RSS-подписка facebook facebook Вконтакте Вконтакте

07.02.2014 "Наркоман"

Яңы йорт төҙөйбөҙ. Өмәгә туғандарым, ҡоҙаларым йыйылды, күмәкләшеп өй башын ябалар. Кискеһен Салауат ағай ҡунаҡҡа саҡырҙы. Эшселәрем ҡайтыуға мунса яғып ҡуйғайным. Тиҙ генә мунса инделәр ҙә, барыбыҙ ҙа ҡунаҡҡа йыйына башланыҡ. Тик Миҙхәт ҡоҙа, мин бармайым, башым ауыртып тора, тип ҡалды. Мин, ҡоҙа, һин бикләнеп ултыр, эскеселәр, наркомандар менән донъя тулған, бер кешегә лә ишекте асаһы булма, тип әйттем. Ул беҙҙең арттан ишекте бикләп ҡалды.
Ҡунаҡтан ҡайтыуыбыҙға, Миҙхәт ҡоҙа былай тип һөйләне: “Бер ваҡыт телевизор ҡарап ултырһам, кемдер ишек шаҡый. Мин урынымдан ҡуҙғалмай ҙа ултырам. Бер аҙҙан тәҙрәне туҡылдата башланылар, һис тә иҫем китмәй, телевизор ҡарауымды дауам итәм. Шаҡыу көсәйгәндән-көсәйә бара. Түҙмәй, тәҙрә янына барҙым һәм ҡорғанды асып ҡараным. Ни күрәм, үзбәктеке кеүек оҙон халат кейгән, башына сәллә ураған берәү баҫып тора. Үҙе йылмая, миңә ишекте асырға ымлай. Уға оҙаҡ ҡына ҡарап торҙом. Алкаштарҙы күп күргән бар, был эскесегә оҡшамаған, наркоман тигәндәре ошолай булалыр, өҫ-баштары, кейемдәре ҡалай ҡыҙыҡ икән, тип уйланым. Теге һаман миңә ишек асырға ҡуша. Тегенең әрһеҙлегенә аптырап торғанда, “наркоман”дың һинең улың икәнлеген аңлап ҡалдым. Урамда эңер төшкән, сәллә тигәнем таҫтамал булып сыҡты”. Радик улым мунсаға инһә, оҙаҡ итеп сабынырға ярата. Ә мин ҡунаҡҡа ҡабаланып, уның мунсаға киткәнен ҡоҙаға әйтергә онотҡанмын.

Дәмилә КИЛСЕНБАЕВА.
Мәләүез ҡалаһы.







Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Үәт, ҡыҙыҡ! (7.12.2018)

10.12.2018 - Әҙәбиәт Үәт, ҡыҙыҡ! (7.12.2018)


ЗӘҢГӘР ТРАКТОР

09.12.2018 - Әҙәбиәт ЗӘҢГӘР ТРАКТОР


Үәт, ҡыҙыҡ! (30.11.2018)

04.12.2018 - Әҙәбиәт Үәт, ҡыҙыҡ! (30.11.2018)


Һуңғы хат

01.12.2018 - Әҙәбиәт Һуңғы хат


Үәт, ҡыҙыҡ! (23.11.2018)

27.11.2018 - Әҙәбиәт Үәт, ҡыҙыҡ! (23.11.2018)


Үәт, ҡыҙыҡ! (16.11.2018)

21.11.2018 - Әҙәбиәт Үәт, ҡыҙыҡ! (16.11.2018)


Үәт, ҡыҙыҡ! 9.11.2018)

16.11.2018 - Әҙәбиәт Үәт, ҡыҙыҡ! 9.11.2018)