НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Картуф бесән аҫтында үҫә
Экономика / Үҙ эшеңде башла! // 4-07-2018, 08:00


Картуф бесән  аҫтында үҫә
Йортобоҙ һаҙлыҡлы урында ултыра. Шуға ла июнь айында ла баҡса еребеҙ кипмәй. Картуфты күп йылдар инде бесән аҫтында үҫтерәбеҙ. Был ысул баҡсалағы эште лә еңеләйтә. Сүбен утарға ла, күмергә лә кәрәкмәй. Картуфты 20 – 25 см ҡалынлығында бесән йәки һалам менән ҡапларға кәрәк. Алдан шыттырылғаны тиҙ сыға. Дым яҡшы һаҡлана. Көҙ еткәс, һаламын ғына йыйып алаһың, картуфты тупраҡтан таҙартырға ла кәрәкмәй. Һарай янында кәбән, эҫкерт ултыртылған урында һеҙ ҙә ошо ысул менән картуф сәсеп ҡарағыҙ.
В. НУРИЕВ.
Илеш районы.
...

Июлдә баҡса эштәре
Экономика / Үҙ эшеңде башла! // 3-07-2018, 08:00


Июлдә баҡса эштәре
Июль – баҡсасылар өсөн мәшәҡәтле осор. Был айҙа улар түтәлдәрҙәге сүп үләндәрен утай, ҡоротҡостарға ҡаршы көрәшә, ултыртҡан йәшелсәһенә һыу һибә.
Июлдә еләк өлгөрә, ҡарағат, крыжовник, сейә бешә. Емеш ағастарына ике аҙнаға бер мәртәбә генә һыу һибергә мөмкин. Емештәрен йыйып алғас, фосфор-калий ашламалары менән туҡландырығыҙ. Еләкте йыйғандан һуң, мыйыҡтарын ҡырҡырға онотмағыҙ. Емеше өлгөргәндә зарарлы ҡорт төшкән ағастарҙы эшкәрткәндә химик препараттар ҡулланыу тыйыла. Тәмәке, һуған, һарымһаҡ төнәтмәләрен генә һибергә мөмкин.
Ҡыяр мул уңыш бирһен тиһәгеҙ, кесерткәндән үҫемлектәрҙе туҡландырыу өсөн шыйыҡса әҙерләгеҙ. Ул тупраҡты файҙалы матдәләр менән байыта. Кишер, сөгөлдөргә бер биҙрәгә бер стакан иҫәбенән тоҙло һыу һибегеҙ. Сөгөлдөрөгөҙ баллыраҡ булыр. Помидорҙы тиреҫле тупраҡҡа ултыртмағыҙ, ундай тупраҡ япраҡҡа, ботаҡҡа күп көс бирә. Сәскә атҡас, әсетке һибегеҙ. Һыйыр тиҙәгенән яһалған әсеткегә һыу ҡушып, төптәренә һибеү ҙә файҙалы. Помидорҙа фитофтороз булмаһын өсөн йод иретмәһен ҡулланығыҙ. Баклажан менән борос мул уңыш бирһен һәм улар һеркәләнһен өсөн даими һелкетеп тороғоҙ.

...

Үҙе бәләкәй булһа ла, зыяны…
Экономика / Үҙ эшеңде башла! // 1-07-2018, 08:00


Үҙе бәләкәй булһа ла, зыяны…
Ҡырмыҫҡа урман санитары булһа ла, баҡсасылар өсөн ул баҡса ҡоротҡосо. Сөнки үҫемлектәрҙе сирләтеп, ерҙә иләүҙәр эшләйҙәр. Был мәшәҡәт тыуҙырыусы нәҙекәйбилдәрҙән нисек ҡотолорға?
1. Ҡырмыҫҡа ҡырҡыу еҫте яратмай. Уларҙы ҡурҡытыу өсөн ыҫланған балыҡ башы, помидор һабағы, һарымһаҡ һабағы һалырға ярай.
2. Ояларына эҫе көл һибегеҙ. Йөрөгән юлдарына көнбағыш майына шампунь, аш һеркәһе һалып эшләнгән шыйыҡсаны һалырға була. Һуңынан иләүҙе ҡаплап ҡуйығыҙ.
3. Тәмәке, эзбиз һалырға ла мөмкин.
4. Ҡырмыҫҡаларҙы юҡ итеү өсөн эҫе һыу йәки кәрәсин һибергә лә була.
5. Нәҙекәйбилдәргә татлы ҡапҡан эшләргә лә мөмкин. Бының өсөн бер ҡалаҡ шәкәргә ярты ҡалаҡ бор кислотаһы һалып, ярты литр һыуҙа иретегеҙ ҙә, ҡырмыҫҡалар йөрөгән урындарға ҡуйығыҙ....

Ни өсөн һарымһаҡ һарғая?
Экономика / Үҙ эшеңде башла! // 24-06-2018, 08:00


Ни өсөн һарымһаҡ һарғая?
1. Көҙгөһөн һарымһаҡты иртәрәк ултырт­һағыҙ, ул һарғаясаҡ. Шуға ла уны октябрҙең икенсе яртыһында ултыртырға кәрәк. Шытып өлгөрмәҫкә тейеш.
2. Яҙғыһын ҡырау йыш булһа ла һарғая.
3. Көндәр эҫе торғанда йышыраҡ мул итеп һыу һибегеҙ. Дым етмәгәндә был үҫемлек һулый башлай.
4. Һарғайыуға һуған себене кеүек ҡорттар ҙа сәбәпсе. Шуға ла һарымһаҡҡа көл һибеп тороғоҙ. Янына кишер сәсһәгеҙ, бигерәк тә яҡшы.
5. Бәшмәк ауырыуҙары булмаһын өсөн һарымһаҡты ултыртҡанда уны эшкәртегеҙ.
6. Калий етмәгәндә лә һарымһаҡ һарғая. Тупраҡты калий сульфаты менән туҡландырығыҙ....

Көл менән һабындан бөжәктәр ҡурҡа
Экономика / Үҙ эшеңде башла! // 17-06-2018, 07:30


Көл менән һабындан бөжәктәр ҡурҡа
Баҡсасылар, кәбеҫтә үҫтерә алмайым, ҡорт ашай, йә күсәнләнмәне, тип зарлана. Минең баҡсамда ул емерелеп уңа. Был йәшелсә дым ярата. Уға көн һайын бер төпкә бер күнәк иҫәбенән йылымыс һыу һибәм. Аҙнаһына бер мәртәбә кер һабыны иретмәһен бөркәм. Июль айында шулай эшләгәндә, бер бөжәк тә булмай. Күсәне күренә башлағас, кәбеҫтә күбәләктәрен ҡурҡытыу өсөн ике тапҡыр еҫле тәмәке һибәм. Көлдө лә йыш ҡулланам. Ул бер яҡтан ашлама булып торһа, икенсенән, зарарлы бөжәктәрҙе, ҡарышлауыҡтарҙы ла үлтерә. Көлгә кер һабыны ҡушып, кәбеҫтә япраҡтарына һалырға мөмкин. Йәшелсә үҫтергәндә бер ниндәй ҙә химик препаратты ҡулланмайым. Һыйыр тиҙәген әсетеп һалһаң, кәбеҫтә ҡотороп үҫә. Үҫтереп ҡарағыҙ. Тиҙ өлгөрә торған кәбеҫтәләрем үҫеп етеп, күсәне ярыла башлаһа, уны 180 градусҡа бороп ултыртам. Тамырҙары өҙөлгәс, һабаҡта үҫмәй, һулымай ҙа.

З. САФИНА.
Ҡырмыҫҡалы районы....

Помидорҙың уңышын нисек арттырырға?
Экономика / Үҙ эшеңде башла! // 10-06-2018, 08:00


Помидорҙың уңышын нисек арттырырға?
Башҡа йәшелсә культуралары кеүек, помидор ҙа үҙенә иғтибар талап итә, шунһыҙ юғары уңышҡа өмөтләнәһе түгел. Үҫентене асыҡ тупраҡҡа ултырт­ҡас, яҡшы итеп һыу һибеп, ашламалар менән туҡландырһаң, ул бик көслө итеп тармаҡлана. Тамыры көслө булһа, уңышты ла мул бирә.
Беренсе туҡландырыу ике аҙна үткәс башҡарыла. Һәр квадрат метрға 30 г иҫәбенән ҡатнаш ашлама – нитрофос менән туҡландыралар. Бының өсөн шул ашламаны бер күнәк һыуҙа яҡшылап иретәләр һәм һәр үҫемлекте 1 л иҫәбенән иретмә менән ашлайҙар ҙа, мул итеп һыу һибәләр. Икенсе тапҡыр үҫемлектәрҙе емеше ярала башлағанда, азотлы ( мочевина) һәм калийлы (көл) ашламалар менән туҡландыралар. Өсөнсө тапҡыр минераль ашламалар һибергә кәрәк. Һыйыр тиҙәге иретмәһе һалһағыҙ, тағы ла яҡшы. Бер күнәк һыйыр тиҙәгенә алты күнәк һыу ҡушығыҙ. Ҡош тиҙәген дә һалырға була. Бер өлөш тиҙәккә 10 – 12 өлөш һыу алына. Тамырҙарға үтеп инһен өсөн бер төпкә бер литрҙай ашлама китә....

Виноград иғтибар талап итә
Экономика / Үҙ эшеңде башла! // 8-06-2018, 08:00


Виноград иғтибар талап итә
Йыл һайын виноград алып ултыртам. Ниңәлер тамыры ерегеп китә алмай. Сәбәбе нимәлә икән?

Т. Ғәлиева.
Дыуан районы.

Виноград үҫтереп ҡарарға теләгегеҙ булһа, беҙҙең һалҡын климат шарттарына сыҙам «Изабелла», «Платовский», «Юбилейный», «Башкирский ранний», «Башкирский изумруд» сорттарына туҡталығыҙ. Тәлгәштәре бәләкәй генә булһа ла, 32 градус һалҡынға да түҙәләр. Үҫентеләрҙе баҙарҙан алмауығыҙ хәйерле, ышаныслы баҡсасыларҙан ғына алырға кәрәк....

Үрсетмәләрҙе туҡландырығыҙ
Экономика / Үҙ эшеңде башла! // 20-05-2018, 07:00


Үрсетмәләрҙе туҡландырығыҙ
Май айы тамамланғансы үрсетмәләр өйҙә тәҙрә төптәрендә үҫә әле. Асыҡ тупраҡҡа ултыртҡанға тиклем уларҙы даими туҡландырып тороу зарур. Күптәр был эште мөһим тип һанамай.
Үҫемлектәрҙе файҙалы микроэлементтар менән туҡландырыу уларҙың һыуыҡҡа, төрлө сирҙәргә сыҙамлылығын арттыра. Ашлама һибер алдынан тамырҙары янмаһын өсөн иң тәүҙә таҙа һыу ҡойоғоҙ. Ашламағанда, улар сиргә бирешә, япраҡтары һарғая башлай. Помидор үҫентеләренә яҡшыраҡ үҫһен өсөн йод иретмәһе һибәләр: 3 л һыуға 1 тамсы йод тамыҙырға һәм иретмәне үҫентенең төбөнә һибергә. Йодлы иретмәне баҡсаға сығарып ултыртҡас тағы ла һибергә мөмкин. Помидор эре буласаҡ, йод уны фитофторанан да һаҡлай.
Үрсетмәләрҙе туҡландырыу өсөн Унифлор Рост, Кемира Люкс, Агрикола, Гуми һ.б. препараттарҙы ҡулланалар.
...

Ҡоротҡостар бүлешмәһен уңышты
Экономика / Үҙ эшеңде башла! // 19-05-2018, 07:30


Ҡоротҡостар бүлешмәһен уңышты
Баҡсала эште ҡоротҡостарҙан арыныу­ҙан башларға кәрәк. Ә улар бик күп, ҡайһы саҡта бер ағасҡа бер нисә ҡуңыҙ, ҡарышлауыҡ эйәләшергә мөмкин.

Ағас төбөндә ялтырап торған тамсылар күрен­һә, уны оҙон морон (жук-долгоносик) тишкеләп киткән тигән һүҙ. Ул бер ҡыуаҡты ла буш ҡалдырмай. Был ҡуңыҙ һалҡынға түҙмәй. 10 градус һыуыҡта ҡатып ҡала. Шунда уҡ йыйып юҡ итергә кәрәк.
Япраҡ төргөс тә (листовертка) бөрөләрҙе тишкеләп юл яра. Йөрөгән ерен үрмәксе ауы менән ҡаплап китә....

Еләк яҡты урынды ярата
Экономика / Үҙ эшеңде башла! // 6-05-2018, 08:00


Еләк яҡты  урынды ярата
Баҡсамда баҡса еләге үҫтерә алмайым. Түтәлдәр ҡойма буйында урынлаш­ҡан. Яҙғыһын көл һибеп торһам да, уңышы аҙ була. Үҫентеләрҙе әллә яңыртырғамы икән, тип тә уйлайым. Кәңәш бирегеҙ әле.
Л. Ғиләжева.
Ҡырмыҫҡалы районы....


Борьба с коррупцией

[/aviable]

  • Һуңлап килгән аҡыл
  • Ҡолаҡ һал!
  • Үәт, ҡыҙыҡ! (14.09.2018)
  • Таңым нуры инең
  • Тормош – ҡуласа, әйләндереп бер баҫа
  • Тәүге һөйөү шундай ҡыҫҡа булды
  • «Уҡыусың рәхмәтле булһын»
  • «Салауат Юлаев» - «Локомотив»! Кем-кемде?
  • Үәт, ҡыҙыҡ! (31.08.2018)
  • Ылау (Хикәйә)



  • Радио Юлдаш FM