RSS-подписка facebook facebook Вконтакте Вконтакте
» » » Ололарҙы ололайыҡ, кеселәрҙе кеселәйек!

26.05.2016 Ололарҙы ололайыҡ, кеселәрҙе кеселәйек!

Әлеге көндә бөтә иғтибар йәштәргә, уларҙың белеменә, буш ваҡытына бүленә. Был, әлбиттә, яҡшы, ләкин, минең уйымса, бөтә нәмәне лә иғтибар үҙәгендә тотоп булмай. Йәштәргә ял итергә урыны ла, башка төр мөмкинлектәр ҙә бар. Ә өлкән йәштәге кешеләрҙең ундай уңайлы шарттары бармы һуң? Улар был йәһәттән нимәгә хоҡуҡлы?
Бигерәк тә бөгөнгө йәштәрҙең ололарға ҡарата мөнәсәбәте бик киҫкен. Урамда ауыр сумка күтәреп китеп барыусы әбей-бабайҙарға ярҙам итеүселәр һирәгәйҙе. Хатта ҡайһы берәүҙәре үтеп барғанда сыртлатып төкөрөп йәки тәмәке төтөнөн өрөп кенә үтеп китә. Дөрөҫөн генә әйткәндә, беҙ уларҙы 9 Майҙа ғына иҫкә төшөрәбеҙ. Ә бит, уйлап ҡараһаң, ошо әбей-бабай­ҙар беҙҙе тыуҙырған, кеше иткән түгелме? Тыуған илебеҙҙең азатлығы, беҙҙең киләсәгебеҙ өсөн аяуһыҙ көрәшкән түгелме ни улар? Әгәр ваҡытында илебеҙҙе һаҡлап ҡалмаһалар, беҙ ошондай тыныс тормошта йәшәр инекме?
"Заман башҡа – заң башҡа" тигән әйтемдәге кеүек, беҙ яңы технологиялар заманында йәшәйбеҙ: оло бы­уындан күберәк беләбеҙ, яҡшыраҡ уйлайбыҙ, уларҙың тәжрибәләре беҙ­гә ҡыҙыҡ та түгел кеүек. Бер яҡтан, шулай, ә икенсе яҡтан, әгәр ҙә тирә-яҡ­ҡа күҙ һалһаң, әле беҙҙә нимә бар: ҡалалар, төрлө биналар – былар бө­тәһе лә элекке быуындарҙан ҡалған. Ата-бабаларыбыҙ был яҡты донъяла йәшәгән, ижад иткән, эшләгән. Ошо дәлилдәрҙән сығып та, улар ихтирам һәм рәхмәткә лайыҡлы. Оло быуын кешеләре яңы технологияларҙы белеп бөтмәй, ләкин, шуға ҡарамаҫтан, улар­ға хөрмәт менән ҡарарға тейешбеҙ.
Беҙҙең дәүләт тарихында үткәнде кире ҡағыу миҫалдары бар. Бер нисә тапҡыр яңыны төҙөр өсөн элекке илде емерҙек. Шунан нимә булды? Бәлки, уйланырға ваҡыттыр?!
Минең уйлауымса, төп мәсьәлә – беҙҙең шәхси мөнәсәбәтебеҙҙә. Әгәр ҙә беҙҙең йөрәктәрҙә өлкән быуынға ҡарата хөрмәт барлыҡҡа килһә, тормошобоҙ ҙа еңелерәк булыр. Сөнки ололарҙың ярҙамын тойғанда, алға барыуы күпкә еңелерәк.
Беҙ, йәш быуын вәкилдәре, өлкән кешеләргә мең-мең рәхмәт, йылы һүҙ әйтергә, һәр ваҡыт ярҙам итергә тейешбеҙ.
"Йылы һүҙ – йән аҙығы", – тип юҡҡа ғына әйтмәгәндәр бит. Яғымлы итеп һүҙ ҡушһаҡ та, ололар ҡартлыҡ сирҙәренән терелеп киткәндәй булыр ине.
Дуҫтар, заңһыҙ, хисһеҙ, ғәмһеҙ булмайыҡ әле!
Беҙҙе лә бит ҡартлыҡ урап үтмәҫ. Киләсәкте уйлайыҡ. Ололарҙы ололайыҡ, кеселәрҙе кеселәйек!

Миләүшә МӨХӘММӘТОВА,
Талбазы башҡорт
гимназияһының
10-сы класс уҡыусыһы.
Ауырғазы районы.







Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Бүләк тапшырылды. Ә конкурс дауам итә

03.06.2016 - Конкурстар » Булат Солтангәрәев исемендәге республика премияһы Бүләк тапшырылды. Ә конкурс дауам итә


Финат ЗАМАНОВТЫ оло еңеүе менән ҡотлайбыҙ!

30.05.2016 - Конкурстар » Булат Солтангәрәев исемендәге республика премияһы Финат ЗАМАНОВТЫ оло еңеүе менән ҡотлайбыҙ!


Тотоп һөйөрлөк кенә!

30.05.2016 - Конкурстар » "Ҡәйнәм-ҡайным - алтын ҡаҙнам" Тотоп һөйөрлөк кенә!


Дыуан ҡыҙы Айһылыу Шәрипованы оло еңеүе менән  ҡотлайбыҙ!

27.05.2016 - Конкурстар » Булат Солтангәрәев исемендәге республика премияһы Дыуан ҡыҙы Айһылыу Шәрипованы оло еңеүе менән ҡотлайбыҙ!


Тарихымды онотмам, тамырымды ҡоротмам

26.05.2016 - Конкурстар » Булат Солтангәрәев исемендәге республика премияһы Тарихымды онотмам, тамырымды ҡоротмам


Башҡорт киноһы үҫешһен

26.05.2016 - Конкурстар » Булат Солтангәрәев исемендәге республика премияһы Башҡорт киноһы үҫешһен


Телебеҙҙән оялмайыҡ!

26.05.2016 - Конкурстар » Булат Солтангәрәев исемендәге республика премияһы Телебеҙҙән оялмайыҡ!


“Ерҙә кеше йәшәй икән, теле лә йәшәй…”

26.05.2016 - Конкурстар » Булат Солтангәрәев исемендәге республика премияһы “Ерҙә кеше йәшәй икән, теле лә йәшәй…”


Мин сәләмәт тормош яҡлы!

26.05.2016 - Конкурстар » Булат Солтангәрәев исемендәге республика премияһы Мин сәләмәт тормош яҡлы!


Әгәр ҙә Салауат Юлаев тере булһа...

26.05.2016 - Конкурстар » Булат Солтангәрәев исемендәге республика премияһы Әгәр ҙә Салауат Юлаев тере булһа...


Үҙебеҙ һайлаған юл

26.05.2016 - Конкурстар » Булат Солтангәрәев исемендәге республика премияһы Үҙебеҙ һайлаған юл


Гәзитебеҙҙең 20-се һанында сыҡҡан балалар һәм уларҙың дуҫтары

23.05.2016 - Конкурстар » "Ҡәйнәм-ҡайным - алтын ҡаҙнам" Гәзитебеҙҙең 20-се һанында сыҡҡан балалар һәм уларҙың дуҫтары