RSS-подписка Вконтакте Вконтакте
» » Өс һөйләм менән

05.10.2010 Өс һөйләм менән

БР Президенты Рөстәм Хәми­товтың Указы менән Андрей Трухан Башҡортостан Президентының эштәр идарасыһы итеп тәғәйенләнде. Андрей Петрович Трухан 1973 йылдың 5 ноябрендә Өфөлә тыуған. 2007 йылдан әлеге ваҡытҡа тиклем Ағиҙел йылға бассейнының һыу хужалығы объекттарын һәм ҡоролмаларын файҙаланыу буйынса федераль дәүләт учреждениеһы директоры булып эшләгән.

5 – 7 октябрҙә Нефтселәр мәҙәниәт һарайында «Медицина» халыҡ-ара махсуслаштырылған күргәҙмәһе үтә. Һаулыҡ һаҡлау өлкәһендәге күргәҙмә саралары өлкәһендә Өфө экспозицияһы Урал – Волга буйында иң күләмлеһе. 1995 йылда ул Рәсәй күргәҙмәләр һәм йәрминкәләр союзының билдәһе менән бүләкләнә һәм шул ваҡыттан алып йыл һайын үҙенең юғары статусын һаҡлап килә.

Кисә Өфө дәүләт нефть техник университетында иң яҡшы студент­тарға Башҡортостан Республикаһы Президенты стипендиялары тапшырылды. Был юғары стипендияға быйыл 37 студент лайыҡ булды. Бынан тыш, һәләтле йәштәргә уҡыу йортоноң ғилми советының стипендиялары ла тапшырылды.

12 октябрҙән 21-нә тиклем халыҡтың социаль яҡланмаған ҡатламы өсөн «Социаль ҡыңғырау» акцияһы үтә. Граждандарҙың һорауҙарына психологтар, психотерапевтар, юристар, республиканың төрлө министрлыҡ һәм ведомство вәкилдәре яуап бирәсәк. Сәғәт көндөҙгө 4-тән 5-кә тиклем 223-22-11 телефоны буйынса һорауҙар ҡабул ителә.

Уҡытыусы йылы барышында Башҡортостанда «Педагог-тикшеренеүсе», «Уҡытыусы-мастер» исемдәрен тапшырыуға конкурс иғлан ителде. Конкурстың маҡсаты – һәләтле, ижади эшләүсе уҡытыусыларҙы асыҡлау, уңышлы проекттарҙы, педагогик эҙләнеүҙәрҙе, тәжрибәләрҙе, программаларҙы, ғилми-методик эшмәкәрлекте өйрәнеү. Конкурс ике этапта үтә: һайлап алыу туры – 22 – 30 ноябрҙә, финал – 15 – 16 декабрҙә.

Конгресс-холда Башҡортос­тандың йәш эшҡыуарҙарын бүләкләү тантанаһы уҙҙы. Быйыл беренсе тапҡыр уҙғарылған йәш эшҡыуарҙар конкурсында гран-приға Салауат ҡалаһынан Эдуард Мәүлиханов лайыҡ булды. Уға 150 мең һум күләмендә төп премия тапшырылды.

Башҡортостандың биш мәктәбе «Милли байлыҡ – 2010» тигән почетлы статусҡа эйә булды. Улар – Октябрьский ҡалаһының 13-сө дөйөм урта белем биреү мәктәбе, Күмертау ҡалаһының 9-сы мәктәбе, Бөрө ҡалаһының 9-сы мәктәбе, Бәләбәй ҡалаһының 1-се башланғыс мәктәп – балалар баҡсаһы, Өфө ҡалаһының балаларға өҫтәмә белем биреү йәкшәмбе мәктәбе. Юғары наградалар хужаларына Мәскәүҙә Уҡытыусы йылына арналған оло тантанала тапшырылды.

Мәсетле районының Оло Ыҡ­тамаҡ ауылының 1-се лицейының директоры Иван Могильников – «Мәктәп директоры – 2010» Бөтә Рәсәй конкурсының «Яратҡан директор» номинацияһында иң тәүге бишәү иҫәбендә. Конкурстың сайтында хәбәр ителеүенсә, Башҡортостан вәкиле өсөн 6822 кеше тауыш биргән, һәм ул дүртенсе урында килә. Иван Петровичтың педагогик стажы 18 йыл, шуның 14 йылын директор булып эшләй.

Республика Төҙөлөш һәм архитектура буйынса дәүләт комитеты рәйесе Хәлит Мәхмүдов хәбәр итеүенсә, Өфө тимер юл вокзалының беренсе сираты йыл аҙағына тиклем файҙаланыуға тапшырылырға тейеш. Уны тамамлау өсөн 170 млн һум аҡса талап ителә. Әлеге көнгә республика бюджетынан 20 млн һум аҡса бүленгән.

С. ЛОТФУЛЛИНА әҙерләне.










Оҡшаш яңылыҡтар



Ялған паспорт менән – кредит

Китәләр...

23.10.2019 - Йәмғиәт Китәләр...


Юлдарҙа "Бурыслы" операцияһы башланды

Фотоларҙа – тарих

16.09.2019 - Йәмғиәт Фотоларҙа – тарих


Суд приставтарына һорауҙарығыҙ булһа…

"Ҡыҙыу линия" эшен дауам итә

08.09.2019 - Яңылыҡтар таҫмаһы » Йәмғиәт "Ҡыҙыу линия" эшен дауам итә


Һайлауҙа алған беләҙектәрегеҙҙең файҙаһын күрегеҙ

08.09.2019 - Яңылыҡтар таҫмаһы » Йәмғиәт Һайлауҙа алған беләҙектәрегеҙҙең файҙаһын күрегеҙ


Кишер һабағы менән помидор маринадлау

"Йәшлек" гәзите БР Башлығы грантына лайыҡ булды!

Генерал Шайморатовҡа һәйкәл ниндәй булырға тейеш?

«Һыу хатаны ғәфү итмәй!»

25.07.2019 - Йәмғиәт «Һыу хатаны ғәфү итмәй!»


Аҙыҡ-түлекте ташлау –  яҙыҡ эш

Ҡартлыҡты артҡа сигендереп

Радий Хәбиров юл ҡағиҙәләрен өс тапҡыр боҙоусыларҙы руль артына ебәрмәҫкә тәҡдим итте

«Росгосцирк» Өфө циркын тергеҙеүгә 1 млрд һум һалырға планлаштыра

Өйҙөң йәме – бала менән

08.07.2019 - Йәмғиәт Өйҙөң йәме – бала менән


Бабич ҡалҡты һәйкәл булып!

V Бөтә донъя башҡорттары  ҡоролтайының программаһы 28 – 29 июнь, 2019 йыл

Башҡортлоҡ

28.06.2019 - Йәмғиәт Башҡортлоҡ


Яҙһа - яҙа ла ҡуя!

14.06.2019 - Йәмғиәт Яҙһа - яҙа ла ҡуя!


Лайыҡлылар билдәләнде һәм бүләкләнде!

Ижадсының бай мираҫына урын табылырмы?

Юлда яңғыҙың түгел!

28.05.2019 - Йәмғиәт Юлда яңғыҙың түгел!


Янғынға ҡаршы көрәштә  ялҡын ҡабынды йөрәктә