07.09.2012 Динис Бүләковтың романдары ТөрөкСӘгә тәржемә ителде

Арабыҙҙан бик иртә киткән, күптәрҙең яратҡан яҙыусыһы булған Динис Бүләковтың «Ғүмер бер генә», «Килмешәк» исемле романдары Төркиәлә нәшер ителгән.
Яҙыусының «ҡыңғырау сәскә», «Һары һандуғас бала­һы», «Иң оҙон төн», «Туҙҙы­рылған тамуҡ» повесть һәм романдарын уҡыусылар бик йылы ҡабул итте, яратып уҡыны һәм уҡый. Гражданлыҡ, ғәҙеллек, әхлаҡлылыҡ, кешенең рухи тамырҙары идеялары менән һуғарылған «Ғүмер бер генә» әҫәре өсөн Динис Мөҙә­рис улы Бүләков 1993 йылда Салауат Юлаев исемендәге дәүләт премияһы менән бүләкләнде. Яҙыусының ки­тап­тарының төрөк телендә баҫылыуы хаҡында БР Мәҙәниәт министрлығының халыҡ-ара ТӨРКСОЙ ойошмаһындағы вәкиле Әхәт Сәлихов хәбәр итте.
Динис Бүләковтың ижады Төркиәнең Гази университеты уҡытыусыһы, филология фәндәре докторы Нигяр ҡал­ҡандың докторлыҡ диссертацияһы өсөн тема итеп һайлан­ған булған. Һөҙөмтәлә был ике романдың стилистикаһы, семантикаһы тикшерелгән ваҡытта улар төрөк теленә тәржемә ителгән.
Романдар Анкараның Эти­месгут районы хакимиәте, «Бенгю» Евразия Яҙыусылар союзы һәм ТӨРКСОЙ халыҡ-ара төрки мәҙәниәте ойошмаһы менән берлектә нәшер ителгән.

Л. ТАШБУЛАТОВА.