НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » Лотерея билеты

Лотерея билеты


(Юмореска)

Сәниф менән Сә­мих – йән дуҫтар, етмәһә, күр­шеләр ҙә. Бер урамда уйнап, бер колонканың һыуын эсеп үҫтеләр. Бағанай менән Кәтүк кеүек айырылғыһыҙ ике дуҫ мәктәптә, унан һуң училищела шоферға уҡы­ны. Бер аҙ колхозда эшләп алырға ла өлгөрҙөләр. Унан һуң – әрме. Икеһе лә сит илгә эләкте. Береһе – Поль­шала, икенсеһе Германияла хеҙмәт итте. Ҡайтҡас, эшкә урынлашып, бер үк ваҡытта өйләнеп, матур ғына донъя ҡороп ебәрҙеләр. Сәнифкә кәләше ҡыҙ бүләк итте, ә Сәмих бәхетенә малай тыуҙы. Күршеләр ауыл тормо­шо­ноң бөтә мәшәҡәтенә күмелеп, яй ғына йәшәй бирҙе. Аш-һыу, һуғым булһа, бер-береһен саҡырышып, күптән туғанлашып бөттөләр тиһәм, хата булмаҫ.
Бер ваҡыт дуҫтарҙың юлы район үҙәгенә төштө. Булған эштәрен барлағас, йомоштарын йомошлағас, ҡайтыр яҡҡа сыҡҡанда сауҙа үҙәгенә инеп бер яр­ты алдылар. Бер аҙ атлағас, бы­уа быуырлыҡ сират күҙҙәренә салынды. Бында “Русское лото” лотереяһы һаталар икән. Дуҫтар бәхеттәрен һынап ҡарау өсөн сиратҡа баҫты. Ләкин билет Сәмихкә генә эләкте. Һуңғы билет булды.
Билетты ҡарар алдынан йөҙәр грамм һалырға булдылар. Парк­тағы беседкаға ултырып, кеҫәләге “Урман һылыуы”н асты­лар. Бер стаканды “дөңкөгәс”, Сәмихтең теле асылды.
– Был билетҡа машина сығыр, моғайын, күңелем һиҙә, – тине, ҡаштарын уйнатып. – Машинаны алып ҡайтһам, билләһи, иң бе­ренсе ҡатынымды ултыртып йөрөтәсәкмен...
– Ә ниңә мин иң беренсе түгел? Беҙ бит бала саҡтан уҡ дуҫтар, һуңынан ғына ҡатының булды. Мин ултырырға тейеш беренсе булып машинаға, – тип ризаһыҙлыҡ белдерҙе Сәниф.
– Юҡ, юҡ. Башта ҡатынымды йөрөтәм. Ә-ә-ә, минең улым да бар бит. Нәсих – икенсе. Һин, Сәниф ҡорҙаш, өсөнсө генә икән, – тине Сәмих, үҙ һүҙен һүҙ итергә тырышып.
Бәхәсләшә торғас, шешәне бушатып бөттөләр.
– Барыбер мин беренсе ултырасаҡмын, – Сәниф ауылдашының күҙ төбөнә ҡундырҙы. Сәмих тә яуап­һыҙ ҡалманы. Улар паркта туҙан туҙҙырып һуғышҡанда, полиция хеҙмәткәре килеп етте.
– Нимә булды, иптәштәр, ни өсөн тартҡылашаһығыҙ? – тине лейтенант.
– Ул мине машинаһына ултыртмай, иң яҡын дуҫын, синыфташын, етмәһә, күрше лә, – тине Сәниф, теле телгә йоҡмайынса.
– Тәк-тәк. Бына эләктегеҙ. Ҡайҙа машинағыҙ? Беләһегеҙ бит инде, әфәнделәр, эскән килеш рулгә ултырырға ярамағанлығын. Йә штраф, йә “пра­во”һыҙ ҡалыу...
Участкала уларға тәртип боҙған өсөн штраф сәпәнеләр. Хәл ингәс, әңгәмәләшеп алғас, улар­ҙы сығар­ҙылар.
Ҡайтыр юлға атлағанда Сәмих ҡулдарын кеҫәһенә тыҡты. Булған нәмәһен берәмтекләп тикшерҙе, булғандары урынында ине. Тик лотерея билеты ғына ҡайҙалыр “осҡайны”.

Илбарис СӘЛИМХАН.
Дүртөйлө районы.

Сығыу ваҡыты 10-10-2014, 14:43 | Ҡаранылар: 552
|
  • Ялған саҡырыу йәки Мин нисек ҡатынымды "еңдем"
  • БҮЛӘК
  • Донъя – ҡуласа
  • Һатмайыҡ та, һатып та алмайыҡ!
  • Үәт, ҡыҙыҡ!
  • Информация

    Комментировать статьи на сайте возможно только в течении 4 дней со дня публикации.


    Борьба с коррупцией

    [/aviable]

  • Һуңлап килгән аҡыл
  • Ҡолаҡ һал!
  • Үәт, ҡыҙыҡ! (14.09.2018)
  • Таңым нуры инең
  • Тәүге һөйөү шундай ҡыҫҡа булды
  • «Уҡыусың рәхмәтле булһын»
  • «Салауат Юлаев» - «Локомотив»! Кем-кемде?
  • Тормош үҙе йәшәргә өйрәтә
  • Үәт, ҡыҙыҡ! (31.08.2018)
  • Ылау (Хикәйә)



  • Радио Юлдаш FM