НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Егеттәр һәм ҡыҙҙар! Үҙегеҙҙе һынап ҡарағыҙ!
Объявления / Булат Солтангәрәев исемендәге республика премияһы // 19-12-2017, 09:58


Егеттәр һәм ҡыҙҙар! Үҙегеҙҙе һынап ҡарағыҙ!“Йәшлек” гәзите Булат Солтангәрәев исемендәге республика уҡыусылар премияһына ижади конкурсты асыҡ тип иғлан итә!

Рәсәй Журналистар союзының “Бөтә Рәсәй – 2015” XIX матбуғат фестивале лауреаты, Булат Солтангәрәев исемендәге республика уҡыусылар премияһына ижади конкурс дүртенсегә үткәрелә....

Алина ӘБҮЗӘРОВА.
Конкурстар / Йәшлек гүзәле // 8-12-2017, 11:42


Алина ӘБҮЗӘРОВА.
1993 йылдың 10 авгусында Ғафури районының Ташаҫты ауылында тыуғанмын.
Әлеге ваҡытта Башҡорт дәүләт университетының рус филологияһы факультеты магистратураһында белем алам.
Мин үҙемде донъяға ғашиҡ ҡыҙ тип һанайым. Һәр атҡан таңға ҡыуанам, йылдың һәр миҙгелен яратам. Тәбиғәт балаһымын, әле ҡалала йәшәһәм дә, тыуған ауылыма ҡайтып, йәшәргә дәрт, илһам алып киләм. Күңелем тулһа, шиғыр ҙа яҙам, тип уларҙы бер кемгә лә күрһәткәнем юҡ.
Гәзит уҡыусыларға Аллаһы Тәғәлә биргән ошондай йәмле тормоштоң һәр көнөн яратып, һәр минутын файҙалы үткәреүҙәрен, рәхмәтле булып йәшәүҙәрен теләйем!...

ГӨЛДӘР РАХМАНҒОЛОВА.
Конкурстар / Йәшлек гүзәле // 27-11-2017, 15:54


ГӨЛДӘР РАХМАНҒОЛОВА.
“Көтмәгәндә шундай ҡыҙҙар осрай,
Шундай ҡыҙҙар – ят та үл инде!..
Ниҙәр уйлап, ниҙәр кисергәнде
Үҙең күр ҙә, үҙең бел инде...”
Мәшһүр Рәмиебеҙҙең был шиғри юлдары минең ҡыҙым – Баймаҡ районының Сәйғәфәр ауылында йәшәүсе Гөлдәр Рахманғоловаға ҡарата әйтелгән кеүек.
Балалар баҡсаһына йөрөгәндә лә ул ҙур аҡ бантиктар тағып, ҡупшы күлдәк, туфлиҙар кейеп, осраған кешеләрҙән ҡысҡырып һаулыҡ һорашып, йырлай-йырлай ҡайта торғайны. Инәй, олатайҙары уға: “Аҡыллы, тәүфиҡлы ғына бала булып үҫ”, – тиер ине. Ҡыҙым уларҙың һүҙен иҫендә тотоп үҫте. Мәктәптә яҡшы уҡыны, төрлө сарала, олимпиадаларҙа әүҙем ҡатнашты, йыр буйынса конкурстар­ҙа урындар ала торғайны. Уҡытыусылар ҙа көләкәс, аралашыусан, үткер ҡыҙға һәр саҡ уңыш юлдаш булыуына, алдына ҡуйған маҡсаттарына ирешәсәгенә, теләгән һөнәренә эйә булырына һис шикләнмәне.
Гөлдәрҙә башҡорт ҡыҙҙарына ғына хас булған тыйнаҡлыҡ та, күркәмлек тә бар. Оҙон сәстәрен икегә үреп, йылмайып ебәрһә, сикәһендәге соҡорҙары уны тағы ла матурайта.
Әле ҡыҙым Сибай медицина колледжында уҡый. Йәмәғәт тормошонда ла һынатмай, йыр-бейеүгә оҫта Гөлдәр мәҙәни сараларҙың урта­һында ҡайнай.
Баҫҡан ерендә ялҡын уйнатҡан, һәр кемгә ихлас йылмайыуын йәлләмәгән, бәләкәстән табип булырға хыялланған ҡыҙымдың кешеләрҙең тәнен генә түгел, күңелен дә дауалай алырына иманым камил.

Әсәһе Сәүиә.
...

Сәлимә ӘХМӘРОВА.
Конкурстар / Йәшлек гүзәле // 20-11-2017, 10:48


Сәлимә ӘХМӘРОВА. Үҫәргән һылыуымын, йәмле Ейәнсура районында тыуып үҫтем. Әлеге ваҡытта Күмертау ҡалаһының 3-сө башҡорт республика гимназия-интернатының 11-се класында белем алам.
Бәләкәй саҡтан йыр-бейеүгә ғашиҡмын. Гимназиябыҙҙың "Аҡсарлаҡ" бейеү ансамблендә сығыш яһайым.
Кешенең ҡиәфәте генә түгел, ә эске донъяһы ла матур булырға тейеш. Шуға күрә бөтә яҡлап үҫешергә тырышам. Ки­тап уҡыу, фотоға төшөрөү, ҡул эштәре менән булышыу, аш-һыу бе­шереү яратҡан шөғөл­дәремә әүерелде. "Көйөргәҙе һылыуҡайы – 2016" район гүзәллек конкурсында 1-се урын яулау мине ҡанатландырҙы, яңы мөмкинлектәр асты.
Киләсәккә хыялым – матур ғаилә ҡороу....

Дилә ИШБАЕВА.
Конкурстар / Йәшлек гүзәле // 3-11-2017, 11:40


Дилә ИШБАЕВА.1998 йылдың 12 ғинуарында Бөрйән районында тыуғанмын. Әлеге ваҡытта Башҡорт дәүләт медицина университетының 3-сө курсында уҡыйым. Быйыл “Мисс Фармация – 2017” тип аталған II Бөтә Рәсәй конкурсында ҡатнашып, “Беренсе вице-мисс Фармация” исеменә лайыҡ булдым.
Бейергә яратам. Өлгөлө “Ялҡын” ансамблендә сығыш яһаным, хәҙер ҙә яратҡан шөғөлөмдән айырылмайым.
Маҡсатым – уҡыуымды яҡшы тамамлап, татыу ғаилә ҡороу....

Таңсулпан ИБРАҺИМОВА.
Конкурстар / Йәшлек гүзәле // 23-10-2017, 12:38


Таңсулпан ИБРАҺИМОВА.“Хаталар ҙа булыр тормошоңда, тик тормошоң хата булмаһын!”
Бөйөк шағир Рәми Ғариповтың был һүҙҙәре тормош девизыма әүерелгән. Миңә 21 йәш. Йәмле Бөрйән районының Аҫҡар ауылында тыуғанмын. БДУ-ның Бөрө филиалында 5-се курста белем алам. Шулай уҡ вуздың өҫтәмә белем биреү бүлегендә туризм эшмәкәрлеге һөнәрен үҙләштерәм.
Бала саҡтан шиғырҙар ижад итәм, китап уҡырға яратам, ғөмүмән, әҙәбиәткә мөкиббән ғашиҡмын. Мәктәп йылдарында әүҙем яҙышҡаным өсөн “Йәншишмә” гәзитенең йәш хәбәрсеһе” исеменә лайыҡ булдым. Яратҡан гәзитемә һөнәр һайлағанда этәргес көс булғаны өсөн ҙур рәхмәт. Ғилми-ғәмәли конференцияларҙа ҡатнашам, тормош уртаһында ҡайнап йәшәргә тырышам.
Хәҙерге ваҡытта мине бигерәк тә тел мәсьәләһе борсой. Халҡыбыҙға: “Ғәзиз телебеҙҙе һаҡлайыҡ, рухыбыҙға саң ҡундырмайыҡ”, – тип әйткем килә. Ярты юлда туҡтап ҡалмаған, маҡсатҡа ынтылыусан кешеләр минең өсөн һәр саҡ өлгө булып тора....

Розалина ИБРАҺИМОВА.
Конкурстар / Йәшлек гүзәле // 18-10-2017, 13:11


Розалина ИБРАҺИМОВА.Көйөргәҙе районының йәмле Ҡотлоюл ауылында тыуып үҫтем. Бәләкәй саҡтан башҡортса әкиәттәр уҡырға, йырҙар тыңларға, бейергә яраттым. Милли рухта тәрбиәләгәндәре өсөн атай-әсәйемә рәхмәтлемен.
Әлеге көндә миңә 16 йәш. Күмертау ҡалаһының 3-сө башҡорт республика гимназия-интернатының 10-сы класында белем алам. Ғилми эҙләнеү эштәрендә һәм олимпиадаларҙа ҡатнашам, шуның өсөн яңыраҡ Ҡара диңгеҙ буйындағы “Артек” лагерына ял итеүгә юллама бүләк иттеләр.
Гимназияның “Аҡсарлаҡ” ансамблендә бейейем, ҡыҙҙар командаһында волейбол уйнайым. Көйөргәҙе районы һәм Күмертау ҡалаһының “Юшатыр” гәзитенә яҙышам, унда шиғыр-мәҡәләләрем сығып тора. Быйыл район кимәлендә үткән “Һылыуҡай” конкурсында гран-при яуланым.
Киләсәктә үҙ халҡыма, республикама кәрәкле кеше булырға, матур ғаилә ҡорорға хыялланам....

Ләйсән Әбүзәрова.
Конкурстар / Йәшлек гүзәле // 6-10-2017, 11:07


Ләйсән Әбүзәрова.Фотоһүрәттәге һылыу – Ғафури районының Ташаҫты ауылы ҡыҙы. Бала сағын сылтырап аҡҡан Еҙем буйҙарында үткәргән.
Ләйсән тәбиғәткә ғашиҡ, уны һаҡлау һәм яҡлау өсөн барыһын да эшләй. Бәләкәйҙән дуҫ-иптәштәрен йыйып, һыу буйҙарын, урман-ҡырҙарҙы сүп-сарҙан таҙартырға алып сыҡҡан. Был изге эште әле булһа ла дауам итә. «Тәбиғәт – ул беҙҙең икенсе йортобоҙ, күңел көҙгөбөҙ. Һин уға ҡарата ниндәй мөнәсәбәттә булһаң, ул да һиңә шулай яуап ҡайтара», – ти Ләйсән.
Изге йөрәкле, кешелекле, күңелендә кер йөрөтмәгән ҡыҙ һәр яҡлап та камил. Әле Ләйсән, әсәһенән күреп, дин менән ҡыҙыҡһына, хәҙистәр ятлай.
Буласаҡ һөнәрен дә кешегә ярҙам итеү, изгелек ҡылыу маҡсаты менән һайлаған. Әлеге көндә Стәрлетамаҡ ҡалаһындағы медицина колледжының 2-се курсында белем ала.

Алина ӘБҮЗӘРОВА....

Айгөл РАХМАНҒОЛОВА
Конкурстар / Йәшлек гүзәле // 25-09-2017, 10:59


Айгөл РАХМАНҒОЛОВА20 йәштә. Баймаҡ районының Үрге Яйыҡбай ауылында тыуып үҫкән.
Әле Магнитогорск дәүләт техник университетында дүртенсе курста уҡый, буласаҡ һөнәре – химик-технолог. Шулай уҡ инглиз телен өйрәнә, һүрәт төшөрөргә ярата.
Киләсәктә бәхетле булырға, матур ғаилә ҡорорға теләй....


  • Ҡолаҡ һал!
  • Йондоҙнамә (9-15 июль)
  • Олатай иҫтәлеге
  • Бейей-бейей оҫтарған
  • Оҙаҡ йәшәүҙең туғыҙ сере
  • Тыңлауһыҙ ҡыҙ
  • "Йондоҙло табын" - Гөлмирә Исмәғилева
  • Ашыҡтырма, яҙмыш...
  • «Өнһөҙ һуғыш»ты оҙаҡҡа һуҙмағыҙ
  • Мәңге йәш булыу сере



  • Радио Юлдаш FM