RSS-подписка Вконтакте Вконтакте
» » Иордания королеваһы өфөлә кемде эҙләгән?

16.08.2013 Иордания королеваһы өфөлә кемде эҙләгән?

Иордания королеваһы өфөлә кемде эҙләгән?“Башҡортостан” киностудияһы яңы фильм төшөрә башланы
“Башҡортостан” киностудия­һы донъя кимәлендә танылыу яулаған яҡташыбыҙ Рудольф Нуриевҡа арналған “Визит” нәфис фильмын төшөрә. Уның проекты БР Президентының мәҙәниәтте үҫтереү өсөн бүленгән биш миллион һумлыҡ грантына лайыҡ булған.

Ошо көндәрҙә “Башинформ” мәғлүмәт агентлығында уҙған матбуғат конференцияһында “Баш­ҡортостан” киностудияһы директоры Азамат Хужәхмәтов, “Визит” фильмының ҡуйыусы режиссеры Булат Йосопов, ҡуйыусы операторы Илдар Бикмәтов, киностудия мөхәррире Зөһрә Бураҡаева һәм башҡалар фильмдың нисек төшөрөлөүе тураһында һөйләне.
Картина нигеҙендә тарихи ысынбарлыҡ ятасаҡ. 1977 йылда Иордания короленең тәүге ҡатыны Дина бин Әбдел Хәмид рәсми сәфәр менән Өфөгә килә (уны икенсе төрлө “Королева Фатима” тип тә йөрөткәндәр). Әммә уның йәшерен маҡсаты бар – билдәле бейеүсе Рудольф Нуриевтың әсәһе менән осрашыу. Артист 1961 йылда Көнбайышҡа ҡасып китеү сәбәпле, уға туғандары менән күрешеү юлы ябыла. Франциянан сәйәси яҡлау һораған Рудольф Нуриев тура­һындағы бар мәғлүмәт тыйылған була. Ғәрәп аристократкаһы иһә үҙенең мөмкинлеге менән файҙаланып, әсәгә улынан хәбәр килтерә. Нуриев менән ул балет менән шөғөлләнеүсе ҡыҙҙары аша таныш­ҡан.
Был ваҡиғаның тере шаһиты, отставкалағы ФСБ полковнигы Йәүҙәт Исҡужин хәтирәләре менән уртаҡлашты. Ул ошо осрашыуҙа тәржемәсе ролен үтәгән.
Фильмды төшөрөүселәргә 70-се йылдарҙағы мөхитте тергеҙергә тура киләсәк. “Был бер үк ваҡытта ауыр ҙа, ҡыҙыҡ та. Документаль кадрҙарҙы файҙаланмаясаҡбыҙ. Шул уҡ ваҡытта һәр кадрҙы мөмкин тиклем ысынбарлыҡҡа тура килтерергә тырышасаҡбыҙ”, – тине ҡуйыусы оператор Илдар Бикмәтов.
Төп ролдәрҙә Иордания һәм Мысыр вәкилдәре буласаҡ. Булат Йосопов әйтеүенсә, Дина-Фатима ролен сит ил актрисаһы башҡарыр­ға тейеш. Ә Рудольф Нуриевтың әсәһе Фәриҙә ролен, бәлки, билдәле актриса Нурия Ирсаева башҡарыр.
Фильмда, Фәләстән һәм Иорданиянан тыш, Париж һәм Лондон да сағылдырыласаҡ. “Был төбәктәргә сығыу мөмкинлеге булмағас, һанлы технология ҡулланыласаҡ”, – тип билдәләне Бу­лат Йосопов. Картинаның башҡа илдәр өсөн дә ҡыҙыҡ булыуы бар, сөнки унда башҡорт, ғәрәп, инглиз, француз телдәре яңғыраясаҡ.
Быйыл, бар донъя Рудольф Нуриевтың 75 йыллығын билдәләгән йылда, был тема айырыуса көнүҙәк. Октябрҙә “Визит”тың трейлеры ЮНЕСКО-ның Париж­дағы штаб-фатирында Башҡор­тостандың презентацияһы барышында күрһәтеләсәк. Декабрҙә 40 минутлыҡ хронометражлы кино халыҡ хөкөмөнә сығарыласаҡ.

Гүзәл БИКМӘТОВА.










Оҡшаш яңылыҡтар



«Бер ваҡытта ла бер кемгә лә оҡшарға тырышманым»

«Төрлө сағым була минең дә...»

05.10.2019 - Мәҙәниәт һәм сәнғәт «Төрлө сағым була минең дә...»


Шағирә, продюсер Светлана ШӘРИПОВА: “Тормош дауам итә!”

«Ғәфү ит мине,  әсәй!»

21.09.2019 - Мәҙәниәт һәм сәнғәт «Ғәфү ит мине, әсәй!»


«Тамашасы  ихласлыҡты күрә белә»

19.09.2019 - Мәҙәниәт һәм сәнғәт «Тамашасы ихласлыҡты күрә белә»


Вайнер ҙа – туған тел һаҡсыһы!

05.09.2019 - Мәҙәниәт һәм сәнғәт Вайнер ҙа – туған тел һаҡсыһы!


Күктә балҡый уның йондоҙсоҡтары...

25.08.2019 - Мәҙәниәт һәм сәнғәт Күктә балҡый уның йондоҙсоҡтары...


Туйҙарҙа яралған мөхәббәт

24.08.2019 - Мәҙәниәт һәм сәнғәт Туйҙарҙа яралған мөхәббәт


“Ябай кеше булараҡ уңыш яулап ҡара...”

17.08.2019 - Мәҙәниәт һәм сәнғәт “Ябай кеше булараҡ уңыш яулап ҡара...”


Рәсәйҙең атҡаҙанған мәҙәниәт хеҙмәткәре Рәйес ИСМӘҒИЛЕВ: “Һуғыш суҡмары булдым”

Ни өсөн Эльмира Юлдашеваны “Лунатик” тигәндәр?

“Драматургия – әҙәбиәттең иң ҡатмарлы жанры”

«Урал батыр»ҙы яттан һөйләнеләр

20.06.2019 - Мәҙәниәт һәм сәнғәт «Урал батыр»ҙы яттан һөйләнеләр


«Мәҙәниәт  хеҙмәткәрҙәре өсөн  ял юҡ»

15.06.2019 - Мәҙәниәт һәм сәнғәт «Мәҙәниәт хеҙмәткәрҙәре өсөн ял юҡ»


"Тормошҡа ашмаҫ хыялдар ҡормайым"

27.05.2019 - Мәҙәниәт һәм сәнғәт "Тормошҡа ашмаҫ хыялдар ҡормайым"


Йырсы менән бейеүсе –  шул тиклем пар килгәнсе

«Талантың булмаһа, шоу яһау ярҙам итмәй»

16.05.2019 - Мәҙәниәт һәм сәнғәт «Талантың булмаһа, шоу яһау ярҙам итмәй»


Көтөүсе булырға теләмәһәң, бейеүсе булырға мөмкин

Башҡортостандың атҡаҙанған артисы Лилиә РӘСҮЛЕВА: «Күңелем  романтикаға тартыла»

“Тормошомда осраған  һәр кешегә рәхмәтлемен”

Театр ишеген асҡас...

30.03.2019 - Мәҙәниәт һәм сәнғәт Театр ишеген асҡас...


Аҡыл менән хистәр береккәндә

25.03.2019 - Мәҙәниәт һәм сәнғәт Аҡыл менән хистәр береккәндә


Йәштәр театры һөйөндөрә

23.03.2019 - Мәҙәниәт һәм сәнғәт Йәштәр театры һөйөндөрә


«Бирешмә!» беренсе үҫмерҙәр премияһы

15.03.2019 - Мәҙәниәт һәм сәнғәт «Бирешмә!» беренсе үҫмерҙәр премияһы