«Йәшлек» гәзите » Иҡтисад » Сибай балалары Ҡырымда бушлай ял итәсәк



18.01.2019 Сибай балалары Ҡырымда бушлай ял итәсәк

Башҡортостан Башлығы вазифаһын ваҡытлыса башҡарыусы Радий Хәбиров Ҡырым Башлығы Сергей Аксенов менән осрашты. Осрашыу барышында социаль, мәҙәни һәм сауҙа - иҡтисади өлкәлә хеҙмәттәшлек итеү мәсьәләләре тикшерелде. Ике көнлөк эш сәфәрендә Ҡырым етәксеһе Өфөнөң сауҙа һәм социаль объекттары менән таныша.

Сибайҙа карьерҙа руда яныуын белгәс, С. Аксенов ҡалалағы 500 баланы үҙҙәрендә бушлай ял итергә һәм һаулығын нығытырға саҡырған.

Егет- ҡыҙҙар, төйөнсөктәрегеҙҙе төйнәй башлаһағыҙ ҙа була. Көкөртлө төтөн еҫкәп, йүткереп йөрөгәнсе, дингеҙ һауаһын һулап, йылы ҡышты күреп ҡайтырһығыҙ. Барыһы ла бара алмаҫ, әлбиттә. Хроник сирлеләргә өҫтөнлөк бирелһә, тағы ла яҡшыраҡ булыр ине, әлбиттә.





Автор: Зөһрә ЙӘҺҮҘИНА
Фото: Олег Яровиков
Источник: bashinform.ru


Сайтҡa күcергәБаҫып cығарырға