RSS-подписка Вконтакте Вконтакте
» » 14 февраль – Ғашиҡтар көнө

14.02.2018 14 февраль – Ғашиҡтар көнө

14 февраль – Ғашиҡтар көнө
14 февраль – Ғашиҡтар көнө

Беҙҙә Изге Валентин көнөнә, әлбиттә, ҡараштар төрлөсә. 90-сы йылдарҙа йәшәйешебеҙгә килеп ингән байрамды Рәсәйҙең оло быуын кешеләренең күпселеге ҡабул итмәй. Йылдар уҙған һайын байрамды тынысыраҡ ҡабул итәбеҙ кеүек. Ғашиҡтар көнөнөң мөһимлеге беҙҙең илдә тик йәштәргә генә ҡайтып ҡала. Уларға хистәрҙе белдереү өсөн уңайлы был көн. Шулай ҙа ғаилә ҡорған ир менән ҡатын араһында ла бер-береһенә ҡарата иғтибарлылыҡты арттырған, бүләк йәки көтөлмәгән сюрприз әҙерләгән парҙар юҡ түгел.
Мөхәббәтте нисек теләйһең, шулай аңлатырға була. Уны һүҙ менән ябай итеп әйтһәң дә, төрлө ысул ярҙамында аңлатһаң да, асылы бер үк. Иң мөһиме, ҡоро һүҙҙәр булмаһын! Күберәк яратығыҙ һәм яратылып йәшәргә яҙһын барыбыҙға ла!

Башҡорт эстрадаһының йәш таланттары – әлегә өйләнмәгән егеттәр һәм кейәүгә сыҡмаған ҡыҙҙар блиц-һорауҙарға яуап бирә.
1. Үҙ ғүмерегеҙҙә нисә тапҡыр ғашиҡ булдығыҙ?
2. Ғашиҡтар көнөнә бүләк алғанығыҙ бармы? Иң үҙенсәлеклеһе ниндәй?
3. Ә үҙегеҙ Ғашиҡтар көнөнә һөйгәнегеҙгә ниндәй бүләк әҙерләйһегеҙ?

Алтынай ВӘЛИТОВ
Үҙ ғүмеремдә өс тапҡыр ныҡ итеп ғашиҡ булдым.
Бүләктәрҙе хәтерләмәйем.
Мотлаҡ матди ҡиммәткә эйә бүләк әҙерләргә тимәгән. Минеңсә, һөйгәнеңә иғтибар бүлеп, уны берәй ергә саҡырыу, ҡыҙыҡлы бәләкәй генә сара ойоштороуға бер ни ҙә етмәй. Йәл, әлеге ваҡытта алыҫта гастролдә йөрөгәнлектән, был юлы байрамды ҡәҙерле кешем янында уҙғарыу бәхете тәтемәй.

Ғайсар МИҢЛЕҒОЛОВ
Үҙ ғүмеремдә өс тапҡыр ғашиҡ булдым. Беренсеһе – башланғыс кластарҙа уҡығанда бер ҡыҙға күҙем төшкәйне. Студент саҡта бер һылыу башымды әйләндерҙе – был һөйөүем мәңгелеккә иҫемдә ҡалды. Араларҙың алыҫлығы арҡаһында беҙ бергә була алманыҡ һәм бер-беребеҙҙе яратһаҡ та, айырылышырға мәжбүр булдыҡ. Әлеге ваҡытта ул кейәүҙә. Бөгөнгө яратыуым иһә тыныс ҡына, ә шашып түгел.
Миңә шул стандарт бүләк­тәр­ҙе бирәләр – открыткалар, йомшаҡ уйынсыҡтар. Иң иҫтә ҡалғаны – ҙур йомшаҡ айыу. Был ҡыҙ уйынсығын бер ҡасан да бер кемгә лә бирмәүемде үтенгәйне, шуға күрә айыу һаман да минең менән.
Һөйгәнемде ниндәй бүләк менән ҡыуандырыу хаҡында әлегә ныҡлап уйламағанмын. Берәй креатив уйлап сығарырға кәрәктер. Ғашиҡтар көнөндә мотлаҡ сәскә бүләк итәм, был көндө тик һөйгәнемә генә бағышлайым.

Артур СОЛТАНОВ
Ышанаһығыҙмы, юҡмы, бер тапҡыр ғына һөйөү тәмен татыным.
Ғашиҡтар көнөндә урамда китеп барған саҡта таныш булмаған ҡатын-ҡыҙ роза бүләк итте. Мин, алырғамы, юҡмы, тип икеләнеп торғансы, сәскә ҡулымда ине. Көтөлмәгән һәм иң иҫтә ҡалған бүләк ошо әлегә.
Байрамды тыныс ҡаршы алам. Кемгәлер бүләк әҙерләмәйем, сөнки әлеге ваҡытта яңғыҙмын.

Диана ӘХМӘТШИНА
Үҙ ғүмеремдә ни бары бер тапҡыр ысынлап ғашиҡ булдым. Егетем менән тәүҙә дуҫтар ғына инек, тора-бара арабыҙҙа һөйөү хисе ҡабынды. Беҙ хәҙер өс йыл бергә.
Хәҙер ҙур-ҙур гөлләмәләр, мәҫәлән, 101 рауза сәскәһе бүләк итеү модала, тик улар арзан түгел. Яратыу һүҙҙәрен берәй асыҡ ергә яҙып ҡуйыу – борондан килгән йола. Минеңсә, дөйә лә – бүләк, төймә лә – бүләк. Бүләкте ысын йөрәктән, яратып бирһәң, бер кеше лә битараф ҡалмаясаҡ. Миңә открытка һәм башҡа ваҡ-төйәк бүләк иткәндәре бар.
Һуңғы йылдарҙа егетем менән бер-беребеҙҙән ниндәй бүләк алырға теләүебеҙ хаҡында мотлаҡ һорайбыҙ. Быйыл да уға һораған әйберен һатып алып ҡуйҙым. Былтыр иһә, романтик хистәр өҫтәргә теләп, уны ни өсөн яратыуымдың 50 сәбәбен яҙып, үҙ ҡулдарым менән открытка эшләгәйнем.

Альбина ДӘҮЛӘТКИЛДИНА
Мин бик йыш ғашиҡ булам. Шулай ҙа ике тапҡыр ныҡлап яраттым.
Ғашиҡтар көнөндә бер-береңә бүләк биреү йәштәр араһында таралған. Миңә лә бүләк итәләр, тик араһында иҫтә ҡалырлыҡ әллә ниндәй үҙенсәлеклеһе булғаны юҡ. Ысын күңелдән яратҡан кешем булһа, уның бүләге, һис шикһеҙ, иҫтә ҡалған булыр ине.
Күңелем ярһыусан, үтә хисле булһа ла, һаман да ярат­ҡан кешем юҡ. Бүләктәрҙе яҡын кешеләремә әҙерләйем.

Динара ҒҮМӘРОВА
Минеңсә, ғашиҡ булыу менән кемделер оҡшатыу – икеһе ике төрлө хис. Ысын мөхәббәт бер ниндәй ҙә ауырлыҡтарға ҡарамай, бер ҡасан да һүрелмәйәсәк. Ғашиҡтар бер-береһенә мәңгелеккә тоғро ҡалырға тейеш. Быға тиклем оҡшатҡан кешеләрем булды, әлбиттә.
Ғашиҡтар көнөнә иң оҡшаған бүләк йөрәк формаһындағы ҡапта төрлө кәнфит булды.
Егетем бар, уға сифатлы студия ҡолаҡсындары бүләк итәсәкмен, сөнки ул музыка менән шөғөлләнә. Әйткәндәй, 14 февралдә «Өфө уттары»нда Ғашиҡтар көнөнә арналған концертта ҡатнашам. Башҡарасаҡ йырҙы миңә һөйгәнем үҙе аранжировкалап бүләк иткәйне.










Оҡшаш яңылыҡтар



«Бер ваҡытта ла бер кемгә лә оҡшарға тырышманым»

«Төрлө сағым була минең дә...»

05.10.2019 - Мәҙәниәт һәм сәнғәт «Төрлө сағым була минең дә...»


Шағирә, продюсер Светлана ШӘРИПОВА: “Тормош дауам итә!”

«Ғәфү ит мине,  әсәй!»

21.09.2019 - Мәҙәниәт һәм сәнғәт «Ғәфү ит мине, әсәй!»


«Тамашасы  ихласлыҡты күрә белә»

19.09.2019 - Мәҙәниәт һәм сәнғәт «Тамашасы ихласлыҡты күрә белә»


Вайнер ҙа – туған тел һаҡсыһы!

05.09.2019 - Мәҙәниәт һәм сәнғәт Вайнер ҙа – туған тел һаҡсыһы!


Күктә балҡый уның йондоҙсоҡтары...

25.08.2019 - Мәҙәниәт һәм сәнғәт Күктә балҡый уның йондоҙсоҡтары...


Туйҙарҙа яралған мөхәббәт

24.08.2019 - Мәҙәниәт һәм сәнғәт Туйҙарҙа яралған мөхәббәт


“Ябай кеше булараҡ уңыш яулап ҡара...”

17.08.2019 - Мәҙәниәт һәм сәнғәт “Ябай кеше булараҡ уңыш яулап ҡара...”


Рәсәйҙең атҡаҙанған мәҙәниәт хеҙмәткәре Рәйес ИСМӘҒИЛЕВ: “Һуғыш суҡмары булдым”

Ни өсөн Эльмира Юлдашеваны “Лунатик” тигәндәр?

“Драматургия – әҙәбиәттең иң ҡатмарлы жанры”

«Урал батыр»ҙы яттан һөйләнеләр

20.06.2019 - Мәҙәниәт һәм сәнғәт «Урал батыр»ҙы яттан һөйләнеләр


«Мәҙәниәт  хеҙмәткәрҙәре өсөн  ял юҡ»

15.06.2019 - Мәҙәниәт һәм сәнғәт «Мәҙәниәт хеҙмәткәрҙәре өсөн ял юҡ»


"Тормошҡа ашмаҫ хыялдар ҡормайым"

27.05.2019 - Мәҙәниәт һәм сәнғәт "Тормошҡа ашмаҫ хыялдар ҡормайым"


Йырсы менән бейеүсе –  шул тиклем пар килгәнсе

«Талантың булмаһа, шоу яһау ярҙам итмәй»

16.05.2019 - Мәҙәниәт һәм сәнғәт «Талантың булмаһа, шоу яһау ярҙам итмәй»


Көтөүсе булырға теләмәһәң, бейеүсе булырға мөмкин

Башҡортостандың атҡаҙанған артисы Лилиә РӘСҮЛЕВА: «Күңелем  романтикаға тартыла»

“Тормошомда осраған  һәр кешегә рәхмәтлемен”

Театр ишеген асҡас...

30.03.2019 - Мәҙәниәт һәм сәнғәт Театр ишеген асҡас...


Аҡыл менән хистәр береккәндә

25.03.2019 - Мәҙәниәт һәм сәнғәт Аҡыл менән хистәр береккәндә


Йәштәр театры һөйөндөрә

23.03.2019 - Мәҙәниәт һәм сәнғәт Йәштәр театры һөйөндөрә


«Бирешмә!» беренсе үҫмерҙәр премияһы

15.03.2019 - Мәҙәниәт һәм сәнғәт «Бирешмә!» беренсе үҫмерҙәр премияһы