НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Рима НОҒОМАНОВА: «Кешеләр күңеленә әҙ генә булһа ла матурлыҡ осҡондарын һалғым килә»
Конкурстар // 22-03-2011, 11:02


Рима НОҒОМАНОВА: «Кешеләр күңеленә әҙ генә булһа ла матурлыҡ осҡондарын һалғым килә»Гүзәл тәбиғәтле, таланттарға бай Баймаҡ районының Аҡтау ауылы ҡыҙы Рима Ноғоманова булам. Миңә 22 йәш. Бәләкәй саҡтан йырларға, бейергә, бешеренергә яратам. Стәрлетамаҡ мәҙәниәт техникумының актерҙар бүлеген тамамлағандан һуң Заһир Исмәғилев исемендәге Өфө дәүләт сәнғәт академияһына ситтән тороп уҡырға индем. Хыялым – уҡыуымды уңышлы тамамлап, тыуған республикамдың мәҙәниәтен үҫтереүгә бәләкәй генә булһа ла үҙ өлөшөмдө индереү.
Кешеләрҙең ябай, ихлас, ярҙамсыл булғанын яратам. Ҡайһы бер йәштәребеҙҙең эскелеккә бирелеп, үҙ-үҙҙәрен юҡҡа сығарыуын күреп, йөрәгем әрней. Уларҙың бөтәһенең дә күңелдәренә әҙ генә булһа ла матурлыҡҡа һөйөү тыуҙырырлыҡ осҡон һалғым килә....

Икенсе тайм тамам, һуңғыһына әҙерһегеҙме?
Конкурстар // 19-03-2011, 14:14


Шулай итеп, хоккей һөйөүселәребеҙ өсөн ойошторолған викторинаның икенсе таймына ла һығымта яһарға ваҡыт етте. Нисауа, был юлы гәзит уҡыусыларыбыҙҙың әүҙемлеге бер аҙ кәмей төшһә лә, уҙған, йәғни беренсе тайм ҡатнашыусыларының барыһы ла тиерлек яуап ебәргән. Сөнки еңеүселәребеҙ ошо өс тайм һөҙөмтәләре буйынса билдәләнәсәк. Икенсе тайм һорауҙарына тулыһынса дөрөҫ итеп өс уҡыусыбыҙ яуап биргән – Өфө ҡалаһынан Динара Дилмөхәмәтова-Ғәйнет­динова, Хәйбулла районының Байғусҡар ауылынан студент Фәнил Торомтаев һәм Бөрйән районының Нәби ауылынан Айсар Нәбиуллин. Ҡырмыҫҡалы районының Яңы Ҡыйышҡы ауылынан Гөлнур Ҡолшәрипованы ла улар араһына индерергә булыр ине. Әммә һуңғы һорауҙы аңламағанмы икән, ул, хоккей менән 7 – 8 йәштән махсус хоккей мәктәптәрендә шөғөлләнә башлайҙар, тигән. Дөрөҫ кеүек, тик һүҙ унда тарихы тураһында бара. Тимәк, яуап: хоккейҙы, спорт төрө булараҡ, Канадала үҙләштерә башлайҙар. Тәүге рәсми уйын 1875 йылда уҙғарыла....

Гөлсәсәк АҠЫЛОВА: «Бары тик «алға» ғына»
Конкурстар // 15-03-2011, 13:37


Гөлсәсәк АҠЫЛОВА: «Бары тик «алға» ғына»Мин Башҡортостандың иң матур төбәктәренең береһе – Хәйбулла районының Әбүбәкер ауылында ерҙе ап-аҡ ҡар ҡаплағанда, ата-әсәйемде ҡыуандырып, 1992 йылдың 1 декабрендә Уҡсы йондоҙлоғо аҫтында донъяға килгәнмен.
Бала саҡтан йыр-моңға, бейеүгә маһир булдым. Н. Мусиндың, З. Биишеваның, Д. Бүләковтың әҫәрҙәрен яратып уҡыйым. Күңелемдә булған хис-тойғоларымды шиғыр юлдарына һалам. Әлеге ваҡытта Башҡорт дәүләт университетында 1-се курс­та белем алам. Ҡул ҡаушырып ултырырға яратмайым. Бейеү түңәрәгенә йөрөйөм, китаптар уҡыйым. Был донъяның һәр минутының ҡәҙерен белеп йәшәргә тырышам. Саф күңелле, алсаҡ, мөләйем кешеләрҙе яратам. Киләсәккә маҡсаттарым күп. Теләгем – төплө белем алып, республикама файҙалы кеше булыу....

Ҡышһылыу билдәләнде, Яҙһылыуҙарҙы көтөп ҡалабыҙ
Конкурстар // 15-03-2011, 13:35


Ҡышһылыу билдәләнде, Яҙһылыуҙарҙы көтөп ҡалабыҙ«Йәшлек» гәзите Ҡышһылыуҙы билдәләр өсөн «Вконтакте» сайтында үҙенең төркөмөн булдырғайны. Ул http://vkontakte.ru/club24213300 адресы буйынса урынлашҡан. Ҡышһылыу исеменә дәғүә итеүсе дүрт һылыуҡай – Луиза Хәлфетдинова, Луиза Зәкирйәнова, Гөлнара Сабитова һәм Айгөл Вәлитова өсөн тауыш бирергә була ине унда. Тауыш биреүгә ихлас ҡушылыуығыҙ өсөн рәхмәт. Һеҙҙең фекерҙе белеү беҙҙең өсөн бик мөһим. Шулай итеп, иң күп тауыш йыйыусылар Луиза Зәкирйәнова менән Айгөл Вәлитова булып сыҡты. Редакция хеҙмәткәрҙәре менән кәңәшләшкәндән һуң, Ҡышһылыу титулын Айгөл Вәлитоваға бирергә булдыҡ. Ҡышһылыу, Яҙһылыу, Йәйһылыу, Көҙһылыу «Йәшлек» гүзәле – 2011» исеме өсөн көрәшен дауам итәсәк. Ә әлегә Яҙһылыу исеменә конкурс башланды. Ситтә ҡалмағыҙ, ҡыҙҙар!
Яҙһылыу исеменә тәүге конкурсантыбыҙҙы тәҡдим итәбеҙ....

Тәрбиәсе яҡты ҡояш кеүек, күңелеңде наҙлап йылыта
Конкурстар // 15-03-2011, 13:05


Тәрбиәсе яҡты ҡояш кеүек, күңелеңде наҙлап йылытаБалалар йортона барған һайын күңелде төрлө уйҙар биләп ала. Төрлө сәбәптәр буйынса ошо йортҡа эләккән балалар яҙмышы уйға һала. Ғөмүмән, был йортҡа бер кем дә тыныс ҡына аяҡ баҫа алмайҙыр ул. Шәһит Хоҙайбирҙин исемендәге 1-се республика башҡорт балалар йортонда үткән «Иң яҡшы балалар йорто педагогы» конкурсына барғанда ла күңелде балалар һәм унда эшләүсе тәрбиәселәр тураһындағы уйҙар баҫты.
Үҙем дә ҡасандыр балалар йортонда тәрбиәсе булып эшләгәнлектән, был учреждениеның эске тормошон, тәрбиәсенең эшен дә бик яҡшы аңлайым кеүек. Иң сабыр, иң изге йөрәкле һәм бөтә күңеле менән балаларҙы яратҡан кешеләр генә унда эшләй ала. Ә инде балаларҙың һөйөүен яулап алған тәрбиәселәр менән улар араһында ниндәйҙер туғандарса яҡын мөнәсәбәт урынлаша, иң нескә серҙәрен дә улар ярат­ҡан тәрбиәселәре менән генә уртаҡлаша....

Шаяндар һәм тапҡырҙар көс һынаша
Конкурстар // 12-03-2011, 12:00


10 мартта «Шаяниум – 2011» шаяндар һәм тапҡырҙар конкурсы, йылдағыса, үҙенең һайлап алыу турҙарын башланы. Унда мәктәп уҡыусылары ҡатнаша. Быйыл үҙҙәрен һынап ҡарарға 22 команда теләк белдергән. Конкурстың темаһы – «Берҙәмлектә көс!». Еңеүселәр ошо һүҙҙәрҙең мәғәнәһен тамашасыларына ҡыҙыҡлы ла, көлкөлө лә итеп аңлатып бирә алыуына ҡарап баһаланасаҡ. Уҡыу йорттары сәхнәгә 12 – 15 кешенән торған командаһын сығара.
10 мартта һайлап алыу туры Ғ. Әлмөхәмәтов исемендәге гимназия-интернатта, 11 мартта 84-се татар гимназияһында үтте. Бөгөн – 140-сы башҡорт гимназияһы шаян һәм тапҡыр уҡыу­сыларҙы ҡабул итә, ә 14 мартта ошондай уҡ ярыштар 158-се башҡорт гимназияһында буласаҡ. Иң оҫта, иң шаян, иң тапҡыр командаларҙы күрергә теләүселәр 18 мартта Ҡала мәҙәниәт һарайына финал уйындарына рәхим итһен.
Конкурста «Иң яҡшы ҡатын-ҡыҙ роле», «Иң яҡшы ир-егет роле», «Иң яҡшы көләмәс», «Тамашасы һөйөүе» номинациялары ла билдәләнәсәк....

Айыҡтар сафына баҫығыҙ!
Конкурстар // 12-03-2011, 11:55


Башҡортостанда «Айыҡ ауыл» республика конкурсы старт алды. Уның ниәте изге – республика халҡын айыҡ, сәләмәт тормош алып барыуға әйҙәү, үҫеп килгән быуынды эскелек кеүек афәттән һаҡлап алып ҡалыу.
«Айыҡ ауыл» конкурсында республиканың бөтә ауылдары ла ҡатнаша ала. Ул өс этапта үтәсәк. Әле иң мөһим эштәрҙең береһе – конкурста ҡатнашырға теләүсе ауылдарҙан ғаризалар ҡабул итеү. Ғаризаларҙы 1 апрелгә тиклем бирергә кәрәк. Конкурста ҡатнашырға теләгән ауылдарҙа алкоголь продукцияһының һатылыуы һәм ҡулланылыуы мөмкин булғанса сикләнергә тейеш. Бигерәк тә ял, байрам көндәрендә контроль көсәйтелһен ине. Бындай көндәрҙә клубтарға, дискотекаларға рейдтар эшләү мотлаҡ. Суррогат эсемлектәр, көмөшкә һатыу менән аҡса һуҡҡан «эшҡыуарҙар» менән эш алып барыу, хатта көрәшеү ҙә планда булырға тейеш. Шулай уҡ конкурста ҡатнашҡан ауылдарҙа ошо темаға баннерҙар эленеп тороуы ла эскелеккә ҡаршы кампанияға өлөшөн индерәсәк. Мәктәптәрҙә, клубтарҙа сәләмәт тормошто пропагандалаусы видеофильмдар күрһәтеү, лекциялар ҙа ойошторолһон....

Теле барҙың – иле бар
Конкурстар // 8-03-2011, 08:54


1. Түбәндәге юлдарҙың авторы...
Көйөндөрә, һөйөндөрә
һәр һүҙ,
Һәр һүҙ ала минең
йоҡоно.
Уны әйткән елдәй үтеп
китә,
Тик күңелдә ҡала
тулҡыны....

Айгөл Вәлитова: «Нимә генә булмаһын, барыһы ла яҡшыға!»
Конкурстар // 1-03-2011, 11:48


Айгөл Вәлитова: «Нимә генә булмаһын, барыһы ла яҡшыға!»Гүзәл тәбиғәтле Мәләүез һылыуы Айгөл Вәлитова булам. Бынан 21 йыл элек Ҡуҙы йондоҙлоғо аҫтында донъяға килгәнмен. Мәктәптә бөтөн фәндәрҙе лә берҙәй яратһам да, теүәл фәндәр күңелемә яҡыныраҡ булды. Иҡтисадсы булыу теләге Башҡорт дәүләт аграр университетына алып килде лә инде. Әле 4-се курста уҡып йөрөйөм.
Заман менән бергә атларға, һәр саҡ алдынғылар рәтендә булырға ынтылам. Был донъяла бер генә йәшәйбеҙ, шуға ла һәр ергә өлгөрөргә тырышам. Тормошҡа оптимистарса ҡарайым, шулай ҙа күңелем тулып киткәндә йырлайым, был минең рухи донъямды байыта. Спорт яратам, еңел атлетика менән шөғөлләнәм. Хыялдарым да бик күп. Шуларҙың иң мөһиме – үҙ һөнәремдең алдынғы белгесе булып, республикама, халҡыма намыҫлы хеҙмәт итеү. Халҡымдың ғөрөф-ғәҙәттәрен киләсәк быуынға еткереүҙе лә маҡсат итеп ҡуйҙым....

Тауыш бирегеҙ: Ҡышһылыуҙы бергәләп һайлайыҡ!
Конкурстар // 1-03-2011, 11:47


Ҡыш гүзәлдәре гәзитебеҙ биттәрендә үҙ урындарын тапты. Хәҙер улар һеҙҙең тауыш биреүҙе көтә. Тауыш биреү vkontakte.ru сайтында бара. Унда «Йәшлек» гүзәле» исемле махсус төркөм ойошторолған. Тауыш бирергә теләүселәр ошо адрес буйынса унда инә алалар. Ҡышһылыуҙы билдәләр өсөн ике генә аҙна ваҡыт бирелә, күңелегеҙгә хуш килгән һылыуҡай өсөн тауыш биреп ҡалығыҙ.
Ә бәйгелә ҡатнашырға теләүсе һылыу­ҡайҙар иҫенә шарттарҙы тағы бер тапҡыр төшөрөп үтәбеҙ. Конвертҡа матур, йөҙөгөҙ, буй-һынығыҙ асыҡ сағылған фотоны, гәзитебеҙгә 2011 йылдың тәүге ярты йыллығына яҙылыу тураһындағы квитанцияның күсермәһен һәм үҙегеҙ тураһында ҡыҫҡаса, әммә йөкмәткеле итеп яҙылған мәғлүмәтте һалып ебәрегеҙ. Һеҙҙән әүҙемлек талап ителә – матур тормош девизығыҙ, нимә яратыуығыҙ, нимә менән шөғөлләнеүегеҙ тураһында яҙыу өсөн бөтә фантазияғыҙҙы эшкә екһәгеҙ ҙә була, бәлки, кемдер үҙе тураһында шиғыр юлдары менән дә әйтеп бирер.
Яҙһылыу титулы өсөн бәйге башланды!...


  • “Уның үлемен теләп йәшәнем...”
  • Еҙнәм инең (хикәйә)
  • “Кеше үлемендә минең дә ғәйебем бар...”
  • Мин һәр саҡ табип хатаһы ебәреүҙән ҡурҡа инем...
  • Үәт, ҡыҙыҡ! (17.11.2017)
  • Татлы һөйөүҙән кем туйған?
  • ҺАБАҠ (хикәйә)
  • Үәт, ҡыҙыҡ! (24.11.2017)
  • Мәүлит байрамы мөбәрәк булһын!
  • Бүләктәр – өлөшлөләргә!



  • Радио Юлдаш FM