НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » » Рауил БИКБАЕВ Фекерҙәр һәм афоризмдар (25.08.2017)

Рауил БИКБАЕВ Фекерҙәр һәм афоризмдар (25.08.2017)


Рауил БИКБАЕВ Фекерҙәр һәм афоризмдар (25.08.2017)
* * *
Көнсөл булма, кенә ҡыума һис
кенә.
Донъялыҡта ҡунабыҙ бер кис кенә.

* * *
Көнсөллөк ул, әйтерһең дә,
Донъяны ялмаған ут.
(“Йөҙ ҙә бер хәҙис”).

* * *
Көнсөллөк, һатлыҡ, алдашыу, урлыҡ, боҙоҡлоҡ, ялҡаулыҡ, тарҡаулыҡ – былар барыһы ла бер дейеүҙең баштары. Береһен бөтөрөүгә икенселәре ағыуын һибә, һаҫыҡ төтөнө сәсәтә.
(“Көндәлектәр”. 12.09.2011).

* * *
Көслөләргә көнсөллөк ят нәмә.
(“Көндәлектәр”. 17.03.2014).

* * *
Күберәк ҡабаланған – йышыраҡ хаталанған.
(“Хәҙистәр”).

* * *
Күберәк эсһәң хәмер,
Арта бит талаш-йәбер,
Ҡалмай бит хөрмәт-ҡәҙер,
Тиҙерәк тарта ҡәбер.
(“Көндәлектәр”. 10. 05.2013).

* * *
Күҙ асып, күҙ йомоуҙан да ҡыҫҡа
Ғаләм өсөн ғүмере әҙәмдең.
Тик шул ҡыҫҡа ғына ғүмерендә
Кеше уйы байҡай ғаләмде.
(“Күҙ асып, күҙ йомоуҙан да ҡыҫҡа...”).

* * *
Күҙ йәштәре ерҙә кәмемәй бит,
Һайығая ниңә йылғалар?
(“Көндәлектәр”. 28.05.2005).

* * *
Күҙ тейеүҙән яманыраҡ
Һүҙ тейеүе.
Бул һағыраҡ.
(“Күҙ тейеүҙән яманыраҡ...”).

* * *
Күк көмбәҙе – башҡорт тирмәһе.
(“Каруанһарай”).

* * *
Күкте ярып, йондоҙ ергә атыла,
Йондоҙҙарға кеше талпына.
(“Ғүмере буйына ниңә бер-беренә...”).

* * *
Күңелең булғансы
Йәшәп ҡалырға
Йәшлек тә етмәй,
Ҡартлыҡ та етмәй.
(“Йәшлектә ҡыш та...”).

* * *
Күп кешеләр мәхрүм була
Ике байлыҡтан:
Сәләмәтлектән-һаулыҡтан
Үә буш ваҡыттан.
(“Йөҙ ҙә бер хәҙис”).

* * *
Күпме йәнде ҡыйған йәлләдтең дә
Йән бирәһе барыбер бар әле.

* * *
Күпме ҡәбәхәтлек ҡыла бәндә
Күҙ асып күҙ йомған арала.
(“Күҙ асып күҙ йомған ара ғына...”).

Сығыу ваҡыты 28-08-2017, 13:45 | Ҡаранылар: 124
|
  • Рауил БИКБАЕВ Фекерҙәр һәм афоризмдар (18.08.2017)
  • Рауил БИКБАЕВ Фекерҙәр һәм афоризмдар (4.08.2017)
  • Рауил БИКБАЕВ Фекерҙәр һәм афоризмдар (28.07.2017)
  • Рауил БИКБАЕВ Фекерҙәр һәм афоризмдар (5.06.2017)
  • Рауил БИКБАЕВ Фекерҙәр һәм афоризмдар (22.05.2017)
  • Информация

    Комментировать статьи на сайте возможно только в течении 4 дней со дня публикации.


  • БАЛУ (хикәйә)
  • “Бәйләнештә булайыҡ”
  • Үәт, ҡыҙыҡ! (26.01.2018)
  • Азалия МЫРҘАҒӘЛИНА
  • Үәт, ҡыҙыҡ! (16.02.2018)
  • Нәзифә АҠҠУЖИНА
  • Йондоҙнамә (29 ғинуар – 4 февраль)
  • Телебеҙ йәшәһен, үҫһен!
  • Ғаилә йылының эмблемаһы билдәле булд
  • Помидор үҫтереү серҙәре



  • Радио Юлдаш FM