14.08.2010 «Йәшлек» гүзәле – 2010
Дәүләкән районының ҡыҙрас ауылынан Рәлиә Сәхибгәрәева бейергә, волейбол уйнарға, сәхнәнән тасуири итеп шиғыр уҡырға ярата. Сәхнәләштереүҙәрҙә ҡатнашып, иң яҡшы ҡатын-ҡыҙ роле өсөн бүләкләнгәне лә бар. БДУ-ның башҡорт филологияһы һәм журналистика факультетының беренсе курсын тамамлаған ҡыҙҙың алдағы көндәргә пландары бик ҙур.
Ул үҙен киләсәктә билдәле кеше итеп күҙ алдына килтерә. «ҡыйынлыҡтарға ҡарамай, тик алға барырға! Нисек кенә ауыр булһа ла, гел йылмайыу булһын йөҙөңдә!» – ошондай девиз менән йәшәгән Рәлиә мотлаҡ уңыштарға ирешәсәк, иманым камил.
Миңзәлә АСҡАРОВА.