RSS-подписка Вконтакте Вконтакте

14.05.2011 ЕҢЕҮ КӨНӨНДӘ ЕҢЕҮ

ЕҢЕҮ КӨНӨНДӘ ЕҢЕҮ9 майҙа баш ҡаланың Туҡай, Карл Маркс, Зәки Вәлиди, Ғафури, Пушкин һәм Совет урамдары дөйөм бер спорт майҙансығын хәтерләтте. Сөнки был урамдарҙа «старт»ы һәм «финиш»ы «Динамо» стадионына тура килгән еңел атлетика эстафетаһының маршруты үтте. ҡыҙҙырып торған ҡояш аҫтында спорт костюмдарындағы ҡыҙҙар һәм егеттәр мәж килгән спорт сараһы Бөйөк Ватан һуғышында Еңеүгә 66 йыл тулыу айҡанлы ойошторолдо. Эстафета Өфө ҡалаһы ҡала округы хакимиәте һәм «Молодежная газета» редакцияһының призына үткәрелә. Ул быйыл 63-сө тапҡыр уҙҙы.
Урта белем биреү дәүләт учреждениелары, училище һәм техникумдар, юғары уҡыу йорттары, производство коллективтары, спорт клубтары һәм башҡа ойошмалар ҡатнашҡан еңел атлетика эстафетаһына старт биреү тантанаһына Башҡортостан Республикаһы Президенты Рөстәм Хәмитов, Бөйөк Ватан һуғышы ветерандары, Өфө ҡалаһы ҡала округы хакимиәте башлығы Павел Качкаев, БР йәштәр сәйәсәте һәм спорт министры Александр Никерин, «Молодежная газета»ның баш мөхәррире Ярослава Голобородько килгәйне. Республика башлығы, спортсыларҙы тәбрикләп һәм байрам менән ҡотлап:
– Еңел атлетика эстафетаһының 63-сө тапҡыр үткәрелеүе был сараның матур йолаға әүерелеүен күрһәтеп тора. Ярыш – үҙеңде асыр өсөн бик шәп мөмкинлек. Бөтәгеҙгә лә уңыштар теләйем! – тине.
ЕҢЕҮ КӨНӨНДӘ ЕҢЕҮШулай уҡ Рөстәм Хәмитов ветерандарҙы Еңеү байрамы менән ҡотланы. Йәш спортсыларҙы тәбрикләргә ветерандар үҙҙәре лә килгәйне.
Еңел атлетика эстафетаһы старт алған «Динамо» стадионының 9 Май байрамы айҡанлы ойошторолған төп майҙандарҙың береһе булғанлығын билдәләргә кәрәк. Быны ярышта ҡатнашыусыларҙың күплеге лә, сараның матурлыҡты, тыныслыҡты, сәләмәт тормош алып барыуҙы пропагандалауы ла иҫбат итеп тора. Эстафетала һәр береһе 14 кешенән торған 174 команда ҡатнашты. Дөйөм­ләштереп алғанда, унда ҡатнашыусылар 350 – 800 метр арауыҡҡа йүгерә. Йыл һайын һәр команда 7700 метрҙан ашыу араны йүгереп уҙа.
Әлбиттә, 63-сө тапҡыр үткәрелгән эстафетаның даими лидерҙары һәм рекордсылары билдәләнгән дә инде. Спорт ярыштарында төрлө һөҙөмтәләргә өлгәшеү мөмкин булһа ла, йыл һайын иң шәп йүгереүселәр иҫәбенә ингән командалар бар. Мәҫәлән, Белорет металлургия колледжы эстафетала 37 тапҡыр еңеүсе булған. Ошо ваҡытта улар йүгергән арауыҡ Белорет һәм Өфө ҡалалары араһындағы юлдың оҙонлоғонан да артып киткән. Урта белем биреү учреждениелары араһында Рәми Ғарипов исемендәге 1-се республика башҡорт гимназия-интернаты спортсылары гел генә яҡшы һөҙөмтәләргә өлгәшә. Гимназистарҙы был сараға әҙерләүселәрҙең береһе, физкультура уҡытыусыһы Гөлфиә Зәйнетдинова әйтеүенсә, уҡыусылар эстафетаға килер алдынан уҡ башҡа бик күп ярышта еңеүгә өлгәшкән. Гимназия Еңеү байрамы сараһына хатта ике команда алып килә. Шулай уҡ Бөйөк Ватан һуғышында Еңеүгә бағышлан­ған спорт сараһында йыл һайын ғаиләләре менән ҡатнашыусылар ҙа бар.
Дөрөҫөн генә әйткәндә, бындай сараларҙа бер кем дә рекордтар ҡуйыу, мотлаҡ иң беренсе булып йүгереп килеүҙе төп маҡсат итеп ҡуймай. Иң мөһиме – ҡәҙерле ветерандарға байрам бүләк итеү, йәмғиәттә тыныслыҡҡа, сәләмәт тормошҡа һөйөү уятыу.

Лилиә СИРАЕВА.
Хәниф СӨНӘҒӘТУЛЛИН фотолары.










Оҡшаш яңылыҡтар



Олатай иҫтәлеге

22.06.2018 - Бөйөк Еңеүгә 71 йыл » Әҙәбиәт Олатай иҫтәлеге


Әсләм шишмәһе

26.05.2018 - Бөйөк Еңеүгә 71 йыл Әсләм шишмәһе


Ҡайҙа ғына бармай, ниҙәр күрмәй...

09.05.2018 - Бөйөк Еңеүгә 71 йыл Ҡайҙа ғына бармай, ниҙәр күрмәй...


«Үлемһеҙ полк»  саҡыра

03.05.2018 - Яңылыҡтар таҫмаһы » Бөйөк Еңеүгә 71 йыл «Үлемһеҙ полк» саҡыра


Исеме ташҡа уйып яҙылған

27.06.2016 - Бөйөк Еңеүгә 71 йыл Исеме ташҡа уйып яҙылған


Яҙмыштарында – ил  тарихы

20.05.2016 - Бөйөк Еңеүгә 71 йыл Яҙмыштарында – ил тарихы


“Хәтер –  мәңгелек”

13.05.2016 - Бөйөк Еңеүгә 71 йыл » Мәҙәниәт һәм сәнғәт “Хәтер – мәңгелек”


"Һуғыш балалары - тарих яралары"

12.05.2016 - Бөйөк Еңеүгә 71 йыл "Һуғыш балалары - тарих яралары"


Журналистар картуф ултыртты

12.05.2016 - Бөйөк Еңеүгә 71 йыл Журналистар картуф ултыртты


Иң бөйөк көндө көтә Йәнгир улы Рәис

10.05.2016 - Бөйөк Еңеүгә 71 йыл Иң бөйөк көндө көтә Йәнгир улы Рәис


Журналистар уларҙы онотмай

10.05.2016 - Бөйөк Еңеүгә 71 йыл Журналистар уларҙы онотмай


Һуңғы өмөтөгөҙ һүнмәһен!

10.05.2016 - Бөйөк Еңеүгә 71 йыл » Махсус биттәр Һуңғы өмөтөгөҙ һүнмәһен!


"Беҙ күрмәнек һуғышты, һәм бер ҡасан да күрмәҫбеҙ тип ышанабыҙ..."

Брянск өлкәһендә 1943 йылда һәләк булған башҡорт кавалеристары һәм саңғысылары исемдәре мәғлүм булды

«Миңлеғәле  Шайморатовҡа –  Герой исеме!»

06.02.2016 - Бөйөк Еңеүгә 71 йыл » Йәмғиәт «Миңлеғәле Шайморатовҡа – Герой исеме!»


Ҡарт яугирҙы әле лә  ил яҙмышы борсой

16.01.2016 - Бөйөк Еңеүгә 71 йыл Ҡарт яугирҙы әле лә ил яҙмышы борсой


Батыр үҙе үлһә лә,  исеме йәшәй

08.01.2016 - Бөйөк Еңеүгә 71 йыл Батыр үҙе үлһә лә, исеме йәшәй


Бәхетле Шаһиғәли

25.09.2015 - Бөйөк Еңеүгә 71 йыл Бәхетле Шаһиғәли


Күңелдең ике ҡанаты:  береһе йыр булһа, икенсеһе – бейеү

24.07.2015 - Бөйөк Еңеүгә 71 йыл » Махсус биттәр Күңелдең ике ҡанаты: береһе йыр булһа, икенсеһе – бейеү


Геройҙың батырлығы  онотолмай

19.06.2015 - Бөйөк Еңеүгә 71 йыл Геройҙың батырлығы онотолмай


Ул антифашист ине…

19.06.2015 - Бөйөк Еңеүгә 71 йыл Ул антифашист ине…


Нәҫел ағасының ете тармағын мәңгегә йотҡан һуғыш…

Быуаттарға балҡыр дан!

15.05.2015 - Бөйөк Еңеүгә 71 йыл Быуаттарға балҡыр дан!


«Беҙҙең мөхәббәтте һуғыш та, ауырлыҡтар ҙа еңә алманы»