RSS-подписка facebook facebook Вконтакте Вконтакте
» » Сермәндә үҙенсәлекле завод бар

07.11.2014 Сермәндә үҙенсәлекле завод бар

Сермәндә үҙенсәлекле завод барАуылда эшһеҙлек хөкөм һөргән заманда һәр эш урыны алтынға бәрәбәр. Быйыл Сермәндә Урал спорт инвентары заводының эш башлауы ауыл халҡы өсөн ҙур ваҡиға булды. Эшкә яуаплы ҡараған сермәндәр бында үҙҙәренә эш урыны тапты. Яңы предприятие менән беҙ ҙә таныштыҡ.
Түбәндә Урал спорт инвентары заводының генераль директоры Азат ВИЛДАНОВ менән әңгәмә тәҡдим итәбеҙ.

– Азат Риф улы, ниңә заводты нәҡ Сермәндә асырға ҡарар иттегеҙ?
– Сермән – бик уңайлы урында урынлашҡан ҙур тораҡ пункты, ҡала ла яҡын. Шул уҡ ваҡытта производство базаһының ҡиммәт булмауы ла үҙенә йәлеп итте. Шуға ла компаньондарым менән уны һайланыҡ.

– Завод – ҙур төшөнсә, ә һеҙҙең эшмәкәрлек нимәгә ҡайтып ҡала?
– Беҙҙең төп йүнәлеш – спорт инвентарҙары әҙерләү. Әлеге ваҡытта фитнес-клубтар өсөн ҡорамалдар етештерәбеҙ. Мәҫәлән, спорттың көс төрҙәре залдары өсөн күтәреү эскәм­йә­һе, пауэрлифтинг өсөн ҡорамалдар, мускулдар өсөн тренажер һәм башҡалар. Йәғни көс күнекмәләре өсөн залдарҙы тулыһынса йыһазландырабыҙ. Продукциябыҙ Ека­терин­бург, Мәскәү ҡалаларына оҙатыла.
– Юҡтан бар итеп, бер ниндәй шарттар булмаған ерҙә эш башлауы ауыр булманымы?
– 2014 йылдың ғинуарынан эшкә тотондоҡ. Тәүҙә производство бинаһын рәткә килтер­ҙек, ойоштороу эштәре менән булыштыҡ. Мартта тауар етештереүгә тотондоҡ. Пред­приятиены асҡан мәлдә һәр саҡ ауырға тура килә. Беҙ ҙә етди проблемалар­ға осраныҡ. Шуларҙың иң мөһиме – кадрҙар мәсьәләһе. Районда сә­нәғәт предприятиелары әҙ. Заводҡа плазма ҡыр­ҡыусы, иретеп йәбештереүсе, слесарь-йыйыусы, буяусы, йыйыусы-төрөүсе, токарь, тегенсе, ағас эше оҫтаһы, преслаусы кеүек һөнәр эйәләре кәрәк ине. Шуға ла беҙҙең талаптарға яуап бирерҙәй кадрҙарға ҡытлыҡ булды. Кешеләр эшкә килә, тик кемдер бурысына илке-һалҡы ҡарай, кемдер эсергә ярата. Тәүҙә эште өс кеше менән башланыҡ, бөгөн иһә хеҙмәткәр­ҙәр һаны унға етте. Эшсе­ләребеҙ – Сермәндән, Бе­лореттан, бер кеше Магни­тогорск ҡалаһынан килеп эшләй. Хәҙер инде үҙҙәрен яҡшы яҡтан күрһәткән хеҙмәткәрҙәр араһынан слесарь Айҙар Әхмәтшинды, йыйыусы Илнур Сәйәховты, тегенсе Вәсилә Суфьянованы маҡтап телгә алып китергә мөмкин. Ғөмүмән, һәр эштә лә кадрҙар хәл иткес урын тота. Яҡшы кадрҙар булһа, эш тә алға бара.

– Ауылда спорт инвентарҙары етештереү ауыр түгелме?
– Завод ыңғай темпта үҫешә. Был йүнәлештә бер йыл ғына шөғөлләнмәйбеҙ, һигеҙ йыллыҡ тәжрибә тупланған. Ҡора­малдарҙы туплау һәм сығым материалдары буйынса яйға һалынған база, технология бар. Комплектлау өсөн мате­риалдар­ҙы Дондағы Ростов, Мәскәү, Омск, Силәбе, Өфө, Нефтекама ҡалаларынан алып киләбеҙ.
Завод эше бер нисә циклды берләштерә. Продукция етештереүҙә заманса технология­лар­ҙы ҡулланабыҙ. Мәҫәлән, ҡорамалдарҙы буяу өсөн порошоклы буяу линияһы урынлаштырҙыҡ. Резинаны иретеп, төрлө формалағы әйберҙәр етештереү өсөн дә ҡорамалыбыҙ бар. Үҙебеҙҙең ихтыяж өсөн компьютер аша идара ителгән тимер табаҡты плазмалы ҡырҡыу станогын уйлап сығар­ҙыҡ.

– Урындағы халыҡ һеҙҙе нисек ҡабул итте?
– Тәүҙә шикләнеп ҡаранылар: килер­ҙәр ҙә китерҙәр, йөрөйҙәр шунда, тигән кеүек. Нисек асҡандар, шулай ябырҙар, тигән фекерҙәр ҙә яңғыраны. Ә беҙҙең, Аллаға шөкөр, эшебеҙ китте. Эш хаҡын ваҡытында түләгәс, кешеләрҙә беҙгә ҡарата ышаныс тыуҙы.

– Киләсәккә ниндәй пландар менән йәшәй­һегеҙ?
– Әле тормошҡа ашыра торған пландар күп. Шул иҫәптән авария хәлендәге бинаны яйлап төҙөкләндереп алырға кәрәк. Физик мөмкинлектәре сикләнгән кешеләр өсөн тренажерҙар етештереүҙе үҙләштереү төп маҡсаттарҙың береһе булып тора. Заводтың етештереү ҡеүәте ҙур, әлеге ваҡытта 150-нән ашыу төр тауар етештереү мөмкинлегебеҙ бар. Шуға ла, фитнес залдары өсөн етештергән тауарҙарҙан тыш, спорт һәм йорт алды майҙансыҡтарын төҙөкләндереү йүнәлешендә лә эшләй алабыҙ.

– Тимәк, беҙҙең мәктәптәрҙә спорт майҙансыҡтарын, зал­дар­ҙы төҙөкләндереү өсөн ҡорамалдар артынан әллә ҡайҙа йөрөмәй, үҙебеҙҙәге етештереүсегә мөрәжәғәт итергә мөмкин. Ә уларҙың проекттарын кем эшләй?
– Әлеге ваҡытта проекттарҙы тулыһынса үҙем һыҙам, шул уҡ ваҡытта материалдар килтереү һәм заказдар йыйыу ҙа минең иңдә.
– Азат Риф улы, нәҡ башҡорт ауылында эш асыуығыҙ башҡа эшҡыуар милләттәштәр өсөн үрнәк булып тора. Сермәндәр һеҙҙең эшмәкәрлектең ауылдың киләсәге өсөн дә ҙур потенциал булыуын аңлап ҡабул итер тип ышанабыҙ. Эшегеҙҙә бары тик уңыштар теләйбеҙ.

Рәмилә МУСИНА әңгәмәләште.







Комментарий өҫтәргә


    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent


Оҡшаш яңылыҡтар



Дымдан һаҡлау өсөн

08.12.2017 - Яңылыҡтар архивы Дымдан һаҡлау өсөн


Ҡалған ризыҡты нимә эшләтергә?

30.10.2017 - Яңылыҡтар архивы Ҡалған ризыҡты нимә эшләтергә?


Сәскәләр ҙә өшөй инде…

15.10.2017 - Яңылыҡтар архивы Сәскәләр ҙә өшөй инде…


Үҙең эшләгән арзаныраҡ та, файҙалыраҡ та

Улар – ауылымдың ғорурлығы

22.05.2015 - Яңылыҡтар архивы Улар – ауылымдың ғорурлығы


"Йәшлек" йондоҙнамәһе

09.01.2015 - Яңылыҡтар архивы "Йәшлек" йондоҙнамәһе


Йылҡы йылын оҙатып

27.12.2014 - Яңылыҡтар архивы Йылҡы йылын оҙатып


Декабрь айы

21.11.2014 - Яңылыҡтар архивы Декабрь айы


Үҙ шөғөлөн тапҡандар бәхетле

14.11.2014 - Яңылыҡтар архивы Үҙ шөғөлөн тапҡандар бәхетле


Еребеҙ даны, халҡыбыҙ ғорурлығы

14.11.2014 - Яңылыҡтар архивы Еребеҙ даны, халҡыбыҙ ғорурлығы


Ҡолас йәйә “Ҡуңыр буға”

14.11.2014 - Яңылыҡтар архивы Ҡолас йәйә “Ҡуңыр буға”


Хеҙмәте менән хөрмәт яулаған

07.11.2014 - Яңылыҡтар архивы Хеҙмәте менән хөрмәт яулаған


Бөгөнгө тормоштан ҡәнәғәтһегеҙме?

07.11.2014 - Яңылыҡтар архивы Бөгөнгө тормоштан ҡәнәғәтһегеҙме?


Халыҡҡа хеҙмәт итә

07.11.2014 - Яңылыҡтар архивы Халыҡҡа хеҙмәт итә


“Йәшлек”тәр боҙло һыуҙан ҡурҡманы

02.09.2014 - Яңылыҡтар таҫмаһы » Яңылыҡтар архивы “Йәшлек”тәр боҙло һыуҙан ҡурҡманы


Ә һин башыңа чип ҡуйҙыңмы?

30.05.2014 - Яңылыҡтар архивы Ә һин башыңа чип ҡуйҙыңмы?


ЙӘЙ БИК ҠОРО БУЛАСАҠ,  ТИҘӘР…

30.05.2014 - Яңылыҡтар архивы ЙӘЙ БИК ҠОРО БУЛАСАҠ, ТИҘӘР…


Халыҡ кәсептәре – байманлыҡ сере

30.05.2014 - Яңылыҡтар архивы Халыҡ кәсептәре – байманлыҡ сере


Июнь

30.05.2014 - Яңылыҡтар архивы Июнь


Алтын үҙебеҙгә лә ҡамасауламаҫ ине…

23.05.2014 - Яңылыҡтар архивы Алтын үҙебеҙгә лә ҡамасауламаҫ ине…


Эшләгән – тешләгән

02.05.2014 - Яңылыҡтар архивы Эшләгән – тешләгән


Май байрамдарында нисек ял итәһегеҙ?

02.05.2014 - Яңылыҡтар архивы Май байрамдарында нисек ял итәһегеҙ?


“Ныҡлы ғаилә нигеҙе – бер-береңде аңлауҙа”

Хеҙмәт кешене биҙәй, тигән әйтем бөгөн үҙ асылында ҡаламы?