НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

РӘШИТ НАЗАР Фекерҙәр һәм афоризмдар (17.02.2017)
Әҙәбиәт / Шиғырҙар // 20-02-2017, 12:46


РӘШИТ НАЗАР Фекерҙәр һәм афоризмдар (17.02.2017)
Һәр замандың үҙенең ҡояшы бар,
Ҡояшында – үҙенең табы бар.
Донъя өсөн табы танһыҡ түгел,
Ҡояшы бар икән – таңы бар.
(“Дүрт юллыҡтар”).
...

“Шиғри юлдар һиңә, һөйөүем...”
Әҙәбиәт / Шиғырҙар // 20-02-2017, 11:06


“Шиғри юлдар һиңә, һөйөүем...”
Ошондай исем аҫтында үткән шиғри бәйгебеҙ тамам. 14 февраль – Бөтә донъя ғашиҡтар көнөнә ҡарата иғлан ителгән конкурста барлығы 112 шиғыр ҡатнашты. Тәү осорҙа тик ҡатын-ҡыҙҙар ғына йөрәк хистәрен еткерһә, бәйге аҙағына табан бер нисә көслө зат вәкиле лә һөйгән йәрҙәренә ҡарата йылы һүҙҙәрен еткерергә батырсылыҡ итте.

Бәйгелә ҡатнашҡан барлыҡ авторҙарға рәхмәт һүҙҙәрен еткерәбеҙ! Күңелегеҙ һәр ваҡыт яратыу хисе менән тулы булһын, ғаиләгеҙгә именлек, үҙегеҙгә һаулыҡ, бәхеттәр насип итһен! Һәр ваҡыт беҙҙең менән бергә ҡалығыҙ!
Әҫәрҙәре бөгөнгө һанда тәҡдим ителгән авторҙарҙы һәм үткән һандың тәүге битен матур шиғыры, үҙенсәлекле фотоһы менән биҙәгән Фәүзиә Ҡот­логилдина-Алтынбаеваны еңеүсе тип иғлан итәбеҙ! Улар Башҡорт дәүләт филармонияһында үтәсәк концерттарға саҡырыу ҡағыҙҙары менән бүләкләнә. Тулыраҡ мәғлүмәт алыу өсөн редакция телефонына шылтыратырға....

Афғансы (Рәшиҙә Шәмсетдинова)
Әҙәбиәт / Шиғырҙар // 15-02-2017, 12:08


Афғансы (Рәшиҙә Шәмсетдинова)Ошо шанлы һуғышта ордендар, “За Отвагу” миҙалы менән наградланып һәм яраланып ҡайтҡан ҡустым Әҙһәм Дауытовҡа һәм Афғанстанда хеҙмәт иткән бөтә егеттәргә арнайым.

“Афганец” тигән даны бар
Әҙһәм атлы егеттең.
Унда имәндәр ныҡлығы,
Юҡ муртлығы еректең....

РӘШИТ НАЗАР Фекерҙәр һәм афоризмдар (3.02.2017)
Әҙәбиәт / Шиғырҙар // 7-02-2017, 11:05


РӘШИТ НАЗАР Фекерҙәр һәм афоризмдар (3.02.2017)
Үлем юҡ, һәр ни
Мәңгелек, тимә.
Һыйһа ау эсенә,
Мәңгелек нимә?!
(“Ҡыр арып ял итә...”)....

Бензин ҡыйбат, хаҡ тешләшә
Әҙәбиәт / Шиғырҙар // 6-02-2017, 13:29


Бензин ҡыйбат, хаҡ тешләшәБензин ҡыйбат, хаҡ тешләшә,
Был бер шәп ысулдыр...
Машинамды егеп алдым,
Тағы кемдәр ҡушылыр?

Шоферһыҙ ҙа елә генә,
Яғыулыҡ та кәрәкмәй...
Был бәхет ул беҙҙә генә,
Башҡа илгә эләкмәй!...

Юлсыға (Юлай Мәҡсүтов)
Әҙәбиәт / Шиғырҙар // 31-01-2017, 14:00


Юлсыға (Юлай Мәҡсүтов)Ҡараңғылыҡ алған аҡ тирмәмде,
Ҡуҙҙар бына-бына һүнерҙәр.
Ҡайнар усаҡ дөрләп яна ине –
Тәгәрәшеп ята күмерҙәр...

Эй, юлаусым! Изге мосафирым!
Килеп индең ҡотһоҙ тирмәмә,
Ихласланып йөрөп усаҡ яҡтың,
Йылы өрҙөң йөрәк тирәмә....

«Тарихҡа баҡ! Ҡайғы-хәсрәттәрҙе Башҡорт башҡайҙары күп күргән»
Әҙәбиәт / Шиғырҙар // 28-01-2017, 13:39


«Тарихҡа баҡ! Ҡайғы-хәсрәттәрҙе Башҡорт башҡайҙары күп күргән»Шағир, драматург, журналист Салауат ӘБҮЗӘРГӘ – 50 йәш
Шиғыр
Шиғыр – мөхәббәт кеүек ул,
Һөйөү утылай илһам...
Ғүмергә яныр йөрәгең,
Бер тапҡыр ғашиҡ булһаң.
«Яратам!» тип әйтмәй генә
Яраттыра ул шиғыр.
Йоҡоларыңдан уятып,
Йөрәк майыңды һығыр.
Көсләп ғашиҡ итеп булмай,
Яратып булмай көсләп.
(Ул утта яныу ләззәте
Татылмай шиғыр «эшләп»).
Шиғыр – мөхәббәт кеүек ул,
Күҙгә эркелгән йәштәй...
Улар ике игеҙәк булып,
Йөрәк түрендә йәшәй!
...

Шиғриәтебеҙ уҙаманы
Әҙәбиәт / Шиғырҙар // 19-01-2017, 13:34


Шиғриәтебеҙ уҙаманы(Күренекле шағир, Салауат Юлаев исемендәге дәүләт премияһы лауреаты Хәсән НАЗАРҒА – 75 йәш)
...Хәсән Назар ижадында баштан уҡ, яратам, һөйәм, тип сөсөләнеү, сарбайланыу булманы. Шуға ҡайһы берҙә: “Мөхәббәт лирикаһы менән мауыҡмай, унһыҙ нисек була инде ул”, – тип тә уйлай торғайным. Ғәҙәттә, психология, кисерештәр, мөхәббәт тойғолары әҙәбиәттең нескә ҡылы бит... Башҡорт шиғриәтенә хас образ-символдар менән эш итеү Хәсән Назарҙың тәүге “Бөркөттәр төйәге” йыйынтығына ла хас: бында үҙәктә – бөркөт образы, шунда уҡ бөркөт сөйөүсе сая егет... Уҡ-Һаҙаҡ, һырҙарына тарих яҙылған, яугир ҡаны тамған ташҡая, мәғрур Урал урманы кеүек атрибуттар... Шул уҡ ваҡытта шағир ижадында баштан уҡ ай, йондоҙҙар, сәскә-болондар образы юҡ дәрәжәһендә....

РӘШИТ НАЗАР Фекерҙәр һәм афоризмдар (6.01.2017)
Әҙәбиәт / Шиғырҙар // 12-01-2017, 12:52


РӘШИТ НАЗАР Фекерҙәр һәм афоризмдар (6.01.2017)
* * *
Ныҡ бул, кеше!
Берүк тап төшөрмә
Ихтыярға – ирлек күркенә.
Үҙ иркенә
Буйһондора алмай кем үҙ-үҙен,
Ул – буйһона ваҡлыҡ иркенә.
(“Ныҡ бул, кеше!”).
...

“Мин йылмайып бағам кешеләргә, Һүҙҙәрем дә ихлас, тоғро!”
Әҙәбиәт / Шиғырҙар // 15-12-2016, 15:20


“Мин йылмайып бағам кешеләргә, Һүҙҙәрем дә ихлас, тоғро!”
Бөгөнгөм
Бөгөнгөмдө тоям
Ҡәлғәмә бик итеп,
Башым килеп терәр
Һуңғы бер сик итеп.

Бөгөнгөмдө тоям
Тәҙрәмә ек итеп,
Елкә тамырымды
Баҫырған йөк итеп.

Бөгөнгөмдө тоям
Асылыр күк итеп,
Һорау, яуап ебен
Бәйләгән суҡ итеп......


  • “Уның үлемен теләп йәшәнем...”
  • Еҙнәм инең (хикәйә)
  • “Кеше үлемендә минең дә ғәйебем бар...”
  • Мин һәр саҡ табип хатаһы ебәреүҙән ҡурҡа инем...
  • Үәт, ҡыҙыҡ! (17.11.2017)
  • Татлы һөйөүҙән кем туйған?
  • ҺАБАҠ (хикәйә)
  • Үәт, ҡыҙыҡ! (24.11.2017)
  • Мәүлит байрамы мөбәрәк булһын!
  • Бүләктәр – өлөшлөләргә!



  • Радио Юлдаш FM