НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » Ғаләмде биҙәй матурлыҡ һәм хис

Ғаләмде биҙәй матурлыҡ һәм хис


Кемдәр улар – 23-сө йыл рәттән үткәрелеп килгән матурлыҡ бәйгеһенең быйылғы ҡатнашыусылары?
Береһенән-береһе матур, аҡыллы, маҡсатлы ҡыҙҙар менән таныштырып үтәбеҙ.

Ғаләмде биҙәй  матурлыҡ һәм хисСветлана КОЖАРИНОВА, 21 йәш
Силәбе өлкәһенең Магнитогорск ҡалаһынан. Тамырҙары менән Әбйәлил башҡорто. Киләсәктә үҙенең матурлыҡ салонын асырға хыяллана.

Ғаләмде биҙәй  матурлыҡ һәм хисӘлфиә КИЛДЕЙӘРОВА, 19 йәш
Ейәнсура районының Абзан ауылынан. Әлеге ваҡытта Мәскәү ҡалаһында белем ала. Баш ҡалала үткәрелгән “Башҡорт һылыуы” конкурсы еңеүсеһе. Нәзир Байегетов етәкселегендәге “Алтынай” башҡорт бейеү ансамблендә шөғөлләнә.

Ғаләмде биҙәй  матурлыҡ һәм хисНәркәс НАСИРОВА, 18 йәш
Сибай ҡалаһынан. Буласаҡ уҡытыусы, бейергә ярата. Киләсәктә бәхетле ғаилә ҡорорға хыяллана. Башҡортостандың тәбиғәтенә һәм ҡымыҙына ғашиҡ.

Ғаләмде биҙәй  матурлыҡ һәм хисГөлназ ИЛЬЯСОВА, 17 йәш
Ишембай ҡалаһынан. Нефть эшкәртеү колледжында белем ала. “Һылыуҡай” конкурсында ҡатнашыу – бала саҡтан килгән хыялы.

Ғаләмде биҙәй  матурлыҡ һәм хисИлнара ҮТӘШЕВА, 17 йәш
Йылайыр һылыуы. Әлеге ваҡытта Санкт-Петербург ҡалаһында ер һәм төҙөлөш эше буйынса белем ала. Киләсәктә был ҡалала йәшәүсе башҡорт балалары өсөн бейеү ансамбле асырға ниәтләй.

Ғаләмде биҙәй  матурлыҡ һәм хисӘлиә ӘБДРӘШИТОВА, 19 йәш
Бөрйән районы һылыуы. Мифтахетдин Аҡмулла исемендәге Башҡорт дәүләт педагогия университетында белем ала. Буласаҡ һөнәре – башҡорт теле уҡытыусыһы. Әйткәндәй, “Йәшлек” гүзәле – 2014” конкурсы лауреаты.

Ғаләмде биҙәй  матурлыҡ һәм хисГөлшат МАНАПОВА, 19 йәш
Салауат районынан. Башҡорт дәүләт медицина университетында белем ала. Шиғырҙар ижад итә, йырларға ярата. Тормошта атаһынан өлгө алып йәшәй.

Ғаләмде биҙәй  матурлыҡ һәм хисИлнара РАХМАНҒОЛОВА, 17 йәш
10-сы класс уҡыусыһы. Өфө ҡалаһында йәшәүенә ҡарамаҫтан, конкурста тыуған яғы – Баймаҡ исеменән сығыш яһай. “Һылыуҡай – 2015” бәйгеһендә башҡорт ҡыҙҙарының матурлығын төрлө халыҡ-ара конкурстарҙа күрһәтеү маҡсатында ҡатнаша.

Ғаләмде биҙәй  матурлыҡ һәм хисДиана МӨХӘМӘТЙӘНОВА, 16 йәш
Өфө һылыуы. Бәйгенең иң йәш ҡатнашыу­сыһы. 10-сы класта белем ала. Киләсәктә хоҡуҡ белгесе булырға хыяллана. Башҡорт телен камил белер өсөн һәр йыл һайын ауыл­ға – олатаһы менән өләсәһенә ҡунаҡҡа бара. Һеңлеләренә өлгө булырға тырыша.

Ғаләмде биҙәй  матурлыҡ һәм хисИлмира МОТАЛОВА, 20 йәш
Хәйбулла һылыуы. Һүрәт төшөрөүгә әүәҫ. Башҡорт дәүләт педагогия университеты студенты.Татыу ғаиләлә тәрбиәләнеүе менән ғорурлана. Аш-һыу әҙерләргә ярата.

Ғаләмде биҙәй  матурлыҡ һәм хисЛәйлә КӘРИМОВА, 21 йәш
Бөрйән районынан. Өфө дәүләт авиация техник университетында белем ала, буласаҡ инженер. Һүрәт төшөрөргә, сәйәхәт итергә ярата, ҡул эштәренә маһир. Төрлө телдәрҙе өйрәнә, спорт менән шөғөлләнә.

Ғаләмде биҙәй  матурлыҡ һәм хисЗәлиә ЯППАРОВА, 21 йәш
Күгәрсен районының Хоҙайбирҙин ауылынан. Башҡорт дәүләт университетының философия һәм социология факультетында белем ала. Балалар өсөн хәйриә фонды булдырырға иҫәп тота. Сәләмәт тормош алып бара, дарыу үләндәре менән ҡыҙыҡһына.

Сығыу ваҡыты 21-03-2015, 17:20 | Ҡаранылар: 1637
|
  • "Һылыуҡай-2016" бәйгеһендә Гран-при - Күгәрсен һылыуы ЭЛЬВИРА Ҡарамышевала! АФАРИН!
  • Матурлыҡ һәм яҙ байрамы
  • “Һылыуҡай – 2015” финалсылары һайланды
  • Әсәһе кеүек көслө рухлы булырға ынтыла
  • “Башҡорт йыры”ның йәш таланттары
  • Информация

    Комментировать статьи на сайте возможно только в течении 4 дней со дня публикации.


  • Бисмилла көсө
  • "Ғашиҡ булдым еҙнәйемә"
  • Ҡыҙҙарҙың һылыуҙарын, уңғандарын билдәләнек, “Йәшлек” гүзәле – 2017” конкурсын тамамланыҡ!
  • Яңы йыл ҡаласыҡтары, боҙ һындары... Аҡъяр биҙәге
  • Иғтибар! Өр-яңы әҙәби конкурс! Ҡәләмеңде ал ҡулыңа! 50 мең һумлыҡ бүләк һине көтә!
  • Ҡыш бабай бүләге (хикәйә)
  • Ҡәйнәмә түҙер әмәлем ҡалманы
  • Үәт, ҡыҙыҡ! (29.12.2017)
  • Яңы йылға бүләкле булдылар
  • Йондоҙнамә (8-14 ғинуар)



  • Радио Юлдаш FM