегеһе.

* * *
Бер ир магазинға инә лә:
– Һеҙҙә томат һуты бармы? – ти.
– Юҡ.
– Ә ниңә?
– Помидорҙар серемәгән әле!..

* * *
Йәш ир бик ҡиммәтле 10 метр туҡыма ала. Һатыусы, аптырап:
– Һеҙ уны ниңә алаһығыҙ? – тип һорай.
– Костюмға.
– Һеҙ нимә, костюмға бит 3 – 4 метр ҙа етә лә һуң.
– Эйе, был – костюмға. Ә кепкаға?

* * *
– Ғәйепләнеүсе Иҙрисов! Юғары белем тураһындағы дипломды һеҙ ҡайҙан һатып алдығыҙ?
– Ни… Мин… Таптым. Юлдан.
– Нисек инде таптығыҙ? Унда бит һеҙҙең исем-фамилияғыҙ яҙыл­ған...
– Яҙылһа ни.
– Улай тап килеүе мөмкин түгел.
– Ә кем әйтә мөмкин тип? Паспортты дипломды тапҡандан һуң һатып алдым. Әллә ни ҡиммәт тә булманы...

* * *
Замана технологияларын аңламаҫһың: һыра банкалары сүплектә 100-әр йыл буйы йылҡылдап ята, ә машина кузовының ҡалайы дүрт йылда сереп, тарҡалып бөтә.

* * *
– Был юлбарыҫтың кеше ашаусы яуыз икәнен ҡайҙан белдең һуң һин?
– Күҙҙәренән. Ҡарашы нәҡ ҡатынымдың әсәһенеке кеүек...

* * *
– Атай, бесәй балаһы ал әле...
– Юҡ!
– Атай, ал инде!
– Юҡ!
– Атай?!
– Юҡ тинем бит инде һиңә. Бәйләнмә! Ана, урамға сыҡ та үткән-һүткән кешеләргә тәҡдим итеп ҡара! Бәлки, улар алыр.

* * *
Тарих ҡабатлана, тип дөрөҫ әйтәләр. Бына минең, мәҫәлән, хәҙер тағы аҡсам юҡ.

* * *
Күптән осрашмаған ике дуҫ осраша.
– Эшең яҡшымы һуң?
– Кемгә нисек инде.
– Фатирың һәйбәтме?
– Кемгә нисек инде.
– Машинаң?
– Кемгә нисек инде.
– Ҡатының?
– Кемгә... Тфү! Ҡатын яҡшы!

Сығыу ваҡыты 12-12-2014, 05:27 | Ҡаранылар: 610
|
  • Мәҙәктәр
  • Мәҙәктәр
  • Мәҙәктәр
  • Мәҙәктәр
  • Мәҙәктәр(Башҡорт телендә анекдоттар)
  • Информация

    Комментировать статьи на сайте возможно только в течении 4 дней со дня публикации.


    Борьба с коррупцией

    [/aviable]

  • Ҡолаҡ һал!
  • Организм нимә хаҡында иҫкәртә?
  • Монафиҡ (Хикәйә)
  • Тыуған ауылына рәхмәтле йырсы
  • Оҙаҡ йәшәүҙең туғыҙ сере
  • Үткәндәргә илаулап, бөгөнгөһөн юғалта күрмәгеҙ
  • Үәт, ҡыҙыҡ! (3.08.2018)
  • Вниманию зарегестрированнх кандидатов, избирательных объединений, на выборах депутатов Государственного Собрания – Курултая Республики Башкортостан шестого созыва
  • Үәт, ҡыҙыҡ! (20.07.2018)
  • Ҡартлыҡ бәхеттәре кемгә насип?



  • Радио Юлдаш FM