«Йәшлек» гәзите » Конкурстар » Иле, теле өсөн янған дәртле, сәмле башҡорт ҡыҙы



07.03.2014 Иле, теле өсөн янған дәртле, сәмле башҡорт ҡыҙы

Иле, теле өсөн янған дәртле, сәмле башҡорт ҡыҙы
Һаумыһығыҙ!
Әссәләмәғәләйкүм!
Матур яңғырай халҡым
сәләме.
Бер ябай һүҙ –
әссәләмәғәләйкүм,
Ә үҙеңдә йәшәү мәғәнәһе.
Ата-бабаларҙан йола
ҡалған –
Бер-береңә сәләм
тапшырыу.
Минең халҡым күпте
күргән,
Хәйер-фатихалы һәр
ырыу.
Мин – Әйле башҡорт
ҡыҙы.
Ырыуым – ҡошсо,
Ағасым – зифа буйлы
аҡ ҡайын,
Ораным – Салауат,
Күңелем – тыныслыҡ,
Ә илкәйем – алтын бишек
Башҡортостан!
Римма була исемем,
Әсәйемдән һылыулыҡ.
Атамдан да ҡалышмайым –
Бар үҙемдә ҡыйыулыҡ.
Халҡым минең саф
йөрәкле,
Һәр беренә киң күңелле.
Берҙәмлек һәм тыныслыҡ
Һәр беребеҙгә кәрәкле.
Теләйем мин һеҙгә:
Тыныс көндәр, яҡты уйҙар.
Әйтәм мин:
Һаумыһығыҙ, дуҫтар!

Мин, Римма Әбүбәкерова, йәмле Мәсетле ерендә тыуып үҫкәнмен. Ғүмерем­дең матур мәле – ун һигеҙенсе ҡышым. Әлеге ваҡытта Оло Ыҡтамаҡ лицейының 11-се синыфында белем алам. Донъяға һоҡланып бағып, хыялға сумған сағым. Хыялдарым да бар: етем балаларға ихлас ярҙам ҡулын һуҙырға. Тормошомда юлдаш булыр бейеү, йырҙарым да: башҡорт ҡаны урғыла бит тамырҙарымда. Дәрт, сәм бар иле, теле өсөн янған башҡорт ҡыҙҙарында!







Сайтҡa күcергәБаҫып cығарырға