29.09.2018 Көҙгөһөн ағастар ниңә сәскә ата?
Август, хатта сентябрь айында ла емеш ағастарының сәскә атыуын күргәнегеҙ барҙыр. Нилектән шулай була һуң?
Был күренештең фәнни аңлатмаһы шунан ғибәрәт: яҙ йылы, ҡоро булһа, ҡыуаҡ сәскә атҡан ваҡытта үҙендә булған туҡлыҡлы матдәләр запасын тулыһынса сарыф итеп бөтөрмәй. Йәй йылы, ямғырлы булһа, фйҙалы матдәләр, дым тағы ла өҫтәлә. Тимәк, сәскә атыу осоронда була торған уңайлы шарттар барлыҡҡа килгән: көндөҙгө температура менән төнгөһө лә йылы, дым етә һ. б.