RSS-подписка facebook facebook Вконтакте Вконтакте
» » Йөйәктә лә мәсет буласаҡ

05.10.2017 Йөйәктә лә мәсет буласаҡ

Йөйәктә лә  мәсет буласаҡ
Белорет районының Йөйәк ауылынан Рәхимйән Ғәләүетдинов хаҡлы ялға сыҡҡас намаҙға баҫҡан. 39 йыл тимер юлында эшләгән уҙамандың фиҙакәр хеҙмәте бихисап Маҡтау грамотаһы менән баһаланған. Өфө тимер юлы вокзалында ла маҡтаулы тимер юлсының фотоһүрәте Почет таҡтаһында эленеп тора.

«Ғүмерем эш менән үткән, иртәрәк намаҙға баҫырға кәрәк булған. Күңелемдә һәр саҡ дингә инаныу, иман йәшәне. Эшкә йөрөгәндә лә һәр саҡ «Әл-Фатиха», «Аятел-Көрси», «Ихлас» сүрәләрен уҡып, үҙемсә ниәт ҡылып йөрөй торғайным. Хаҡлы ялға сыҡҡас, дин тәғлимәтен ныҡлап өйрәнә башланым. Рәсәй ислам университетының курс­тарында ла уҡыйым. Күңел һәр саҡ иманға тартылды. Атай беҙҙең нәҫелде, мөфтөй аралары, ти торғайны», – ти ул иманға килеүе хаҡында. Ул динебеҙ ғәмәлдәрен ауыл аҡһаҡалы Исламетдин Хәлиловтан да өйрәнә. Дин эштәрен башҡара башлағас, меңдән ашыу кеше йәшәгән ауылда мәсет булмауы уның күңеленә тынғы бирмәй. Аҡһаҡалдар менән һөйләшеп, йыйылыш йыйып, мәхәллә булдырырға, иман йорто төҙөү өсөн халыҡтан аҡса йыйырға, бағыусылар табырға ҡарар итәләр. Йөйәк ауыл хакимиәте башлығы Шәүкәт Салауатов уларҙың тәҡдимен хуплай һәм ярҙам итергә вәғәҙә бирә. Ауыл халҡынан, ярҙам итергә теләк белдергән ситтә йәшәүсе ауылдаштарынан йөҙ мең һумдан ашыу аҡса йыйыла. Шуға бурса быстырып алалар. Урман хужалығы директоры урынбаҫары Мансур Сәйғәфәровтың был эштә өлөшө ҙур була: таҡта менән дә ярҙам итә, үҙенең техникаһы менән барлыҡ төҙөлөш материалдарын килтереп бушата. Нигеҙ өсөн 50 тоҡ цементты Асы егете, эшҡыуар Радик Нур­мөхәмәтов бирә. Айрат Ҡәйүмов өҫтәп, күп материал килтерттерә. Нигеҙ ҡороу эшен Ғәзиз Сә­лимйәнов, Фәнил Шаһи­солтанов, Фәнил Мөхәр­ләмов, Әсҡәт менән Ришат Ғәләүетдиновтар тиҙ арала атҡарып ҡуя. Хатта, оло йәштә булыуына ҡарамай, 80 йәшлек Абдулла Миһранов та улар­ға ярҙамлашып йөрөй. Мәсеттең стеналарын күтәргәндә Радим Са­лауатов үҙенең техникаһын алып килеп, төҙөүселәргә эште еңеләйтә, урмандан балка өсөн ағас сығарып бирә. Иман йорто төҙөү – үтә лә сауаплы эш. Йөйәктәр ҙә быны аңлап, изге эшкә дәррәү ҡушыла. Төҙөлөш эшендә Фәнил, Урал, Әмир Мөхәр­ләмовтар, Хәлфит Сәй­ғәфәров, Вәхит Баһауетдинов, Илнур Ус­манов, Әнүәр, Илмир Закировтар, Сәлимйән Әбдрә­хи­мов, Ринат һиҙиәтов ҙур ярҙам итә. Пенсионерҙар Әх­мәтйән Исхаҡов менән Вәкил Усманов төҙөлөш башланғандан алып аҙағына тиклем ҡатнаша. Салауат Зәйнә­ғәбдинов үҙенең машинаһы менән төҙөлөш материалдары ташый. Улдары, оҫта ҡуллы егеттәр Илдар һәм Илнур менән мәсеттең манараһын да эшләп ҡуялар. Бурсанан 75 квадрат метр майҙанлы бик күркәм ғибәҙәт йорто ҡалҡып сыға. Эш ауыл старостаһы Ринат Шәйбәков ойошторған иртәнге кәңәшмәнән тыш башланмай. Ул үҙе лә эштең уртаһында ҡайнай. Ә Фәрит Сәхәүет­динов бөтөн финанс эштәрен алып бара. Иман йортона профнастил алыуҙа Булат Юла­манов, Нур Шаһисолтанов бағыу­сылыҡ ярҙамы күрһәткән, Альберт Сәфәр­ғәлин евротәҙрәләр вәғәҙә иткән. Күмәкләгән – яу ҡайтарған, тигәндәй, ҡыҫҡа ваҡытта йөйәктәр иман йортон шулай төҙөп тә ҡуйған. Тәҙрәләр ҡуйылып, мейес сыға­рылһа, бина тиҙҙән сафҡа инәсәк. Уны киләһе йылда ауылда үтәсәк Шәжәрә байрамында тантаналы асырға ниәтләйҙәр.

З. ЙӘҺҮҘИНА.

Йөйәктә лә  мәсет буласаҡ







Комментарий өҫтәргә


    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent


Оҡшаш яңылыҡтар



Ҡайғы-хәсрәттәргә сабыр итеп доға ҡылыу

Намаҙ уҡыуҙың әжере

13.09.2019 - Иман Намаҙ уҡыуҙың әжере


Бойоҡҡанда һәм борсолғанда уҡыла торған доға

Иҫерткес эсемлек эскәндең  доғаһы 40 көн буйына ҡабул булмаҫ

100 һумлыҡ сәфәр

30.08.2019 - Иман 100 һумлыҡ сәфәр


Фәһемле төштәр хаҡында

Изгелекте күберәк эшлә, Хоҙай сауабын бирер

Ҡорбан салыу – шәфҡәтлелек, мәрхәмәтлелек, рәхимлелек билдәһе

Мөғжизәле йомортҡа

09.08.2019 - Иман Мөғжизәле йомортҡа


Күҙ тейгәндә уҡыла торған доғалар

Кешене изге ғәмәлдәре ҡотҡара

Зөлхизә айында намаҙ ваҡыты

Көнсөлдәрҙән Хоҙайға һыйынығыҙ

Саҙаҡа бәләнән һаҡлар

Йөрәк бәйләнеше

19.07.2019 - Иман Йөрәк бәйләнеше


Зөлҡәғиҙә айында намаҙ ваҡыты

Күҙ тейгәндә уҡыла торған доғалар

Ураҙа тотоу – изге ғәмәл...

Өйрәнәйек доғалар!

04.06.2019 - Иман Өйрәнәйек доғалар!


Хоҙай ураҙаларыбыҙҙы ҡабул итһен!

Ғәйет намаҙы нисек уҡыла?

Шәүүәл айында намаҙ ваҡыты

Мулла рухын шатландырып

Тыуған көндә аят уҡытайыҡ