НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Венера ҒӘЙЕТОВА
Объявления / Йәшлек гүзәле // 19-03-2018, 10:27


Венера ҒӘЙЕТОВА
Баш ҡалабыҙ Өфөлә тыуып үҫһәм дә, бар булмышым менән үҙемде Дим буйы һылыуы тип хис итәм. Бала һәм үҫмер сағымдың иң сағыу минуттары шунда, Миәкә районының Йәнәби ауылында, үтте. Ил инәһе, тәрән аҡыллы, күпте күргән Зәйтүнә өләсәйем миңә бәләкәйҙән үк доғалар ятлатып, яҡшыны ямандан айырыр­ға, ғәҙел, кешелекле, сабыр, намыҫлы, эшһөйәр булырға, тормоштоң әсеһен-сөсөһөн ғорур тороп ҡаршы алырға өйрәтте. Әсәйем иһә ҡатын-ҡыҙҙан да көслө, шул уҡ ваҡытта яғымлы ла, тырыш та зат эйәһе юҡ икәнен күрһәтте. Ошо ике яҡын кешемә мине көслө рухлы шәхес итеп үҫтергәндәре өсөн рәхмәтлемен....

Эльвина МУСИНА
Объявления / Йәшлек гүзәле // 12-03-2018, 11:00


Эльвина МУСИНА
21 йәштә, Баймаҡ районының Әмин ауылында тыуып үҫкән.
Әле Сибай сәнғәт колледжының театр бүлегендә дүртенсе курста уҡый. “Артист булыу – бала саҡтан килгән хыялым”, – ти үҙе тураһында. Эльвина шулай уҡ бейергә, йырларға ярата, КВН-дарҙа ҡатнаша, спортты үҙ итә.
Киләсәген яратҡан һөнәренә бағышларға теләй. “Ҙур сәхнәләрҙә сығыш яһарға, концерт-фестивалдәрҙә ҡатнашырға, кинола төшөргә хыялланам”, – ти маҡсатына ҡыйыу ынтылыусы ҡыҙ....

Дилә РӘСЕМБӘТОВА
Конкурстар / Йәшлек гүзәле // 26-02-2018, 12:40


Дилә РӘСЕМБӘТОВА
Хәйбулла районының Таналыҡ буйында урынлашҡан Әҙел ауылында тыуғанмын.
Тәүҙә Аҡъярҙың 2-се мәктәбендә уҡыным, аҙаҡ Рәми Ғарипов исемендәге 1-се республика башҡорт гимназия-интернатын тамамланым.
Әле Башҡорт дәүләт педагогия университетының хоҡуҡ һаҡлау эшмәкәрлеге факультетында беренсе курста белем алам.
Мәктәптә уҡығандан алып бейергә яраттым. Унан ҡала, оҡшаған шөғөлөм – прическалар эшләү. Ҡатын-ҡыҙ һәр ваҡытта ла матур, нәзәкәтле, шул уҡ ваҡытта үҙ аллы булырға тейеш, тип иҫәпләйем....

Азалия ӘМИРОВА
Конкурстар / Йәшлек гүзәле // 19-02-2018, 10:27


Азалия ӘМИРОВА
Миңә 16 йәш. Рәми Ғарипов исемендәге 1-се республика башҡорт гимназия-интернатының 11-се класында уҡыйым.
Бәләкәй саҡтан музыка менән ҡыҙыҡһынам, йырларға бик яратам, бейейем. Гимназиябыҙҙың баскетбол буйынса йыйылма командаһында уйнайым, йыл һайын призлы урындар яулайбыҙ.
Тормоштағы маҡсатым – уҡыуҙы уңышлы тамамлап, медицина йүнәлешендә белем алыу. Хыялымды – табип-косметолог һөнәренә эйә булыуҙы тормошҡа ашырырға теләйем. Шулай уҡ апайым, һеңлем һәм әсәйемә терәк булырға, матур, ныҡлы ғаилә ҡорорға ла ниәтләйем....

Регина ӘМИРОВА
Конкурстар / Йәшлек гүзәле // 22-01-2018, 15:00


Регина  ӘМИРОВАМиңә 20 йәш. Өфө ҡалаһында тыуһам да, бала сағым Күгәрсен районының йәмле Теләүембәт ауылында үтте.
Баш ҡаланың 20-се башҡорт ҡала гимназияһын тамамлағандан һуң, Өфө статистика, информатика һәм иҫәпләү техникаһы колледжында бухгалтер-иҡтисадсы һөнәрен алдым. Хәҙер Мифтахетдин Аҡмулла исемендәге Башҡорт дәүләт педагогия университетында уҡыйым һәм бер юлы эшләйем.
Буш ваҡытымда спорт менән шөғөлләнәм. Волейбол, баскетболды үҙ итәм. Йырларға, бейергә лә яратам. Хыялым – үҙ эшемде асыу.

Юлай КӘРИМОВ фотоһы.
...

Ләйсән АҠБАЛИНА
Конкурстар / Йәшлек гүзәле // 15-01-2018, 12:48


Ләйсән АҠБАЛИНА
Сығышым менән Хәйбулла районынанмын. Әлеге ваҡытта Рәми Ғарипов исемендәге республика башҡорт гимназия-интернатында 11-се класта уҡыйым.
Бик күркәм һәм татыу ғаиләлә үҫтем: атай-әсәйем, ике ағайым бар. Әсәйемдән миңә күңел матурлығы, тырышлыҡ күсте, ә атайым рухи байлығы менән уртаҡлашты. Ағайҙарым һәр саҡ янымда, ярҙам итеп торалар.
Атайым гел: "Тырышҡан – ташҡа ҡаҙаҡ ҡаҡҡан", – тип өйрәтә. Шуға күрә бар көсөмдө туплап, ғорур ҡарап алға атлайым, хыялдарымды тормошҡа ашырырға теләйем. Табип булырға ниәтләйем, Мәскәү йәки Ҡазан ҡалаһындағы вузға уҡырға инергә әҙерләнәм. Тырышам, яҡшы билдәләргә генә уҡыйым, төрлө конкурстарҙа ҡатнашам.
Бала саҡтан халыҡ бейеүҙәренә ғашиҡмын. Әле "Аҡйондоҙ" халыҡ бейеүҙәре ансамбле солисымын.
Ваҡыт менән йәнәш атлайым. Барыһына ла өлгөрөргә, һәр саҡ башлаған эшемде аҙағына еткерергә тырышам. Үҙемде төрлө яҡтан асып, артабан үҫешергә һәм алға барырға тип ҡеүәтләйем....

Әлиә Карпочева, 22 йәш.
Конкурстар / Йәшлек гүзәле // 11-01-2018, 13:19


Әлиә Карпочева, 22 йәш.
Ишембай районының Йәнырыҫ ауылында тыуып үҫкән. 2013 йылда Волга буйы федераль округының Рәсәй Геройы А. Доставалов исемендәге Башҡорт кадет корпусын тамамлап, медицина колледжында фельдшер һөнәрен алған. Хәҙер ашығыс медицина ярҙамында эшләй.
Әлиә буш ваҡытында спорт менән шөғөлләнә. Еңел атлетика, баскетбол, волейболды үҙ иткән. Ике йыл рәттән республика кимәлендә үткән спорт фестивалендә еңеү ҙә яулаған.
...

Алина ӘБҮЗӘРОВА.
Конкурстар / Йәшлек гүзәле // 8-12-2017, 11:42


Алина ӘБҮЗӘРОВА.
1993 йылдың 10 авгусында Ғафури районының Ташаҫты ауылында тыуғанмын.
Әлеге ваҡытта Башҡорт дәүләт университетының рус филологияһы факультеты магистратураһында белем алам.
Мин үҙемде донъяға ғашиҡ ҡыҙ тип һанайым. Һәр атҡан таңға ҡыуанам, йылдың һәр миҙгелен яратам. Тәбиғәт балаһымын, әле ҡалала йәшәһәм дә, тыуған ауылыма ҡайтып, йәшәргә дәрт, илһам алып киләм. Күңелем тулһа, шиғыр ҙа яҙам, тип уларҙы бер кемгә лә күрһәткәнем юҡ.
Гәзит уҡыусыларға Аллаһы Тәғәлә биргән ошондай йәмле тормоштоң һәр көнөн яратып, һәр минутын файҙалы үткәреүҙәрен, рәхмәтле булып йәшәүҙәрен теләйем!...

ГӨЛДӘР РАХМАНҒОЛОВА.
Конкурстар / Йәшлек гүзәле // 27-11-2017, 15:54


ГӨЛДӘР РАХМАНҒОЛОВА.
“Көтмәгәндә шундай ҡыҙҙар осрай,
Шундай ҡыҙҙар – ят та үл инде!..
Ниҙәр уйлап, ниҙәр кисергәнде
Үҙең күр ҙә, үҙең бел инде...”
Мәшһүр Рәмиебеҙҙең был шиғри юлдары минең ҡыҙым – Баймаҡ районының Сәйғәфәр ауылында йәшәүсе Гөлдәр Рахманғоловаға ҡарата әйтелгән кеүек.
Балалар баҡсаһына йөрөгәндә лә ул ҙур аҡ бантиктар тағып, ҡупшы күлдәк, туфлиҙар кейеп, осраған кешеләрҙән ҡысҡырып һаулыҡ һорашып, йырлай-йырлай ҡайта торғайны. Инәй, олатайҙары уға: “Аҡыллы, тәүфиҡлы ғына бала булып үҫ”, – тиер ине. Ҡыҙым уларҙың һүҙен иҫендә тотоп үҫте. Мәктәптә яҡшы уҡыны, төрлө сарала, олимпиадаларҙа әүҙем ҡатнашты, йыр буйынса конкурстар­ҙа урындар ала торғайны. Уҡытыусылар ҙа көләкәс, аралашыусан, үткер ҡыҙға һәр саҡ уңыш юлдаш булыуына, алдына ҡуйған маҡсаттарына ирешәсәгенә, теләгән һөнәренә эйә булырына һис шикләнмәне.
Гөлдәрҙә башҡорт ҡыҙҙарына ғына хас булған тыйнаҡлыҡ та, күркәмлек тә бар. Оҙон сәстәрен икегә үреп, йылмайып ебәрһә, сикәһендәге соҡорҙары уны тағы ла матурайта.
Әле ҡыҙым Сибай медицина колледжында уҡый. Йәмәғәт тормошонда ла һынатмай, йыр-бейеүгә оҫта Гөлдәр мәҙәни сараларҙың урта­һында ҡайнай.
Баҫҡан ерендә ялҡын уйнатҡан, һәр кемгә ихлас йылмайыуын йәлләмәгән, бәләкәстән табип булырға хыялланған ҡыҙымдың кешеләрҙең тәнен генә түгел, күңелен дә дауалай алырына иманым камил.

Әсәһе Сәүиә.
...


Борьба с коррупцией

[/aviable]

  • Һуңлап килгән аҡыл
  • Ҡолаҡ һал!
  • Үәт, ҡыҙыҡ! (14.09.2018)
  • Таңым нуры инең
  • Тормош – ҡуласа, әйләндереп бер баҫа
  • Тәүге һөйөү шундай ҡыҫҡа булды
  • «Уҡыусың рәхмәтле булһын»
  • «Салауат Юлаев» - «Локомотив»! Кем-кемде?
  • Үәт, ҡыҙыҡ! (31.08.2018)
  • Үәт, ҡыҙыҡ! (21.09.2018)



  • Радио Юлдаш FM