01.04.2016 Туған телде һаҡлайыҡ!
Мин Айнур Марат улы Фәйзуллин булам. Салауат ҡалаһындағы 18-се мәктәптең 10-сы класында уҡыйым. Йәмәғәт тормошонда әүҙем ҡатнашам, еңел атлетика менән шөғөлләнәм. ҡала, республика һәм Рәсәй күләмендәге ярыштарҙа ҡатнашып, призлы урындар яуланым. Төрлө конкурста, олимпиадала үҙ көсөмдө һынарға яратам, сөнки улар кешенең үҫешенә ярҙам итә.
Туған тел. Ниндәй изге һүҙ! Һәр милләт кешеһе үҙенең әсә телен – туған телен мотлаҡ белергә тейеш. Милләтем буйынса татар малайымын. Туған телемдә рәхәтләнеп һөйләшәм, йырҙар ҙа йырлай алам, тапшырыуҙар ҡарайым. Шуның менән ғорурланам. Ә мәктәптә башҡорт телен өйрәнәм.
“Бөтә кеше лә үҙ телен беләме икән?” – тигән һорау тыуа миндә. Дөрөҫ, мәктәптәрҙә туған телдәр уҡытыла, уҡытыусылар бик ныҡ тырыша. Ләкин балалар русса аралаша, уҡытыу рус телендә алып барыла. Үҙ телендә өйҙә аралашыу бик аҙ. Ҡалала йәшәүселәр, хатта ауыл балалары ла үҙ-ара рус телендә һөйләшә. Ә туған телде өйрәнеү өсөн дәрестәр бик әҙ бүленгән.
Аралашыу аша телде өйрәнергә, нығытырға кәрәк. Бала туған телен, мәҙәниәтен, Башҡортостаныбыҙ тарихын белергә тейеш.
Туған телде нисек һаҡлап ҡалырға? Минеңсә, эште балалар баҡсаһынан уҡ башлау зарур. Ошо йүнәлештә ата-әсәләр менән төрлө эштәр башҡарырға, туған телгә ҡарата ҡыҙыҡһыныу уятырға. Телен өйрәнгән балаларҙы төрлөсә бүләкләү, ҡыҙыҡлы кисәләр, конкурстар үткәреү һөҙөмтә бирмәй ҡалмаҫ.
Дуҫтар, туған телебеҙҙе һаҡлайыҡ, хөрмәт итәйек, күтәрәйек!
Айнур ФӘЙЗУЛЛИН.
Оҡшаш яңылыҡтар
23.05.2016 - Конкурстар » "Ҡәйнәм-ҡайным - алтын ҡаҙнам" Гәзитебеҙҙең 20-се һанында сыҡҡан балалар һәм уларҙың дуҫтары
13.05.2016 - Конкурстар » "Ҡәйнәм-ҡайным - алтын ҡаҙнам" Гәзитебеҙҙең 19-се һанында сыҡҡан балалар һәм уларҙың дуҫтары
29.04.2016 - Конкурстар » "Ҡәйнәм-ҡайным - алтын ҡаҙнам" Гәзитебеҙҙең 17-се һанында сыҡҡан балалар һәм уларҙың дуҫтары
25.04.2016 - Конкурстар » "Ҡәйнәм-ҡайным - алтын ҡаҙнам" Гәзитебеҙҙең 16-се һанында сыҡҡан балалар һәм уларҙың дуҫтары
15.04.2016 - Конкурстар » "Ҡәйнәм-ҡайным - алтын ҡаҙнам" Гәзитебеҙҙең 15-се һанында сыҡҡан балалар һәм уларҙың дуҫтары
08.04.2016 - Конкурстар » "Ҡәйнәм-ҡайным - алтын ҡаҙнам" Гәзитебеҙҙең 14-се һанында сыҡҡан балалар һәм уларҙың дуҫтары
