04.12.2012 Баланы төкөгән дә ҡасҡан
Өфөнөң Софья Перовская һәм Армавир урамдары киҫелешендә бер машина йәйәүлеләр өсөн тәғәйенләнгән юл аша сығып барған 10 йәшлек баланы тапаған. Һәм… был урындан тиҙерәк ҡаса һалған.
Бәхеткә күрә, бала аяғын ғына ҡаймыҡтырған, уны травмпунктҡа алып барып ярҙам күрһәткәс, өйөнә ҡайтарғандар. ЮХХДИ инспекторҙары иһә шундуҡ водителде эҙләргә тотонған. Табылмай буламы!
Шуныһы аптыратты – кешене бәрҙереп ҡасҡан автомобиль хужаһы… ҡатын-ҡыҙ затынан булып сыҡҡан. Моғайын да, ул тәгәрмәс аҫтына бала эләккәнен күргәндер бит, шул тиклем дә бәғерһеҙ булыр икән. Хәҙер “Хонда Кивик”та йөрөүсе 27 йәшлек ҡыҙға ҡарата енәйәт эше асылған, уға бер йыл – йыл ярымға “право”һынан яҙыу йәки 15 тәүлеккә ҡулға алыныу янай.
Әйткәндәй, быйыл йыл башынан юл-транспорт фажиғәләрендә 24 бала һәләк булған, 388-е йәрәхәттәр алған.
Оҡшаш яңылыҡтар
