НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Байрам менән, иптәштәр! Республика көнө менән!
Әҙәбиәт / Шиғырҙар // 11-10-2016, 10:43


Байрам менән, иптәштәр! Республика көнө менән!
БАШҠОРТОСТАН

Рәсәйемдең ҡуйынында
Тыуған илем Башҡортостан,
Уның йылы ҡосағына
Бик күп төрлө милләт һыйған.

Береһе лә үгәй түгел,
Барыһына ғәзиз әсә,
Уңдырышлы тупрағынан
Һуттар алып улар үҫә.

Бер милләт тә юғалмаған
Башҡортостаным эсендә.
Һәр бер кеше һөйләшә лә,
Һәм йырлай ҙа үҙ телендә.

Тәбиғәте гөл баҡсалай,
Урмандар күп, ҡая тауҙар.
Ни теләйһең, барыһы бар,
Йәйрәп ята киң баҫыуҙар.

Башҡа яҡта оҙаҡ йөрөп,
Башҡортостаныма керһәм,
Алыҫтан уҡ күренә бит
Республикам ниндәй күркәм!

Ауылдарҙа матур өйҙәр,
Шифалы шишмәләр һыуы,
Һағындыра хатта уның
Һулай торған саф һауаһы!

Дуҫлыҡ иле Башҡортостан,
Ожмах иле Башҡортостан,
Ошо илемде һағынам
Әҙ генә мин ситтә торһам.

Ҡунаҡсыл булыуы менән
Рәсәйҙә ҙур урын тота,
Халыҡсан бейеү,йырҙары
Донъяға данын тарата.

Һине маҡтап туялмайым,
Тыуған илем Башҡортостан,
Донъялағы матурлыҡтың
Барыһынан өлөш сыҡҡан.

Әлеге булған даныңды
Һаҡла, илем Башҡортостан,
Башҡорт иле һәр ваҡытта
Бар халыҡҡа булыр дуҫтан!
Фәүзиә Ҡотлогилдина - АЛТЫНБИКӘ...

“Әсәй тигән исемдәрҙе аҡлап, Өлөшһөҙ ҙә ҡай саҡ ҡалабыҙ”
Әҙәбиәт / Шиғырҙар // 5-10-2016, 11:04


“Әсәй тигән исемдәрҙе аҡлап, Өлөшһөҙ ҙә ҡай саҡ ҡалабыҙ”Башҡорт йыры
Ишетелә көйҙәреңдә
башҡорт ғәме,
Ыласының ҡаяларҙа ҡанат ҡаға,
Ҡоштар һайрай сутылдашып
сәхрәләрҙә,
Айлы төндә сылтыр-сылтыр
шишмә аға.
Төнлөктәге аттар саба
дөпөлдәшеп,
Кешнәй-кешнәй ярһыу
айғыр өйөр барлай.
Аҡһаҡалдар оран һалғас ерен
һаҡлап,
Тимерлектә яугирҙары ҡылыс
сарлай.
Яндырылған ауылының көлөн
тырнап,
Шәйләп ҡалам илағанын ҡыҙ
баланың.
Каторжандар бығауҙары
зыңлауына
Һыҡтағанын түҙә алмай сал
даланың.
Сәсүрмесләп ҡушып үргән
ҡурай моңон
Ипләп кенә тағатамы еләҫ еле.
Һылыуҡайҙың толомондай
оҙон көйөң,
Баллы, наҙлы һүҙҙәреңдә –
әсәм теле.
Ҡаяларҙан ҡаҡлыҡҡан сың
аһәңендә
Йырлай төҫлө ҡушылып бар
урман-ҡыры.
Әллә моңо һарҡый тура
йөрәгенән,
Әҫәрләнәм, һине тыңлап,
башҡорт йыры!...

“Яҙмыш беҙгә мөхәббәтте Икегә бүлеп бирҙе”
Әҙәбиәт / Шиғырҙар // 4-10-2016, 10:58


“Яҙмыш беҙгә мөхәббәтте Икегә бүлеп бирҙе”
Илаҡ

Йомоштары бөтөп, ҡайтыр
булғас,
Сәскә һатҡан ерҙә туҡталды.
Күстәнәсһеҙ ҡайтмай, ә бөгөн ир
Ҡатынына гөлләмә алды.
Ниндәй генә сәскәләр юҡ икән!
Хуш еҫтәре һауаға тулған.
Күҙҙәр ҡамашырлыҡ наҙ-донъяға
Күҙ ҙә һалмай йөрөгән булған.
Ҡуңыр күҙҙәрен ҙур асып, ҡатын
Керпек ҡаҡмай иренә төбәлде.
Алъяпҡысын һалды. Ҡулын
һөрттө.
Шыбырлап өндәште:
– Миңәме?..
Гөлләмәне күкрәгенә ҡыҫып,
Һәр сәскәһен наҙлап һуланы.
Йыш-йыш күтәрелде ҡалҡыу
түше,
Йөрәккәйе ярһып туланы.
– Рәхмәт, ҡәҙерлем...
Сәскәләрең өсөн...
Ә күҙҙәре йәшкә тулышҡан.
Бына хәҙер-хәҙер сайпыласаҡ
Көрһөнөп алған бер һулыштан.
– Сәскә өсөн илар икән кеше...
Гөлләмә лә булған, ти, бүләк.
Ҡалаға ни, йыш йөрөп торам бит,
Тағы алырмын.
Тыныслан, илаҡ!...

РӘШИТ НАЗАР Фекерҙәр һәм афоризмдар (16.09.2016)
Әҙәбиәт / Шиғырҙар // 20-09-2016, 12:39


РӘШИТ НАЗАР Фекерҙәр һәм афоризмдар (16.09.2016)
* * *
Ауыр булыр... Тик эйелеп төшөрмө
баш,
Күҙең күккә – бейек, яҡты күккә
баҡҡас!
(“Ауыр булыр...”)....

Ҡаҙаҡтарҙы көлдөрҙөк
Әҙәбиәт / Юмор // 16-09-2016, 11:49


Ҡаҙаҡтарҙы көлдөрҙөк
Башҡорт асыҡ КВН лигаһының йыйылма командаһы егеттәре Астана акимы (мэры) кубогында ҡатнашып ҡайтты. Буш ҡайтманы беҙҙекеләр – махсус призға эйә булдылар.
Хәтерегеҙҙәме икән, августа Ҡаҙағстандың ҠаҙИИТУ командаһы Өфөлә үткән “Йәйге ку­бок”та гран-при яулағайны. Үҙ сиратыбыҙҙа, беҙҙең иң шәп шаяндар Астанаға юлланды. Эйе, эйе, һеҙ дөрөҫ аңланығыҙ, хәҙер башҡорт КВН-ы сит илдәр менән дә бәйләнештә.
Башҡорт асыҡ КВН лигаһы рәйесе Урал Кәримов әйтеүенсә, Астана акимы кубогына ярыш Ҡаҙағстандың баш ҡалаһындағы популяр урында – 1700 тамашасыға иҫәпләнгән концерт майҙанында үткән. Ҡаҙаҡ телендә, әлбиттә. Ә беҙҙең команда мәрәкәләренең 70 процентын ҡаҙаҡса һөйләгән. Тел яҡын, өн әйтелештәре бер үк тиерлек, афарин, егеттәр, аптырап ҡалмағандар. Башҡорт теленә күскәс тә, тамашасылар улар­ҙы ихлас алҡышлаған.
Башҡортостан делегацияһы урындағы мәҙәниәт, көнкүреш ме­нән дә танышҡан, рәхәтләнеп ҡаҙаҡ йыр-бейеүҙәрен тамаша ҡылып, матур ҡаршылауҙары өсөн Ҡа­ҙағстан КВН берлегенә рәхмәт әйтеп ҡайтҡан.
...

РӘШИТ НАЗАР Фекерҙәр һәм афоризмдар (2.09.2016)
Әҙәбиәт / Шиғырҙар // 13-09-2016, 13:22


РӘШИТ НАЗАР Фекерҙәр һәм афоризмдар (2.09.2016)
* * *
Абайлап ат: һүҙ – уҡ! Шул да иҫтә
булһын:
Күккә атҡан уҡ та ергә тейә, дуҫым.
(“Ике юллыҡтар”).
...

Ғәлиә КӘЛИМУЛЛИНА-ФӘЙЗУЛЛИНА: “Һыҙылыуын тойҙом йәнемдең”
Әҙәбиәт / Шиғырҙар // 9-09-2016, 17:00


Ғәлиә КӘЛИМУЛЛИНА-ФӘЙЗУЛЛИНА: “Һыҙылыуын тойҙом йәнемдең”Ишембай районының Иҫәкәй ауылында тыуып үҫкән. Башҡорт дәүләт университетын тамамлап, әлеге ваҡытта Ишембай ҡалаһындағы Әхмәтзәки Вәлиди исемендәге башҡорт гимназия - интернатында башҡорт теле һәм әҙәбиәте уҡытыусыһы булып эшләй. Яҙыусылар союзы ағзаһы, ике китап авторы. Ире менән ике бала тәрбиәләй....

Лидерҙар миҫалында ғына лидерҙар тәрбиәләнә
Әҙәбиәт // 9-09-2016, 13:33


Лидерҙар миҫалында ғына  лидерҙар тәрбиәләнәРәшит Зәйнуллиндың яҙмалары илебеҙҙә һәр кемде борсоған мәсьәләләргә һәм көнүҙәк хәстәр-уйҙарға арналған. Ул үҙен күптән ҡыйыу фекерләгән һәм етди темаларҙы күтәргән журналист, шул уҡ ваҡытта илһамланып ижад иткән шағир булараҡ танытты. Бөгөн “Шоңҡар” журналында өлкән мөхәррир булып эшләгән башҡорт егете менән заман журналистикаһы, һүҙ көсө, ижад һәм хәҙерге йәштәр тураһында һүҙ йөрөттөк.

...

Таңһылыу Ҡарамышева: “Өләшәмен дуҫтарыма Кәрәҙле йөрәгемде”
Әҙәбиәт / Шиғырҙар // 7-09-2016, 15:05


Таңһылыу Ҡарамышева: “Өләшәмен дуҫтарыма Кәрәҙле йөрәгемде” Шағирә, Башҡортостан Республикаһының атҡаҙанған мәҙәниәт хеҙмәткәре Таңһылыу Ҡарамышеваның “Көҙ йәйе” исемле яңы шиғыр китабы донъя күрҙе. Ошо уңай менән иғтибарығыҙға уның бер шәлкем шиғырын тәҡдим итәбеҙ....

Рәми ҒАРИПОВ Фекерҙәр һәм афоризмдар (2.09.2016)
Әҙәбиәт / Шиғырҙар // 5-09-2016, 17:17


Рәми ҒАРИПОВ Фекерҙәр һәм афоризмдар (2.09.2016)
* * *
Яңғыҙ йылға, күпме ярһымаһын,
Ҡушылмаһа уға иштәре,
Һаҙамыҡҡа ҡойоп, юлын ослай,
Түңгәктәргә күмә эштәрен.
(Автографтан. 10. X. 1974)....


  • “Уның үлемен теләп йәшәнем...”
  • Еҙнәм инең (хикәйә)
  • “Кеше үлемендә минең дә ғәйебем бар...”
  • Мин һәр саҡ табип хатаһы ебәреүҙән ҡурҡа инем...
  • Үәт, ҡыҙыҡ! (17.11.2017)
  • Үәт, ҡыҙыҡ! (24.11.2017)
  • Татлы һөйөүҙән кем туйған?
  • ҺАБАҠ (хикәйә)
  • Мәүлит байрамы мөбәрәк булһын!
  • Бүләктәр – өлөшлөләргә!



  • Радио Юлдаш FM