14.10.2014 Шөкөр итәм барына…

Мин Ғәлиә Тимерйән ҡыҙы Абдуллина булам. 1998 йылдың 2 апрелендә Көйөргәҙе районының Таймаҫ ауылында тыуғанмын. Әлеге ваҡытта 11-се класта уҡыйым.
Яратҡан шөғөлөм — бейеү. Уның буйынса махсус мәктәпте тик “бишле” билдәләренә генә тамамланым. 2009 йылда “Байыҡ” балалар бейеү конкурсында ҡатнашып, "Тамашасы һөйөүе" номинацияһына лайыҡ булдым. Артабан да был матур шөғөлдө ташламаҫҡа уйым бар.
Хыялдарым бик күп. Иң ҙурҙарының береһе – берҙәм дәүләт имтихандарын уңышлы тапшырып, артабан уҡып, илемә лайыҡлы кеше булыу. Тормош девизым – “Аҫҡа ҡарап шөкөр ит, өҫкә ҡарап фекер ит”.