«Йәшлек» гәзите » Яңылыҡтар архивы » Йондоҙнамә 28 февраль-6 март



26.02.2011 Йондоҙнамә 28 февраль-6 март

Ылаҡ (22.12 – 20.01)
Борсоулы осор. Эштәрегеҙҙә эҙмә-эҙлелек һаҡлау ауыр булыр. ҡайсаҡ бер эште бөтөрмәйенсә икенсеһен башларһығыҙ һымаҡ. Шуға күрә аҙнаның һөҙөмтәләре маҡтанырлыҡ булмаҫ, моғайын.
Һыуғояр (21.01 – 19.02)
Аҙнаны мөмкин тиклем тынысыраҡ үткәреү мө­һим. Был һеҙгә бигүк еңел бирелмәҫ кеүек. Шәхси тормошоғоҙҙа ниндәйҙер юғалтыуҙар булыуы ихтимал. Был хәбәрҙе йөрәгегеҙгә яҡын алмағыҙ.
Балыҡ (20.02 – 20.03)
Йыш ҡына ҡарарҙар ҡабул иткәндә икеләнерһегеҙ. Ғөмүмән, һайлаған юлығыҙ дөрөҫ булырға тейеш. Шәхси бәйләнештәр нығытыуға мохтаж кеүек. Яңы танышлыҡтар бик өмөтлө булмаясаҡ.
ҡуҙы (21.03 – 20.04)
Йондоҙҙар был арала өй-йорт эштәренә күберәк иғтибар бирергә кәңәш итә. Өйҙәгеләр менән мөнәсәбәттәрегеҙ ыңғай яҡҡа үҙгәрер. ҡыҫҡа сәфәрҙәрҙә лә мотлаҡ уңырһығыҙ.
Буға (21.04 – 21.05)
Яҡын арала тормош китабының яңы битен аса алыр­һығыҙ һымаҡ. Үҙегеҙ күрерһегеҙ, аҡыл-фиғелегеҙ, уй-хистәрҙе еңеп, алға сыға башлар. Ниндәйҙер өр-яңы юлдан китеүегеҙ ҙә бар. Уның аҙағы мотлаҡ яҡшы буласаҡ.
Игеҙәктәр (22.05 – 21.06)
Аҙнаның ҡаршылыҡлы килеүе ихтимал. Милкегеҙгә лә ниндәйҙер ҡурҡыныс янай кеүек. Был арала етди мәсьәләләрҙе артыҡ ҡуҙғатырға тырышмағыҙ. Иң өмөтлө көнөгөҙ – шәмбе.
ҡыҫала (22.06 – 23.07)
Үткән ваҡиғалар һаман да тормошоғоҙға йоғонто яһап торор һымаҡ. ҡарарҙар ҡабул иткәндә хаталаныу ихтималлығы артасаҡ. Шулай ҙа йондоҙҙар туғанлыҡ ептәрен нығытыуға булышлыҡ итер.
Арыҫлан (24.07 – 23.08)
Серле һәм бик икеле осор. Был арала көтөлмәгән табыштарға һәм уйламаған юғалтыуҙарға юлығыуығыҙ ихтимал. Кесе йомала ҡолағығыҙға салынған хәбәрҙәргә иғтибарлыраҡ булығыҙ.
ҡыҙ (24.08 – 23.09)
Аҙна яҡшы яңылыҡтар, көтөлмәгән бүләктәр һәм ыңғай кәйеф килтерер. Төп эшегеҙҙә ниндәйҙер үҙгәрештәр булыр, ләкин улар һеҙгә ҡағылмаҫ кеүек. ҡулығыҙға арыу ғына аҡса инер.
Үлсәү (24.09 – 23.10)
Аҙна төрлө ваҡиғаларға бай буласаҡ. Мәшәҡәттәр, йомоштар ҙа ҡәҙимгенән күп көтөлә. Шаршамбыла ниндәйҙер етди мәсьәләне ыңғай хәл итерһегеҙ. Һаулығығыҙ тураһында онотмағыҙ.
Саян (24.10 – 22.11)
Өй мәшәҡәттәре йыш ҡына борсоп торор һымаҡ. Оло йәштәге туғандарығыҙға ҡарата мөмкин тиклем йомшағыраҡ булырға тырышығыҙ. Төп эшегеҙҙә барыһы ла яҡшы барыр. Төрлө йомош-үтенестәр күп булыр, ләкин барыһына ла өлгөрөрһөгөҙ.
Уҡсы (23.11 – 21.12)
Был арала хәлегеҙ яйланған кеүек тойолор. ҡайһы саҡ яңғыҙлыҡ хисе баҫыр. Терәк, ярҙамға ла мохтажлыҡ кисерер­һегеҙ, бәлки. Быларҙың барыһы ла ваҡытлыса ғына.







Сайтҡa күcергәБаҫып cығарырға