НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Йырым булып ҡал... (Хикәйә)
Әҙәбиәт / Проза // 22-09-2018, 06:00


Йырым булып ҡал... (Хикәйә)
– Балаҡайым, бар, балам, һыу буйына барып ултыр.Ҡайғыңды һыуға һөйлә, һағышыңды йылға ағыҙып алып китһен! – тип өндәште әсәһе Зәлифә Миләүшәгә, балаҡайының һурылып, ябығып, ҡарайып киткән йөҙөнә йөрәге өҙөлөп ҡарап.
Инде бер айҙан ашыу йылмайыуҙы онотҡан ҡыҙының хәле әсәнең бәғерен өҙә: ашау хаҡында, көсләп табынға ултыртмаһаң, иҫенә лә төшмәй, ултырған саҡта ла себеш кеүек, әсәһенең күңелен уйлап ҡына, бер-ике йотом сәй эсеп, берәр ҡабым икмәкте теләр-теләмәҫ кенә йотоп ҡуя. Эргәһендә йүгерешеп уйнаған ҡусты-һеңлеләренең дә тауышын ишетмәй, ауыр уйҙарға батып, үҙ эсенә бикләнеп тик йөрөй. Әсәһе аптырағас, бер аҙ асылып китмәҫме, тип, эш ҡушып ҡарай. Ҡыҙый бөтә эште лә еренә еткереп башҡарып ҡуя ла, тағы илаулап, кеше күҙенән ҡасып, йә баҡсаға инеп китә, йә бер нөктәгә текәлеп, үҙ ҡайғыһына бата. Әсәй кеше ике ут араһында яна: бер яҡтан ҡыҙы йәл, икенсе яҡтан атаһы, Миләүшәнең торошона йәне көйөп, әрләп ташламаһын, тип өҙгөләнә....

МУРЗИК ЗАРЫ
Әҙәбиәт / Юмор // 21-09-2018, 06:00


МУРЗИК ЗАРЫ
Оя ҡороп сыҡтым мин ағасҡа,
Йортта йәшәр хәлем ҡалмағас.
Утҡа, һыуға, газға түләрлек тә
Кеҫәләрҙә аҡсам булмағас.

Ҡайҙан булһын инде ундай аҡса,
Өҙөп-йолҡоп тамаҡ ялғайым.
Ҡарға ояһындай үҙ оям бар,
Мәгәр бомж булып ҡалмайым.
...

Ылау (Хикәйә)
Әҙәбиәт / Проза // 20-09-2018, 07:00


Ылау (Хикәйә)
Ҡыҙҙары Сәлимәне кәләшлеккә килеп әйттергәс, әсәһе ҡаушап ҡалды. Инде ҡул араһына инеп, ҡустыларын ҡарашып, өй эштәрен үҙ елкәһенә алған ҡыҙ баланы.
– Атаһы ҡыҙыбыҙҙың әле 17-һе яңы тулды, бала ғына бит, ҡыҙғанмай, иллегә етеп килгән тол иргә нисек тоттороп ебәрмәк кәрәк? Төптән уйлап ҡарағанда, үҙең менән йәштәш тә баһа, – тине Саҙиҡа балта һабы юнып ултырған иренә ҡарап. Бигерәк ҡаты күңелле шул Ишмораты. Бәләкәйҙән ата-әсәһе наҙын алып еткермәй, үкһеҙ етем үҫкәнгәме. Үҙе һөйләүенсә, күрше-күләне астан үлтермәгән баланы. Йортта тик уның ғына һүҙе һүҙ. Алдына сыҡтыңмы, бәрә лә һуға. Был юлы ла Саҙиҡа ире менән һүҙ көрәштереүҙе буш ҡыуыҡҡа ғына һананы. Киске табынға ултырғанда ғына ире:
– Һин нишләп һаман үҙеңдекен тылҡый­һың, әллә башҡа эшең юҡмы шул? Һин миңә нисә йәштә кейәүгә сыҡҡаныңды оноттоңмо, әйтһәм, кеше ышанмаҫ! Ир-ир инде, нисә йәштә булһа ла! Йәшәргә донъяһы, малы бар – тағы ни кәрәк һиңә? Танауы аҫтында маңҡаһы ла кипмәгән, кеҫәһен ҡулына тығып, уйнап йөрөгән малай-шалай­ға тоттороп ебәрмәксеһеңме?! – тип, алдында ултырған тәрилкәһен әйләндереп тә ебәрҙе. – Тораһың шунда әпититте боҙоп!
Ир ашын да ашамай, урынынан һикереп тороп китте. Ҡатын иренең артынан йүгереп сығып, әйткән һүҙҙәре өсөн ғәфү үтенергә уйлағайны ла, уны нимәлер туҡтатты. Эй, йөрәге аҫтындағы тыуасаҡ сабыйы бит. Бөгөн бишенсе ай. Ишмораты тороп киткән урынға ултырып, ике ҡулы менән ҡорһағын ҡосаҡлап яратып алды:...

Үәт, ҡыҙыҡ! (14.09.2018)
Әҙәбиәт / Юмор // 17-09-2018, 12:01


Үәт, ҡыҙыҡ! (14.09.2018)
* * *
Бер ғаилә ресторанға килеп инә лә, ашап бөткәс, ғаилә башлығы аҡса түләргә официантты саҡыра. Аҡсаһын сығарып булышҡан мәлдә ҡатыны официанттан:
– Ашап бөтмәгән ризыҡтарҙы этебеҙгә алып ҡайтырға мөмкинме? – тип һорай.
– Әлбиттә, мөмкин, хәҙер контейнерға һалып бирербеҙ.
Балалар, шатлыҡтарынан ҡулдарын сәпәкәйләп:
– Урра! Беҙгә эт алалар!
...

Үәт, ҡыҙыҡ! (7.09.2018)
Әҙәбиәт / Юмор // 10-09-2018, 11:12


Үәт, ҡыҙыҡ! (7.09.2018)
* * *
Фотоательеға пингвин менән зебра килеп инә.
–Төҫлөгә фотомы?
–Юҡ, беҙгә аҡлы-ҡаралы ла бара.
...

Таңым нуры инең
Әҙәбиәт / Проза // 6-09-2018, 07:00


Таңым нуры инең
Аҡман-тоҡман ҡарҙы уйнап ҡына һипкәндәй ине. Ҡайһы арала күҙ асҡыһыҙ буранға әйләнде? Иң татлы хыялдар тулҡынында бәүелгән Таңгөл, быймаһына ҡар тула башлағас, юлдан ситкә тайпылғанын аңғарҙы. Урман һыҙатына ҡарап юлды тоҫмаллап алды ла, һырынтыны һирпә-һирпә, алға атланы. Кисәге осрашыуҙың йылы хистәре ҡыҙҙы ҡабат үҙ ҡосағына алды.
“Концерт менән районға ҡайтам. Көтәм, Таңгөлөм минең!”
Сынтимер! Йөрәгенә яғылып тора исеме. Тик ул ғына күңел ҡылдарын зыңлатырлыҡ итеп, “Таңгөлөм минең” тип әйтә белә....

Үәт, ҡыҙыҡ! (31.08.2018)
Әҙәбиәт / Юмор // 4-09-2018, 16:16


Үәт, ҡыҙыҡ! (31.08.2018)
* * *
Дуҫлашып йөрөүсе егет менән ҡыҙ һөйләшә. Ҡыҙ:
– Һүҙҙәремде кире алам...
– Яҡшы. Ғәфү үтенергә булдың, тимәк?
– Юҡ! Икенсе һүҙҙәр уйлап таптым!
* * *

– Сания, ниңә иреңдән айырылдың әле һин?
– Мине эт урынына күрә башланы...
– Нисек инде, эт урынына?
– Нисек тип, тоғролоҡ талап итеп йөҙәтте......

Көлһәң, көл…
Әҙәбиәт / Юмор // 29-08-2018, 07:00


Көлһәң, көл…
- Мыйыҡ эшләп эшкә килдем. Ҡаштары эшләнгән, керпектәр йәбештергән бисәләр мине иҫәр тине. Ҡайҙа логика?
- Икенсе класта уҡыған улым менән төнгө cәғәт бергә тиклем өйгә эш эшләнек. Баш ҡатырып ултырғансы, лутсы мин ҡатын менән обой йәбештерер инем.
- Кеҫә телефонындағы будильниктың һәр шылтырауы өсөн аҡса алынһа, барыһы ла ваҡытында торор ине.
- Төнгө сәғәт өстә күрше ишеккә тибеп, ҡотомдо алды. Тертләүемдән ҡулымдағы эшләп торған дрелемде саҡ иҙәнгә төшөрөп ебәрмәнем.
- Ирҙәр нәскийе бик сәйер әйбер. 20 пар йыуҙым, иштәре табылманы.
- «Право»мды алдырғас, ике йылдан һуң саҡ рулгә ултырҙым. Юлда барғанда барыһы ла миңә пипелдәтә, ҡысҡыра, ҡул болғай. Һағынып бөткәндәр…
- Иренең күрше ҡыҙына сығып китеүенә йәне көйгән ҡатыны мәкерле план ҡорҙо. Үс алыу ниәтенән, һөйгәнен тартып алған көндәшенең атаһына кейәүгә сыҡты ла, иренә ҡәйнә булды.
- Чиновниктарҙың һанын уларҙың үҫеп килеүсе балалары ишәйтә.
...

Тәүге һөйөү шундай ҡыҫҡа булды
Әҙәбиәт / Шиғырҙар // 27-08-2018, 06:00


Тәүге һөйөү шундай ҡыҫҡа булды
Тәүге һөйөү шундай ҡыҫҡа булды
Тетрәтте лә ҡапыл юғалды.
Ә күңелдә күпме һағыштарым,
Йәрәхәтле яңы моң һалды.
Һин юғалдың, башҡа юлдарыбыҙ
Тап килмәҫме ғүмер - ғүмергә.
Осар ҡоштай күңел ашҡынмаҫмы
Һинең өсөн, һине күрергә.
Осраһаң да ҡабат юлдарымда,
Елкендереп минең күңелде.
Ғәфү итмәм, сөнки йөрәгемдә
Мөхәббәтем шиңеп, һүрелде.
Тәүге һөйөү хисле күңелемә
Күпме һағыш, зарлы моң һалды.
Ә йөрәктә мөхәббәтем булып
Йырланмаған яңы йыр ҡалды.

Сәлимә Барлыбаева (Иҫәндәүләтова)...

Тормош үҙе йәшәргә өйрәтә
Әҙәбиәт / Юмор // 25-08-2018, 07:30


Тормош  үҙе  йәшәргә  өйрәтә
Бер таныш апайҙың әллә нисә йылдар көмөшкә ҡыуыуын ишетә инем инде.
Бер ваҡыт ауылға ҡайтһам, илап тора.
– Бынау күрше ҡатын ҡыҙы менән минең өйгә инеп тороп эстеләр ҙә, ике «полторушка» самогонымды бушлай тартып алып сығып киттеләр! Ҡулына йәбешкәйнем, ҡыҙы аяғыма тибеп, битемә һуғып тороп сығып китте! Оятһыҙҙар! Бына аяғым атламай хәҙер, – ти, иламһырап.
– Дауаханаға барып, справка ал. Туҡманылар, тип судҡа бирерһең, исмаһам, – тинем юрый.
Теге апай асыуынан ырғып китте.
– Һин нимә, мине төрмәгә ултыртҡың киләме?! Хәҙер самогон һатҡан өсөн, беләһеңме, ни эшләтәләр?!
Шул ваҡыт ҡына мин уға: «Белгәс, сәмәй ҡоймаҫ инең, һатмаҫ инең! Ҡоймаһаң, туҡмалмаҫ та инең!» – тинем.
Тормош бит ул. Нисек йәшәргә үҙе аңлата. Аңламағандарҙы туҡматып та, типкеләтеп тә!

Илһамлы Нур.
Әбйәлил районы,
Асҡар ауылы.
...


Борьба с коррупцией

[/aviable]

  • Логотибы яман, шыр хаталы булһа ла «Башҡортостан гүзәле-2018» матурлыҡ конкурсы тамамланды
  • Мең дә бер кисәнән кәм түгел (Булған хәл)
  • Ҡолаҡ һал! Дарыу урынына – һуттар
  • Әлиә БАТРАЕВА, 19 йәш,
  • «Киндер - сюрприз» һораған Рамаҙанға — конструктор
  • Яңы йыл тамашаһына иң яҡшы сценарийҙы кем яҙыр?
  • Кәүсәриә
  • Ял итергә барһағыҙ
  • «Ғүмер буйы иремә рәнйеп йәшәйем»
  • Йондоҙнамә (22-28 октябрь)



  • Радио Юлдаш FM