RSS-подписка Вконтакте Вконтакте
» » «Гәлсәр һандуғас»тар моң һуҙҙы

30.10.2010 «Гәлсәр һандуғас»тар моң һуҙҙы

– Миңә айырыуса Баймаҡ ҡыҙы Розалия Иҙелбаеваның йырлауы оҡшаны, тауышы бигерәк тә моңло.
– Ян Лира ла матур йырлай.
– Финалға кемдәр үтер икән?
Концерт башланырға әле апаруҡ ваҡыт булһа ла, зал халыҡ менән шығырым тулы. Гөлләмәләр тотҡан кешеләр ҙә шаҡтай күп күренә. «Гәлсәр»ҙәр тиһәң, халыҡ зыҡ ҡуба шул. Үҙҙәренең халыҡсанлығы, моңло йырҙары менән сәнғәт һөйөүселәрҙең күңелен әсир итә улар.
Башҡортостан телевидениеһының бынан теүәл ун йыл элек ойошторолған «Гәлсәр һандуғас» продюсерлыҡ үҙәгенең офоҡтары йылдан-йыл киңәйә бара. Ошо осорҙа кемдәргә генә ҡанат бирмәгән дә, кемдәрҙе генә серле сәнғәт донъяһына осормаған ул! Рәүилә Мәсәлимова, Иҙел Нурғәлин, Марсель ҡотоев, Искәндәр Ғәзизов, Рөстәм Шаһыбалов...
Йыл буйы барған быйылғы конкурста илленән ашыу ҡыҙ һәм егет ҡатнашты. Тамашасыларҙан килгән СМС-хәбәрҙәрҙең һөҙөмтәһе буйынса егерме икеһе ярым финалда ҡатнашыу хоҡуғы алған. Декабрҙә уҙасаҡ гала-концертҡа шуларҙың тап унауһын һайлап алыу бурысы ҡуйылды. Бының өсөн республикабыҙҙың танылған сәнғәт әһеле Флүрә Килдейәрова рәйеслегендәге жюри составы билдәләнде. Унда билдәле йырсылар Нәзифә ҡадирова, Фәнүнә Сиражетдинова, Азамат Тимеров менән бергә, журналист Венер Исхаҡов та бар ине. Шулай уҡ тамашасылар араһынан бер кеше алынды.
Залдағылар йәштәрҙең йыр-моңон алҡыштар менән оҙатты. Ә жюриҙағылар һәр сығышҡа берҙән алып бишкә тиклем балл менән үҙ баһаһын бирҙе. Конкурстың иң йәш ҡатнашыусыһы, Әбйәлил егете Айрат Зиннәтов, әле ун беренсе синыфта ғына уҡыһа ла, үҙен иркен тотоуы, матур тауышы менән барыһының да күңелен әсир итте. «Тамашасы һөйөүе» призын залдағылар нәҡ уға биреүҙе хуп күрҙе. Бухгалтер булып эшләүсе Хәйбулла ҡыҙы Резеда Рәхмәтуллинаның да моңло тауышын әҫәрләнеп тыңланылар. Ян Лира, Айҙар Рәҡипов, Әлиә Хажиева, Эльмира һәм Эльвира Ғилмановалар, Динара Шакирова, Заһир Хызыров, Илнур Ғәбделхаҡов, Илнур Назаров, Тимур Рамаҙанов, Айҙар Хәмзин, Артур Насиров жюриҙың иң юғары билдәһенә лайыҡ булды.
Гала-концертҡа ун йырсы һайланып алынырға тейеш булһа ла, һөҙөмтәләр юғары булыу сәбәпле, әлегә ун биш кеше ҡалдырылды.
– Әммә СМС-тауыш биреү һөҙөмтәләре буйынса декабрҙә үтәсәк йомғаҡлау концертына ун йырсы ғына алынасаҡ. Шуға ла яратҡан йырсыларығыҙ өсөн тауыштарығыҙҙы бирегеҙ, – тине тамашаны алып барыусы Земфира Байбулдина.
В. АЙҘАРОВ.

Р.S. «Йәшлек» гәзитенең киләһе һандарында «Гәлсәр һандуғас»тың финалында ҡатнашасаҡ йырсылар менән яҡынданыраҡ таныштырырбыҙ.










Оҡшаш яңылыҡтар



«Бер ваҡытта ла бер кемгә лә оҡшарға тырышманым»

«Төрлө сағым була минең дә...»

05.10.2019 - Мәҙәниәт һәм сәнғәт «Төрлө сағым була минең дә...»


Шағирә, продюсер Светлана ШӘРИПОВА: “Тормош дауам итә!”

«Ғәфү ит мине,  әсәй!»

21.09.2019 - Мәҙәниәт һәм сәнғәт «Ғәфү ит мине, әсәй!»


«Тамашасы  ихласлыҡты күрә белә»

19.09.2019 - Мәҙәниәт һәм сәнғәт «Тамашасы ихласлыҡты күрә белә»


Вайнер ҙа – туған тел һаҡсыһы!

05.09.2019 - Мәҙәниәт һәм сәнғәт Вайнер ҙа – туған тел һаҡсыһы!


Күктә балҡый уның йондоҙсоҡтары...

25.08.2019 - Мәҙәниәт һәм сәнғәт Күктә балҡый уның йондоҙсоҡтары...


Туйҙарҙа яралған мөхәббәт

24.08.2019 - Мәҙәниәт һәм сәнғәт Туйҙарҙа яралған мөхәббәт


“Ябай кеше булараҡ уңыш яулап ҡара...”

17.08.2019 - Мәҙәниәт һәм сәнғәт “Ябай кеше булараҡ уңыш яулап ҡара...”


Рәсәйҙең атҡаҙанған мәҙәниәт хеҙмәткәре Рәйес ИСМӘҒИЛЕВ: “Һуғыш суҡмары булдым”

Ни өсөн Эльмира Юлдашеваны “Лунатик” тигәндәр?

“Драматургия – әҙәбиәттең иң ҡатмарлы жанры”

«Урал батыр»ҙы яттан һөйләнеләр

20.06.2019 - Мәҙәниәт һәм сәнғәт «Урал батыр»ҙы яттан һөйләнеләр


«Мәҙәниәт  хеҙмәткәрҙәре өсөн  ял юҡ»

15.06.2019 - Мәҙәниәт һәм сәнғәт «Мәҙәниәт хеҙмәткәрҙәре өсөн ял юҡ»


"Тормошҡа ашмаҫ хыялдар ҡормайым"

27.05.2019 - Мәҙәниәт һәм сәнғәт "Тормошҡа ашмаҫ хыялдар ҡормайым"


Йырсы менән бейеүсе –  шул тиклем пар килгәнсе

«Талантың булмаһа, шоу яһау ярҙам итмәй»

16.05.2019 - Мәҙәниәт һәм сәнғәт «Талантың булмаһа, шоу яһау ярҙам итмәй»


Көтөүсе булырға теләмәһәң, бейеүсе булырға мөмкин

Башҡортостандың атҡаҙанған артисы Лилиә РӘСҮЛЕВА: «Күңелем  романтикаға тартыла»

“Тормошомда осраған  һәр кешегә рәхмәтлемен”

Театр ишеген асҡас...

30.03.2019 - Мәҙәниәт һәм сәнғәт Театр ишеген асҡас...


Аҡыл менән хистәр береккәндә

25.03.2019 - Мәҙәниәт һәм сәнғәт Аҡыл менән хистәр береккәндә


Йәштәр театры һөйөндөрә

23.03.2019 - Мәҙәниәт һәм сәнғәт Йәштәр театры һөйөндөрә


«Бирешмә!» беренсе үҫмерҙәр премияһы

15.03.2019 - Мәҙәниәт һәм сәнғәт «Бирешмә!» беренсе үҫмерҙәр премияһы