НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Ул һәр саҡ беҙҙең менән
Әҙәбиәт / Шиғырҙар // 9-07-2018, 12:02


Ул һәр саҡ беҙҙең менән
2018 йылдың 2 июлендә Башҡортостандың халыҡ шағиры Абдулхаҡ Игебаевҡа 88 йәш тулған булыр ине. Ике йыл инде беҙ уның тыуған көнөн ҡыҙым менән икәү генә ҡаршылайбыҙ. Йылдар буйы йәшәп килгән йола онотолдо. Уның тыуған көнө алдынан беҙ сәскә ала инек (өсөбөҙ ҙә аҡ сәскә яратабыҙ), уны вазаға ултыртабыҙ ҙа күренмәгәнерәк урынға ҡуябыҙ, пакетта – бүләк. Тыуған көнөндә иртән торабыҙ ҙа ваза менән сәскәне, бүләк һалынған пакетты алып:
Трата там, трата там,
Мин бит һине яратам, – тип һамаҡлай-һамаҡлай ул ятҡан бүлмәгә йүнәләбеҙ. Беҙҙең тауышҡа ул һикереп тороп баҫа. Беҙ, матур теләктәр теләп, сәскәле вазаны, пакетты бирәбеҙ ҙә үҙен ҡосаҡлап, үпәсләп, арҡаһынан һөйөп, ҡыҙым менән кухняға сәй әҙерләргә сығып китәбеҙ, ул бала һымаҡ пакеттағы бүләктәрҙе ҡарап ҡала.
Беҙ сәй табыны әҙерләүгә йыуынып, кейенеп-яһанып, йылмайып кухняға килеп инә. Ошолай ҡаршы ала инек һәр беребеҙҙең тыуған көнөн. Хәҙер уны һағынып, юҡһынып, уны һөйләй-һөйләй ҡыҙым менән икәү генә сәй эсергә ултырабыҙ.
Абдулхаҡтың тыуған көнө алдынан гәзиткә нимә бирергә икән, тип уйландыҡ. Йәшлек, ғүмер хаҡында шиғри шәлкем әҙерләргә уйлағайныҡ та, икенсе фекергә килдек. Халыҡ шағирының рухын сафландырыу, яңыртыу, ҡараңғы гүрҙәре яҡтырып китһен тигән ниәт менән уны хөрмәт иткән, яҡын күреп ҡотлаған ҡәләмдәштәренең, дуҫтарының йөрәк һүҙен бирергә булдыҡ....

Кәзә мажаралары
Әҙәбиәт / Юмор // 5-07-2018, 09:51


Кәзә мажаралары
Һикереп төштөм баҡсаға,
Кишер-мишер ашарға.
Өс бисәгә тура килдем,
Башты ҡайҙа ташларға!?
Күңелдәрен күрәйем тип,
Мин бейергә тотондом.
Хәйләм булды бер мәрәкә,
Иҫән-аман ҡотолдом.

Хәлиҙә апай...

Һин генә... (Хикәйә)
Әҙәбиәт / Проза // 2-07-2018, 07:00


Һин генә... (Хикәйә) Сабиры ҡунаҡтарҙы оҙатып киткәс, һауыт-һабаһын йыйыштырҙы, бүлмәләрен бөхтәләп сыҡты Гөлкәй: донъяһы ялт итеп тора! Бәй, нишләп оҙаҡланы һуң әле ире? Ҡунаҡтарҙы өйөнә тиклем оҙатҡан хәлдә лә бығаса ҡайтыр ине. Ауыл ҙур түгел, иң алыҫ тигәне лә эргәлә генә йәшәй инде уның. Гөлкәй, яурынына селтәр шәлен генә һалып, ишек алдына сыҡты. Ниндәй сихри матурлыҡ! Төн уртаһы етеп килә, күктә әкиәти алтын алҡаға оҡшап ай эленеп тора. Айҙың йөҙөн бер ҡаплап, бер асып, болоттар йөҙә. Болоттарға оҙағыраҡ ҡараһаң, күк йөҙө диңгеҙҙе хәтерләтә... Ана, ҡайһылай ирмәк бер болот. Хас балыҡ. Күрсе, күрсе!...

Үәт, ҡыҙыҡ! (29.06.2018)
Әҙәбиәт / Юмор // 2-07-2018, 06:00


Үәт, ҡыҙыҡ! (29.06.2018)
* * *
– Ҡыҙым, ул егетеңә кейәүгә сығып ҡуйма инде!
– Әсәй, мин бит оҙаҡҡа түгел...

Үәт, ҡыҙыҡ! (22.06.2018)
Әҙәбиәт / Юмор // 26-06-2018, 06:00


Үәт, ҡыҙыҡ! (22.06.2018)
* * *
– Һинең менән танышҡандан алып йүнләп ашай ҙа, эсә лә, тарта ла алмайым, – тип зарлана ир һөйәркәһенә.
– Шул тиклем ныҡ ғашиҡ булдыңмы ни, ҡәҙерлем?
– Ғашиҡ тип ни… Һинең талаптарыңды үтәгәндән һуң йәшәргә лә аҡсам ҡалмай башланы......

Яҡшы кеше
Әҙәбиәт / Юмор // 23-06-2018, 07:00


Яҡшы кеше
Көтмәгәндә ҡоҙаһы ҡунаҡҡа килеп төшкәс, Морат күршеһе Сәлимдән бер «аҡбаш» алып сыҡты.
– Минең күршеләр – изгелекле, һәйбәт кешеләр, кеше хәлен яҡшы аңлайҙар, кәрәк ваҡытта ярҙам итәләр, – тине Морат, «ялтырбаш»ты асып. – Бер мәл Сәлимдәрҙең һушһыҙ тауығы беҙҙең урамға аҙашып килеп сыҡҡан, ә бәйле торған Аҡбай, сит-ят йән эйәһен генә көткәндәй, уны боғаҙынан эләктереп тә алған. Ләкин был хәлдән һуң күршеләрҙең тауышланып йә үпкәләп йөрөгәнен күрмәнем һәм ишетмәнем дә.
Ҡунаҡ кеше аҙыраҡ төшөргәс, кәйефләнеп китеп, ҡоҙаһы алдында үҙенең дә үтә изге күңелле әҙәм икәнен күрһәтергә теләне шикелле. Шуға:
– Ә беҙҙең күршенең эте башмаҡ тиклем һарығыбыҙҙы өҙгөләп ташланы, – тип теҙҙе ул, – ләкин мин ваҡланып йөрөмәнем, ҡатын да ҡул ғына һелтәне.
Был һүҙҙәрҙе ишеткәс, Морат: «Бигерәк иҫәрһең икән!» – тип саҡ ҡысҡырып ебәрмәне. Шулай ҙа эстән генә, әгәр күршеләр­ҙең эте беҙҙең тауыҡтың үҙенә түгел, себешкә тейгәндә лә нимә ҡылырға белер инем, тип уйланы....

Олатай иҫтәлеге
Бөйөк Еңеүгә 71 йыл / Шиғырҙар // 22-06-2018, 13:03


Олатай иҫтәлеге
Был шиғырымды Ленинград өсөн яуҙа башын һалған олатайым, 371-се уҡсылар полкы яугиры Һиҙиәт Хәйрулла улы Вәлишиндың яҡты иҫтәлегенә арнайым. Ҡыҙғанысҡа ҡаршы, уның ике улына аталарының төҫө булып фотоһүрәте лә ҡалмай. «Үлем» хәбәрендә ерләнгән урыны ла дөрөҫ яҙылмаған була. Быны беҙ күптән түгел генә асыҡланыҡ. Өләсәйем Ғәйникамал Ноғоман ҡыҙы Вәлишина балаларының атаһын һуңғы һулышынаса көттө.
...

Ҡуныс (Хикәйә)
Әҙәбиәт / Проза // 19-06-2018, 07:00


Ҡуныс (Хикәйә)
Март башының тәүге аҙнаһының аҙағы. Тауыҡ ояһындай ғына ситән өйҙөң бер ҡатлы тәҙрәләренең, иҫкелектән уңып, йыртыла яҙып бөткән ҡарындыҡ ярпылары менән ҡапланған өс-дүрт күҙгәнәге йәйәүлене аяҡтан йығырлыҡ зәһәр елдәрҙең ҡағылып-һуғылып үтеүҙәренән ҡырпылдашып тора.
Иҫке генә киндер тоҡто ярып йәйелгән ашъяулыҡҡа ҡуйылған ҙур ағас аяҡтағы шыйыҡ ҡына һоло өйрәһен эсеп бөтөүгә, солан яғынан көслө гөрһөлдәү артынса ыңғырашып ҡуйған тауыш ишетелде. Ҡоршаулы сынаяҡтарға сәй яһарға ҡулына алған баҡырсайҙы әсәй көлдөксәгә кире ҡуйып:
– Уй, Алла. Алаҡайҙыр, – тип атлығып сығып китте лә, оҙаҡ та тормай, – яҙмағандыр инде, балаҡайҙар, – тип иламһырап килеп инеп, урындыҡ йөҙлөгөнә ултырып, саҡ-саҡ тыйылып торған күҙ йәштәренә ирек биреп, илап ебәрҙе....

Үәт, ҡыҙыҡ! (14.06.2018)
Әҙәбиәт / Юмор // 19-06-2018, 07:00


Үәт, ҡыҙыҡ! (14.06.2018)
Бер төркөм ир-ат күңел асып ултыра. Тик береһенең генә кәйефе юҡ.
– Һиңә нимә булды ул? – тип һорай дуҫтары.
– Ҡайғым ҙур: ҡатында СПИД таптылар… Ниңә бөтәгеҙ ҙә ағарынып киттегеҙ әле?...

Өмәсе кейәү (Булған хәл)
Әҙәбиәт / Юмор // 14-06-2018, 07:00


Өмәсе кейәү (Булған хәл)
Беҙҙең халыҡта бик шәп йола бар – бер-береңә ярҙам итешеү. Әйтәйек, ауылда берәү өй бурай икән, йәше-ҡарты, хәленән килгәненең барыһы ла өмәгә сыға. Күмәкләгән – яу ҡайтарған, тигәндәй, уйын-көлкө, төрлө мәрәкә хәл һөйләп, арығаныңды һиҙмәйһең дә, эш тә ырап ҡала.
Яңы ғына кәләш алған мәл. Шулай бер ваҡыт хәләл ефет менән ҡайны-ҡәйнәмдәргә ҡайтып төштөк. Йоҡлап тороп, иртән сәй-фәлән эсеп, тәнде яҙылдырып алғас, ҡайным менән тышҡа сығып, тәмәке көйрәтергә булдыҡ. Өй алдында ултырып, хәл-әхүәл һорашып, гәп һатабыҙ. Һүҙ ыңғайында түмәргә сабылған балтаны ҡараштырған булам. Хәстәрле кейәү йоҫоғонан тәмәкене сиртеп кенә ташланым да: “Ҡайны, ҡайҙа, балтаңды оҫтаханаға алып барып сарлап килтерәйем”, – мәйтәм. Ул һынаулы ҡараш ташланы ла, йә әләй­һәң, иренмәһәң бар, тине. Ен ҡотортоу шул булалыр инде ул. Ҡайтып килә инем, ҡайнымдарҙан ике-өс өй аша ғына йәшәгән Биктимер ағай ҡаршыма осраны. Ул ваҡытта беҙ таныш та түгел инек....


Борьба с коррупцией

[/aviable]

  • Һуңлап килгән аҡыл
  • Ҡолаҡ һал!
  • Үәт, ҡыҙыҡ! (14.09.2018)
  • Таңым нуры инең
  • Тормош – ҡуласа, әйләндереп бер баҫа
  • Тәүге һөйөү шундай ҡыҫҡа булды
  • «Уҡыусың рәхмәтле булһын»
  • «Салауат Юлаев» - «Локомотив»! Кем-кемде?
  • Үәт, ҡыҙыҡ! (31.08.2018)
  • Ылау (Хикәйә)



  • Радио Юлдаш FM