RSS-подписка Вконтакте Вконтакте
» » Белорет ҡыҙы – Чикаго марафоны еңеүсеһе

16.10.2010 Белорет ҡыҙы – Чикаго марафоны еңеүсеһе

Белорет ҡыҙы  – Чикаго марафоны еңеүсеһеЯңыраҡ Башҡортостандың Белорет районы һылыуы, билдәле спортсы Лилиә Шобухова (Шәһәбалова) АҡШ-та уҙған Чикаго марафонында ҡатнашып, уның еңеүсеһе булды. Ул ғына ла түгел, яҡташыбыҙ Рәсәй рекордын 22 секундҡа яҡшыртты. Икенсе булып финишҡа Эфиопия йүгереүсеһе килһә, өсөнсө почетлы урынға тағы бер Рәсәй спортсыһы – Мария Коновалова күтәрелде. Ул еңеүсенән ике минут 25 секундҡа артта ҡалды. Эфиопия вәкиле иһә Лилиәнән ике минут та 15 секундҡа ҡалышты. Был инде спортсыбыҙҙың икенсе йыл рәттән уңышы. Шулай уҡ ул быйыл Лондонда уҙған марафонда еңеүсе булғайны.
Лилиә 1977 йылдың 13 ноябрендә Белорет ҡалаһында тыуған. Йүгереү менән инде 19 йыл шөғөлләнә. Ҙур спорт­ҡа өсөнсө синыфта уҡығанда килә. Белореттың 14-се мәктәбендә физкультура уҡытыусыһы Евгений Сен­ченко еңел атлетика секцияһына уҡыусылар йыя. Лилиәнең бөтөн синыфташтары шунда барып яҙыла. Хәҙер инде ҙур спортта улар синыфташы Га­лина Богомолова менән ике­һе генә ҡала. Галина ла ярайһы ғына уңыштарға өлгәшеп, төрлө беренселектәр еңеүсеһе һәм призеры була. Шулай уҡ ике тапҡыр йәйге Олимпия уйындарында ла ҡатнаша.
Лилиәгә тәүге уңыш 2001 йылда Рәсәй беренселегендә килә. 2004 йылда Европа беренселегенең көмөш миҙал призеры була. 2006 йылда 3000 метр араға йүгереүҙә донъя рекорды ҡуя. Шул уҡ йылда донъя беренселегендә көмөш миҙал яулай.
– Уңышҡа тик, ауырлыҡтарға бирешмәй, сәғәттәр буйына шөғөлләнеү генә килтерә, – ти Лилиә. Ул, аҙнаһына 13 күнекмә уҙғарып, йылына 850 – 900 саҡрым араға йүгерә. Шуға ла йылына ике айҙан ғына күберәк ваҡыты ғаиләһендә уҙа. Тормош иптәше Игорь менән ҡыҙы Аня һәр ваҡыт уны һағынып көтөп ала.










Оҡшаш яңылыҡтар



«Өфө»гә VAR системаһы ярҙамға килә

Бәлки, “Зенит”ҡа ла сират етер...

Олимпия уйындарына  путевка яуланылар

Линус УМАРК, “Салауат Юлаев” командаһы һөжүмсеһе: “Беҙ киләһе Гагарин  кубогын яулаясаҡбыҙ”

Синхрон йөҙөүҙә Рәсәйгә етеүсе юҡ

Рәсәй Премьер-лига  чемпионаты юлға сыға

Панарин 100 миллион  долларҙан баш тартты…

II Европа  уйындары  тамамлана

«Салауат Юлаев» клубы  пландары менән уртаҡлашты

Үҙҙәрен Бразилия уйынсылары кеүек тойҙо

«Өфө» элитала урынын һаҡлап ҡалды

Дацюк Екатеринбургҡа  юлланды

«Бронза» өсөн ҡыуанырға кәрәк

«Алтын»дан да башҡа баһа юҡ

Эштә лә, уҡыуҙа ла,  спортта ла алда баралар

Итальяндар ҙа  хоккей уйнарға өйрәнер

ЦСКА  «Гагарин»ды яуланы

ЦСКА «Гагарин»ға  бер аҙым яһаны

Улар еңелмәне…

13.04.2019 - Спорт Улар еңелмәне…


«Салауат Юлаев» сенсацияһын дауам итте

Кимәленән  сыға алманылар

Өфө боҙо тайғаҡ шул...  йәки «Автомобилист»ың шиптары шымарҙы ахыры

Милли көрәшкә – яңы һулыш

«Йәншишмә» гәзите призына