НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

"Йондоҙло табын"
Яңылыҡтар таҫмаһы / Объявления // Сегодня, 06:00


"Йондоҙло табын"
Мостай Кәрим исемендәге Милли йәштәр театрының иң талантлы актерҙарының береһе Аида КҮЛБАЕВА бөгөн “Йәшлек” гәзите уҡыусыларына үҙенең аш-һыу серҙәрен сисә.

Алдаҡ кәтлиттәр
8 ҡалаҡ һоло онтағын (“Геркулес” ярмаһы) өс йоморт­ҡа менән туҡып, бер аҙ ултыртып торорға. Табаға аҙ ғына үҙемлек майы ҡойоп утҡа ултыртырға ла, һоло массаһынан бәләкәй ҡоймаҡтар яһап, ике яҡлап ҡыҙарғансы ҡыҙҙырырға. Шул арала бер стакан һыуға бер шаҡмаҡ “Магги” йәки “Галина Бланка” ҡоро һурпаһын һалып иҙергә. Уны ҡыҙҙырыл­ған кәтлиттәр өҫтөнә ҡойоп, табаның ҡапҡасын ябырға ла, 20 минут талғын утта быҡ­тырыр­ға. Табынға ҡайнар килеш тә, һыуытып та бирергә мөмкин.

Тултырылған картуф
Уртаса ҙурлыҡтағы бәрәңгеләрҙе әрсеп, үткер бысаҡ менән эсен соҡоп алырға. Урынына алдан әҙерләнгән ит иҙмәһен тултырып, кәстрүлгә матур ғына итеп теҙеп сығырға. Тоҙло һыу ҡойоп, талғын утта әҙер булғансы бешерергә.
Иҙмә өсөн артыҡ майлы булмаған һарыҡ итен ит үткәргестән үткәреп, тоҙ, борос, ваҡлап туралған һуған, ҡырылған кишер һалып бутарға кәрәк.


Тоҙлоҡ

Алда яҙып үтелгән ризыҡтар­ҙы табынға махсус әҙерләнгән соус менән бирергә була. Уның өсөн 250 грамм ҡаймаҡҡа 5 бүлкәт һарымһаҡты иҙеп һалырға ла, тоҙ, борос өҫтәп, яҡшылап туҡырға. Был соусты шулай уҡ табынға башҡа төр ризыҡтарға ла ҡушып бирергә мөмкин.

Гөлнур ЮЛДАШЕВА яҙып алды.
...

Тырыштар уңышҡа өлгәште
Объявления / Булат Солтангәрәев исемендәге республика премияһы // 5-06-2018, 15:04


Тырыштар уңышҡа өлгәште
Булат Солтангәрәев исемендәге республика уҡыусылар премияһына лайыҡ булыусыларҙы ҡотлайбыҙ!

Үткән аҙнала Булат Солтангәрәев исемендәге республика уҡыусылар ярышына йомғаҡ яһаныҡ һәм бәйге шарты буйынса еңеүселәрҙе Һуңғы ҡыңғырау байрамына барып ҡотланыҡ.
I – III премияларҙы алыусылар республиканың төрлө төбәгендә йәшәһә лә, 24 – 25 майҙа үткән тантаналарҙа уларҙы ҡотлай алдыҡ. Шулай итеп, күмәкләшеп бик матур һәм сауаплы эште башҡарҙыҡ. Еңеүселәр быйыл күберәк булды: I премияны – бер, икенсене – өс, өсөнсөнө дүрт кешегә бирергә ҡарар иттек....

Һәләтле балалар – беҙҙең киләсәгебеҙ
Яңылыҡтар таҫмаһы / Объявления // 4-06-2018, 11:35


Һәләтле балалар – беҙҙең киләсәгебеҙ
«Беҙҙең ғаилә таланты» видеоконкурсында ҡатнашыусы малай-ҡыҙҙарҙың барыһы ла тормошта үҙ юлын табырына ышанысыбыҙ ҙур

Ғаилә – тормошобоҙҙоң нигеҙе, дәүләтебеҙҙең киләсәге. Матур ғаилә ҡороп, бер-береңде хөрмәтләп, ярҙамлашып йәшәү – һәр беребеҙҙең изге бурысы. «Йәшлек» гәзите иғлан иткән мәктәпкәсә йәштәге балалар араһында «Беҙҙең ғаилә таланты» видеоконкурсы юҡҡа ғына 1 мартта – Башҡорт ғаиләһе көнөндә башланып, 1 июндә – Халыҡ-ара балаларҙы яҡлау көнөндә тамамланманы. Сөнки тап татыу ғаиләләрҙә тырыш, уңған, тәүфиҡлы, аҡыллы балалар үҫә. Кескәй балаһының тәүге һәләттәрен күреп, бәхетле ми­нуттар кисергән, сикһеҙ ғорурланған ата-әсәләр арабыҙҙа бик күп. Йырлаһа – тауышы, бейеһә – дәрте, эшләһә, ҡулы бар, тигәндәй, «Бәй­ләнештә» сайтында күптәр балаһының ижади һәләтен мәңгеләштергән видеояҙмалары менән бүлеште. «Йыр», «Бейеү», «Телмәр» һәм «Һөнәр оҫтаһы» номинацияларына иғлан иткән бәйгебеҙҙә ҡатнашыусылар күп кенә булды, шөкөр. Шулай итеп, конкурсҡа һөҙөмтә яһарға ла ваҡыт етте. Ә балалар­ҙы баһалауы һис еңелдән түгел – һәр береһе үҙенсә талантлы һәм һөйкөмлө....

Наҙгөл КЕЙЕКБИРҘИНА
Объявления / Йәшлек гүзәле // 28-05-2018, 12:47


Наҙгөл КЕЙЕКБИРҘИНА
Наҙгөл Зариф ҡыҙы Кейекбирҙина булам. 1998 йылдың 4 октябрендә Баймаҡ районының Йылым ауылында был йәмле донъяға килгәнмен.
Әле Өфө дәүләт авиация техник университетының икенсе курсында программалаусы һөнәрен үҙләштерәм. Бала саҡтан компьютер техникаһы менән ҡыҙыҡһындым һәм роботтар эшләргә хыялланып үҫтем. Уҡыуымдан буш ваҡытта төрлө ҡул эштәре менән мауығам. Был һөнәремә әсәйемә рәхмәтлемен, бөтә сабырлығын һалып, оҫталыҡҡа өйрәтте.
Аллаһы Тәғәлә ҡатын-ҡыҙҙы матурлыҡ, тәрбиәлелек өлгөһө итеп яралтҡан. Шуның өсөн дә ошо юлдан тайпылмай, илемә һәм ғаиләмә кәрәкле кеше булып йәшәү – тормош маҡсатым. “Кеше иң беренсе эше менән матур булырға тейеш” тигәнде лә онотмайым....

Дымлама
Яңылыҡтар таҫмаһы / Объявления // 27-05-2018, 07:00


Дымлама
Дымлама ҡаҙанда әҙерләнә. Уға төтөн еҫе һеңгәс, йәшелсәһе лә күп булғас, бик тәмле, үҙенсәлекле ризыҡ килеп сыға. 1 кг ит (майлыраҡ булһа яҡшы), 4 уртаса ҙурлыҡтағы кишер, 1 кг кәбеҫтә, 5 – 6 помидор, 2 баш һарымһаҡ, 2 – 3 баклажан, 4 эре һуған, 3 – 4 татлы борос, петрушка, укроп, әнис, тоҙ, ҡара борос алына. Ҡаҙанға көнбағыш майы һалып ҡыҙҙырғас, итте эре киҫәктәргә бүлеп, уның өҫтөнә тоҙ, борос, һуған, һарымһаҡ һалырға. Икенсе ҡатламға түңәрәкләп киҫелгән кишер, һуңынан эре киҫәктәргә бүленгән кәбеҫтә, баклажан, татлы борос һалына, иң өҫкә помидор теҙергә. Һәр бер ҡат һайын тоҙ менән борос, йәшел тәмләткестәр һибергә онотмағыҙ.
Йәшелсәләрҙе ҡатлап теҙгәндә оҙағыраҡ бешкәндәре иң аҫҡы ҡатҡа һалына. Ҡаҙанды ике-өс сәғәт талғын утта быҡтырырға. Әлбиттә, дымламаны газ плитаһында лә бешерергә була, әммә тәбиғәттә усаҡта төтөндә ыҫланып, ул тәмле булып бешә....

Яҙ бәшмәге – бүрекбаш
Яңылыҡтар таҫмаһы / Объявления // 26-05-2018, 07:30


Яҙ бәшмәге – бүрекбаш
Яланғас урманда иң тәүге бәшмәктәр – бүрекбаш бәшмәктәре (сморчки) күҙгә салына башлай. Уларҙы күберәк уҫаҡ, йүкә, имәндән торған урманда табыуы еңелерәк. Ғәҙәттә, йыл һайын бер тирәлә үҫәләр. Бәшмәктең эшләпәһе һарғылт- йәшел төҫтә, конус рәүешендәрәк, бөрөшөп торған була. Эсе тәүҙәрәк аҡһыл һары мамыҡты хәтерләтә, аҙаҡ ҡыуышҡа әйләнә. Уны көрпә һымаҡ тәңкәләр ҡаплап ала.
Бүрекбаш бәшмәген шартлы рәүештә ашарға яраҡлылар иҫәбенә индерәләр. Уны ҡыҙҙырып йәки киптереп, ашҡа һалып та ашайҙар.

Ҡаймаҡ менән бүрекбаш бәшмәге
Бәшмәктәрҙе йыуып, 15 минут тоҙло ҡайнар һыуҙа ике тапҡыр ҡайнатып алып, һыуын түгеп, яңынан һалҡын һыуҙа сайҡарға. Телемләп турап, борос һалып, табала ҡыҙҙырырға. Әҙер булғас, бер аҙ он һалып бутарға, ҡаймаҡ өҫтәп, тағы һүрән утта тоторға. Һуңынан ҡырылған сыр өҫтәп, 15 минутҡа духовкаға ҡуйырға....

Йомғаҡ яһалды. Алда – бүләкләү!
Объявления / Булат Солтангәрәев исемендәге республика премияһы // 23-05-2018, 17:28


Йомғаҡ яһалды. Алда – бүләкләү!
Булат Солтангәрәев исемендәге республика уҡыусылар конкурсының быйылғы ярышы тамам!
21 май, дүшәмбе көн редакциябыҙҙа айырыуса ҡыҙыу үтте. Нимә булды тиерһегеҙ – уҡыусылар ижади бәйгеһенә йомғаҡ яһаныҡ. БДУ-ның журналистика кафедраһы профессоры Тимерғәле Килмөхәмәтов рәйеслегендәге баһалама комиссияһы гәзиттә баҫтырылған эштәрҙе ҡараны, үҙенең фекерен белдерҙе.
- Бына дүртенсе йыл рәттән “Йәшлек”тәр бик матур эш башҡара, - тип белдерҙе Тимерғәле Әбделнәғим улы. – Балалар бер-береһенән күреп сәмләнеп ярыша, конкурс уларҙы дәртләндерә, ҡанатландыра. Эштәрҙә етди фекерләү бар, хикәйәләр фантазия менән ысынбарлыҡ аша көндәлек проблемалар өҫтөндә уйландырырға мәжбүр итә. Уҡыусыларҙы әҙерләгән башҡорт теле һәм әҙәбиәте уҡытыусыларына рәхмәт, балаларға аҡыл һәм яҙыу культураһы биргәндәр....

Ҡоймаҡтан ҡабымлыҡ
Яңылыҡтар таҫмаһы / Объявления // 22-05-2018, 07:00


Ҡоймаҡтан ҡабымлыҡ
4 йомортҡа, 2 ҡалаҡ майонез, 1 ҡалаҡ он, крахмал, тоҙ һалып ҡоймаҡ ҡамыры эшләп, бешерергә.
Эслеккә ҡыҙҙырылған ит иҙмәһе йәки туралған краб таяҡсалары әҙерләргә. Ҡоймаҡ һыуынғас, майонезға турал­ған укроп, ваҡ ҡырғыстан үткәрелгән һарым­һаҡ, борос һалып әҙерләнгән соусты һыларға. Өҫтөнә эслекте һалып, төрөп, табынға ҡуйырға.
Шулай уҡ сырҙы, һарымһаҡты ҡырғыс аша үткәреп, укроп ҡушып, майонез менән бутап һалырға ла була. Бына тигән ҡабымлыҡ килеп сыға. Уны бер сәғәткә һыуытҡыс­ҡа ҡуйып торорға, табынға телгеләп би­рергә кәрәк....

Наҙгөл БАЙЕГЕТОВА
Объявления / Йәшлек гүзәле // 22-05-2018, 07:00


Наҙгөл БАЙЕГЕТОВА
Баймаҡ районының Үрге Таулыҡай ауылынанмын. Әлеге ваҡытта 9-сы класта белем алам.
Үҙем тураһында әйткәндә, буш ваҡытымды юҡҡа үткәрергә тырышмайым. Бәйләргә, аш-һыу әҙерләргә яратам. Төрлө конкурстарҙа, олимпиадаларҙа призлы урындарҙы яулайым, мәктәптә гел “дүртле” һәм “бишле” билдәләренә генә өлгәшәм. Фотоһүрәт төшөрөү менән мауығам, киләсәктә лә ошо профессия менән шөғөлләнергә йыйынам.
Матур, татыу ғаиләлә тәрбиәләнәм: атай-әсәйем, ағайым, апайым һәм һеңлем бар. Уларҙан өлгө алам.
“Тырышҡан – ташҡа ҡаҙаҡ ҡаҡҡан”, – ти халыҡ мәҡәле. Маҡсатым – имтихандарҙы уңышлы тапшырып, уҡыуымды артабан дауам итеү....

Тауыҡ итенән ҡатыҡта әҙерләнгән шешлек
Яңылыҡтар таҫмаһы / Объявления // 19-05-2018, 08:00


Тауыҡ итенән ҡатыҡта әҙерләнгән шешлек
1, 5 кг тауыҡ ите, ярты литр ҡатыҡ, бер баш һарымһаҡ, 4 һуған, тоҙ, борос кәрәк.
Тауыҡты бүлгеләп, полиэтилен ҡапсыҡҡа һалырға, шунда уҡ кефир, ҡырғыстан үткәрелгән һарымһаҡ, һуған, тоҙ менән борос өҫтәргә лә, яҡшылап бутарға. Һуңынан ҡапсыҡты яҡшылап бәйләп, берәй ауыр нәмә аҫтына 2 – 3 сәғәткә ҡуйып торорға. Бәйләр алдынан ҡапсыҡтың һауаһын мөмкин тиклем сығарырға кәрәк, юҡһа, шартлаясаҡ. Аҙаҡ инде барыһы ла ҡәҙимгесә эшләнә – итте шампурға теҙәһең дә, ҡыҙҙыраһың....


  • Мүк өҫтөндә бөрлөгән (Хикәйә)
  • Дилүзә БАЙСУРИНА
  • Изгелек ерҙә ятып ҡалмай
  • «Шундай матур, шундай йылы Уйлап сығарған донъям…»
  • Балаларығыҙ хаҡына үҙегеҙҙә ҡайғығыҙҙы еңерлек көс табығыҙ
  • 10 июнь – Ҡәҙер кисе
  • Билдәле актер Азамат Хәлилов вафат булды
  • Тырыштар уңышҡа өлгәште
  • Үәт, ҡыҙыҡ! (8.06.2018)
  • Бала ҡуйындағы йыланға әйләнмәһен



  • Радио Юлдаш FM