RSS-подписка Вконтакте Вконтакте
» » Мәктәп йылдарының яҡты байрамы

04.09.2010 Мәктәп йылдарының яҡты байрамы

Мәктәп йылдарының яҡты байрамы1 сентябрь – Белем байрамы. Һәр мәктәптә үҙенсә матур үтә ул. Бер-береһен ҡабатламай ҙа, һәр береһе яңы тәьҫораттар, кисерештәр уята. Рәми Ғарипов исемендәге 1-се республика башҡорт гимназияһында ла быйылғы 1 сентябрь байрамы бик матур үтте. Көндөң һыуытып тороуы ла байрамдың йәмен ебәрә алманы.
Рәми Ғарипов исемендәге 1-се республика башҡорт гимназия-интернаты – республикабыҙға бик күп шәхестәр тәрбиәләп сығарған абруйлы уҡыу йорто. Күптәр был данлыҡлы уҡыу йортонда белем алырға хыяллана. Быйыл 9-сы синыфҡа уҡырға килгән өс егеттең дә гимназияла уҡыу күптәнге ҙур хыялы була. Өсөһө өс райондан улар. Азат Ниғмәтуллин – Баймаҡтан, Илһам Факиев – Әбйәлилдән һәм Азамат ҡырғыҙбаев – Хәйбулла районынан. Әлегә бер-береһен яҡшылап белеп тә бөт­мәйҙәр, әммә тиҙҙән бер туғанынан да ҡәҙерле иң яҡын дуҫтар булып китерҙәр. 1 сентябрҙе баш ҡалала, өҫтәүенә, шундай ҙур һәм матур, республикабыҙҙың иң данлыҡлы мәктәбендә ҡаршы алыуҙарына ҡыуанып бөтә алмай улар.
– Әлбиттә, быйылғы 1 сентябрь иҫтәлекле, сөнки мин яңы мәктәптә уҡый башлайым. 1-се гимназия тураһында күптән ишетеп беләм һәм бында уҡырға теләгем көслө ине. Уҡырға инеүемә бик шатмын. Берҙән, төрлө ауыл-ҡалалар­ҙан килгән тиҫтер­ҙәрем менән уҡыуы ҡыҙыҡ булһа, икенсенән, артабан уҡырға инер өсөн төплө белем алырмын тип ышанам, – ти 8-се синыфты ике «дүртле» менән генә тамамлаусы Азат.
Мәктәп йылдарының яҡты байрамы
– Бөгөнгө байрам икеләтә ҡыуаныслы. Сөнки билдәле уҡыу йортонда уҡый башлаясаҡмын. Уҡырға инеүен ингәс, хәҙер тырышырға кәрәк буласаҡ. Гимназия оҡшай, ауыл мәктәбе кеүек түгел. ҡайһы бер синыфташтарым менән танышырға ла өл­гөрҙөм, – ти Әбйәлил районының Рәүил ауылынан килгән Илһам.
Эйе, әлегә уларға бөтә нәмә яңы һәм ят. Ә бына бында кемдәр бер нисә йыл уҡый, улар туған мәктәптәрен һағынып, си­ныфташтары, уҡытыусылары менән яңынан осрашыр көндө түҙем­һеҙләнеп көтөп алған.
– Мәктәп һағындырҙы, синыфташтар ҙа. Беҙҙең гимназия иң шәбе бит ул, бында уҡыуы иҫ киткес оҡшай. Быйыл беҙҙең өсөн айырыуса яуаплы осор. Берҙәм дәүләт имтиханын яҡшы тапшырыу өсөн тырышып уҡырға кәрәк буласаҡ. Сөнки уҡырға инеү-инмәүең дә берҙәм дәүләт имтихандарын нисек тапшырыуҙан тора, – ти 11-се «В» синыфынан Эльмира Ғәлләмова менән Илдар Өмөтбаев.
– Бөгөн – йылдың иң матур көнө. Республикабыҙҙың бөтә мәктәптәрендә Белем байрамына арналған тантаналар үтә. Гимназиябыҙҙың уңыштары бик күп. Беҙҙең уҡыу­сылар олимпиадаларҙа, төрлө конкурстарҙа уңышлы сығыш яһай. Былтыр беҙҙең мәктәпте 175 уҡыу­сы тамамлаһа, шуларҙың 174-е юғары уҡыу йорттарына уҡырға инде. Ә 27 уҡыусыбыҙ Мәскәү һәм Санкт-Петербург вуздарында белем аласаҡ. Был – һуңғы йылдарҙағы иң юғары күрһәткес. Һеҙ ҙә тырышырға, яҡшы белем алып, юғары уҡыу йорто студенты булып, республикабыҙҙың лайыҡлы шәхестәре булып үҫергә ынтылырға тейешһегеҙ, – тине гимназия директоры Әлфир Ғайсин, уҡыусыларҙы яңы уҡыу йылы башланыуы менән тәбрикләп.
Гимназияла элек-электән уҡытыуға ғына түгел, балаларҙы һәр яҡтан камил шәхестәр итеп тәрбиәләүгә лә ҙур иғтибар бирелә.
Уҡытыусылар, ветерандар коллективы исеменән ҡотлап, Гөлсирә Фазыл ҡыҙы Юлдыбаева ла:
– Аҡса бөтә, кейем туҙа, байлыҡ та юғала, белем һәм әҙәп кенә һәр саҡ ҡала. Уҡытыусы биргән белем генә етмәй, һеҙҙең тырышлыҡ кәрәк. Барыһы ла, маҡсат ҡуйып, шуға ынтылыуҙан тора. Киләсәктә милләтебеҙҙе яҡларҙай ҙур шәхестәр булып үҫеүегеҙҙе теләйем, – тип, уҡыусыларҙы оло маҡсаттарға әйҙәне.

Сажиҙә ЛОТФУЛЛИНА.
Юлай КӘРИМОВ фотолары.










Оҡшаш яңылыҡтар



Ҡыл-ҡумыҙ алиһәһе

05.10.2019 - Мәғариф Ҡыл-ҡумыҙ алиһәһе


Шатлыҡҡа ла,  борсолоуҙарға ла тулы уның йөрәге

Ата-әсәләрҙең төп хаталары

Бер бала ла юғалмаһын!

26.09.2019 - Мәғариф Бер бала ла юғалмаһын!


«Уҡыусының ихтирамы – иң ҙур баһа»

Һарытауҙың рухлы ҡыҙы

17.09.2019 - Мәғариф Һарытауҙың рухлы ҡыҙы


Рух һәм ҡөҙрәт биреүсе

12.09.2019 - Мәғариф Рух һәм ҡөҙрәт биреүсе


Бар яҡтан да килгән ул

26.08.2019 - Мәғариф Бар яҡтан да килгән ул


Эш һөйгәнде ил һөйгән

12.08.2019 - Мәғариф Эш һөйгәнде ил һөйгән


“Баламды йәберләмәгеҙ!”

“Һатып ал, һатып ал!”

28.06.2019 - Мәғариф “Һатып ал, һатып ал!”


Ата-әсәләргә кәңәштәр

08.06.2019 - Мәғариф Ата-әсәләргә кәңәштәр


Яңы мәктәп  яңы өмөттәр уята

Бала һаранлығы өсөн ун ҡағиҙә

Сәмле, тәүәккәл, һәләтлеләр!

Һорау - яуап? Балалар түңәрәктәре һәм сертификаттар

Ете бөртөк ун беренселәр

21.05.2019 - Мәғариф Ете бөртөк ун беренселәр


“Тамыр”лы бала саҡ – рухлы бала саҡ

«Тел уҡытыусыһы таш диуар кеүек булһын»

Мөһим эштәр алда әле

17.04.2019 - Мәғариф Мөһим эштәр алда әле


Һаҡ булығыҙ: йәнһүрәт!

30.03.2019 - Мәғариф Һаҡ булығыҙ: йәнһүрәт!


Ниндәй йәнһүрәтте ҡарарға мөмкин?

Белемегеҙ илгә файҙа килтерһен!

Бала рәхимһеҙлегенә юл ҡуйма!