НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Юғалттым мин һине ғүмерлеккә
Әҙәбиәт / Шиғырҙар // Вчера, 06:00


Юғалттым мин һине ғүмерлеккә
Юғалттым мин һине ғүмерлеккә
Юлдарыбыҙ тағы айрылды.
Таш ҡаялай ғорур йөрәгемдең
Пар ҡанаты кинәт ҡайрылды.
Үкенмәйем, ҡара күҙҙәреңдең
Күрмәһәмдә шатлыҡ һирпкәнен.
Әрней бары, йәрәхәтле күңел
Иҫкә төшһә гүзәл үткәнем.
Үкенмәйем, атыр таңдарыбыҙ
Атмайынса тороп ҡалғанға.
Һыҡранмайым, нескә күңелемә
Уңалмаҫлыҡ яра һалғанға.
Үкенмәйем, ә шулайҙа ауыр
Мәңгелеккә һине юғалтыу.
Үкенһәмдә, илап үтенһәмдә
Үткәндәргә юҡтыр, тим, ҡайтыу.

Сәлимә Барлыбаева (Иҫәндәүләтова)...

Ул һәр саҡ беҙҙең менән
Әҙәбиәт / Шиғырҙар // 9-07-2018, 12:02


Ул һәр саҡ беҙҙең менән
2018 йылдың 2 июлендә Башҡортостандың халыҡ шағиры Абдулхаҡ Игебаевҡа 88 йәш тулған булыр ине. Ике йыл инде беҙ уның тыуған көнөн ҡыҙым менән икәү генә ҡаршылайбыҙ. Йылдар буйы йәшәп килгән йола онотолдо. Уның тыуған көнө алдынан беҙ сәскә ала инек (өсөбөҙ ҙә аҡ сәскә яратабыҙ), уны вазаға ултыртабыҙ ҙа күренмәгәнерәк урынға ҡуябыҙ, пакетта – бүләк. Тыуған көнөндә иртән торабыҙ ҙа ваза менән сәскәне, бүләк һалынған пакетты алып:
Трата там, трата там,
Мин бит һине яратам, – тип һамаҡлай-һамаҡлай ул ятҡан бүлмәгә йүнәләбеҙ. Беҙҙең тауышҡа ул һикереп тороп баҫа. Беҙ, матур теләктәр теләп, сәскәле вазаны, пакетты бирәбеҙ ҙә үҙен ҡосаҡлап, үпәсләп, арҡаһынан һөйөп, ҡыҙым менән кухняға сәй әҙерләргә сығып китәбеҙ, ул бала һымаҡ пакеттағы бүләктәрҙе ҡарап ҡала.
Беҙ сәй табыны әҙерләүгә йыуынып, кейенеп-яһанып, йылмайып кухняға килеп инә. Ошолай ҡаршы ала инек һәр беребеҙҙең тыуған көнөн. Хәҙер уны һағынып, юҡһынып, уны һөйләй-һөйләй ҡыҙым менән икәү генә сәй эсергә ултырабыҙ.
Абдулхаҡтың тыуған көнө алдынан гәзиткә нимә бирергә икән, тип уйландыҡ. Йәшлек, ғүмер хаҡында шиғри шәлкем әҙерләргә уйлағайныҡ та, икенсе фекергә килдек. Халыҡ шағирының рухын сафландырыу, яңыртыу, ҡараңғы гүрҙәре яҡтырып китһен тигән ниәт менән уны хөрмәт иткән, яҡын күреп ҡотлаған ҡәләмдәштәренең, дуҫтарының йөрәк һүҙен бирергә булдыҡ....

Олатай иҫтәлеге
Бөйөк Еңеүгә 71 йыл / Шиғырҙар // 22-06-2018, 13:03


Олатай иҫтәлеге
Был шиғырымды Ленинград өсөн яуҙа башын һалған олатайым, 371-се уҡсылар полкы яугиры Һиҙиәт Хәйрулла улы Вәлишиндың яҡты иҫтәлегенә арнайым. Ҡыҙғанысҡа ҡаршы, уның ике улына аталарының төҫө булып фотоһүрәте лә ҡалмай. «Үлем» хәбәрендә ерләнгән урыны ла дөрөҫ яҙылмаған була. Быны беҙ күптән түгел генә асыҡланыҡ. Өләсәйем Ғәйникамал Ноғоман ҡыҙы Вәлишина балаларының атаһын һуңғы һулышынаса көттө.
...

Бала саҡ хәтирәһе
Әҙәбиәт / Шиғырҙар // 12-06-2018, 07:00


Бала саҡ хәтирәһе
Көнләп түгел, сәғәт, минут һайын
Йыраҡлаша кеүек баласаҡ.
Эйе, эйе... Хэҙер баласағым
Тик хәтирә булып ҡаласаҡ.
Ҡар ирегәс, йыуа йыйырға тип,
Тау битенә кем һуң йүгерер?!
Яланаяҡ һалған һуҡмаҡтарҙан
Кемдәр үтер, кемдәр һуң йөрөр?!
Күпереп үҫкән бәпкә үләнендә
Уй - хыялға сумып кем ятыр?!
Еләк һутын, ҡарағаттың тәмен
Тәүгеләрҙән булып кем татыр?!
Ҡара сәсен елгә елберҙәтеп,
Елдәр менән кем һуң серләшер?!
Кәйелеп осҡан ҡошсоҡтарға ҡарап
Күҙен алмай кем һуң көнләшер?!
Тау битендә, минең һуҡмағымда
Килер быуын, башҡа балалар...
Ә күңелдә бары баласаҡтың
Яҡты хәтирәһе ҡалалыр.

Автор - Сәлимә Барлыбаева(Иҫәндәүләтова)...

«Шундай матур, шундай йылы Уйлап сығарған донъям…»
Әҙәбиәт / Шиғырҙар // 11-06-2018, 05:30


«Шундай матур, шундай йылы Уйлап сығарған донъям…»
Дүрт таған

Дүрт тағаным ҡапыл ғына
Төрлө яҡҡа таралды.
Үпкә һүҙҙәр шырау кеүек,
Йөрәгемә ҡаҙалды.
Анһат ҡына түгел икән,
Тағанда таяу булыу.
Таралышып юғалмаҫҡа
Кәрәк шул уяу булыу.
Тағандарым таралыуын
Туҡтатырға юҡ сара!
Көсһөҙлөктән, ғәрлегемдән
Йөрәгем һулып бара.
Беҙ түгелдер был, Илаһым,
Беҙ төптө бүтән инек!
Ауырын да, еңелен дә
Бергәләп үтә инек.
Таяныр ғына тағаным
Шығырлап ситкә тая.
Күҙ терәгән туғаным
Вайымһыҙ ситтә ҡала.
Үкенес булып ҡуймаһын
Күңелдәрҙең тарлығы.
Юҡҡа сыҡҡас, иҫкә төшөр
Таяуҙарҙың барлығы.
Яйлап ҡына дүрт таяуҙан
Яңғыҙым таған ҡорам.
Эй, бәхетле булыр инем,
Тағанды ныҡлы ҡорһам....

ҠУЛ БОЛҒАУСЫ БЕҘГӘ, ЯҘ ҘА УЛ!?
Әҙәбиәт / Шиғырҙар // 31-05-2018, 13:32


ҠУЛ БОЛҒАУСЫ БЕҘГӘ, ЯҘ ҘА УЛ!?
Ҡара болот ҡаплап алған күкте,
Ямғыр яуа шыңшып, туҡтамай.
Үтмәҫ-тимә, Яҙҙың һуңғы көнө,
Күҙ йәштәрен түкмәй, һыҡтамай....

Әсә ҡарашы
Әҙәбиәт / Шиғырҙар // 17-05-2018, 12:53


Әсә ҡарашы
Һаубуллашып, ҡулдарыңды һуҙғас,
Һуңғы тапҡыр баҡтым күҙеңә.
Тетрәнде йөрәк, һау бул, тиеп
Ҡалтыранып сыҡҡан һүҙеңә.
Ҡарашыңда күрҙем әсе һағыш,
Мөлдөрәшкән тамсы йәштәрен.
Йылмайғандай иттең миңә ҡарап,
Йәшергәндәй ғазап, хистәрең.
Беләм, әсәй, мине оҙатҡас та,
Яңғыҙ ҡалып түгелеп иларһың.
Инде көндә күҙҙәреңде төбәп
Киткән юлдарыма ҡарарһың.
Көт, һин мине! Өмөтөңдө өҙмә,
Яндарыңа бер саҡ ҡайтырмын.
Сабый саҡтағылай иркәләнеп,
Алдарыңа һинең ятырмын.
Көт, һин мине, әсәй, ҡайтырмын...

Сәлимә Барлыбаева (Иҫәндәүләтова)
...

Бөгөн Башҡортостандың халыҡ шағиры, Салауат Юлаев исемендәге дәүләт премияһы лауреаты Назар НӘЖМИҘЕҢ тыуыуына – 100 йыл
Әҙәбиәт / Шиғырҙар // 5-02-2018, 11:37


Бөгөн Башҡортостандың халыҡ шағиры, Салауат Юлаев исемендәге дәүләт премияһы лауреаты Назар НӘЖМИҘЕҢ тыуыуына – 100 йыл
Бәрәкәтле Дүртөйлө еренең шиғри күңелле улы Назар Нәжмиҙең тыуыуына быуат ваҡыт үтте. Шағирҙар үлемһеҙ, тиҙәр. Ысынлап та, “Өфө йүкәләре”, “Ҡышҡы романс”, “Юҡҡа түгел”, “Һыу һибегеҙ гөлдәргә” кеүек популяр йырҙары, бик күп шиғыры, “Шағир һәм шаһ”, “Күлдәк”, “Урал”, “Ҡапҡалар” кеүек бай йөкмәткеле поэмалары Назар Нәжмигә мәңгелек һәйкәл булып ҡаласаҡ. Шағирҙың үҙе, ижады тураһында замандаштары, әҙәбиәт белгестәре, уны кумиры тип күргән йәш ижадсылар бик күп мәҡәлә, очерк яҙҙы, бағышлау, мәҙхиә ижад итте. Улар 2015 йылда “Йырҙың булмай һуңлағаны” тип аталған айырым йыйынтыҡта донъя күрҙе. Бындай мәҡәләләр киләсәктә лә яҙыласаҡ. Сөнки Назар Нәжми шиғриәтенең сикһеҙ асылын һәр кем үҙенсә аңлай, кисерә һәм күрә.
Шағирҙың тыуған көнөндә шиғыр яратыусы уҡыусыларҙың иғтибарына уның төрлө йылдарҙа ижад иткән әҫәрҙәрен тәҡдим итәбеҙ....

Рауил БИКБАЕВ Фекерҙәр һәм афоризмдар (8.09.2017)
Әҙәбиәт / Шиғырҙар // 11-09-2017, 13:37


Рауил БИКБАЕВ Фекерҙәр һәм афоризмдар (8.09.2017)
Ҡартлыҡ нимәлә?
Һөйәркәләр өндәшмәүҙә,
Ҡатының көнләшмәүҙә.
(“Ҡартлыҡ нимәлә?..”).
...

Рауил БИКБАЕВ Фекерҙәр һәм афоризмдар (1.09.2017)
Әҙәбиәт / Шиғырҙар // 4-09-2017, 12:06


Рауил БИКБАЕВ Фекерҙәр һәм афоризмдар (1.09.2017)
* * *
Күпме моң бар еркәйемдә,
Күпме нур бар күктәремдә!
Тағы күпме аҫыл йырҙар
Тыуыр Урал күкрәгендә.
(“Йыр”)....


Борьба с коррупцией

[/aviable]

  • Ҡолаҡ һал!
  • Организм нимә хаҡында иҫкәртә?
  • Монафиҡ (Хикәйә)
  • Тыуған ауылына рәхмәтле йырсы
  • Үткәндәргә илаулап, бөгөнгөһөн юғалта күрмәгеҙ
  • Вниманию зарегестрированнх кандидатов, избирательных объединений, на выборах депутатов Государственного Собрания – Курултая Республики Башкортостан шестого созыва
  • Үәт, ҡыҙыҡ! (3.08.2018)
  • Үәт, ҡыҙыҡ! (20.07.2018)
  • Иҫке Күлдә - яңы "клуб"!
  • Ҡартлыҡ бәхеттәре кемгә насип?



  • Радио Юлдаш FM